|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
08-02-2012, 11:26 PM
|
||||
|
||||
╯╭.. محشي الكوسا + سمسينغ سخن وحلو .. ╯╭
مرحبا يا بردانين اليوم هادا رقم 7 في إجازتي من شغلي الله وكيلكم قضيتها كلها في البيت طبخ ونفخ هههههههههه اليوم عملت محشي كوسا كنا على أساس نعمل مجدرة وراح أخويا على السوق اشترى خضار وهيك فأنا لما شفت الكوسا انصرعت ههههههههه علشانها طازة لسة ومنظرها بيعقد قلت لازم أعمل محشي . .  بالله مهو معي حق قال مجدرة قال أنا ناقصني نشفان ريق في هالبرد هههههههههه  هادول رطل كوسا ب 10 شيكل  مقورين وأنا اللي قورتهم يحالي . .  وهاي تتبيلة الرز عملتها مدام أخويا المعدلة الشتورة عارفينها انتو طبعا رز حبة قصيرة ولحمة مفرومة زغير وبقدونس وبصل بندورة وزيت وملح وبهارات  مش زي نورسين الغشاشة لما عملت موضوع المغشي اليوم محكتش إنو زوجة أخوها إم ريفان هي اللي عملت اللحمة هههههههههه  هاي الطنجرة اللي بدو ينحط فيها الإشي بردو تجهيز مدام أخويا هي بس إجت تسألني وانا قاعدة في الممر بقور الكوسا علشان كانت الكهربا قاطعة ومفش اضاءة منيحة بالمطبخ إنه هاي الطنجرة يساندي ولا هاي ؟ فأنا قلتلها الوسطانية ههههههههههههه  . . لما خلصت التقوير رحت عالمطبخ تاني علشان أحشيهم ونا واقفة ما بحب أشتغل كتير ونا قاعدة بحس أسرع وأخف وأنا واقفة ههههههههه هي راحت تشوف التوينز تبعونها بضلها تحكيلهم ماي بيبيز تلي تابيز  هههههههههه وهنا لما تمت عملية الحشو  . . هلأ هي كانت حاكيالي يا ساندي في 3 حبات فلفل رومي لو ضل حشوة حابة نعملهم قلتلها من عيوني يا جميل  ههههههههه . . وهنا لما رشيت ملح وحطيت مية مغلية وركبت الطنجرة عالغاز  . . طبعا ً ضليت أجلي وأنضف المطبخ وحطيت بقية الرز ولب الكوسا في اكياس في الفريزر  . . هنا لما حطيت 4 معالق صلصة  . . وهنا لما استوى تقريبا ً  . . وهنا لما انا كنت بحكي مع نورسين بالمسنجر  واجت مدام اخويا ونيستي في البيت حكتلي أجيب نتغدى هنا عندك في غرفتك يا سوسو علشان الدفا ؟ قلتلها يا حيا الله وهي اللي رتبت الإشي في الصحن زي هيك وحكتلي صوريه مش عارفة اني صورت كل شي من البداية . . المهم قلت لنورسين إلعبي مع الأسد بدي أروح أتغدى هههههههههههه هاي صورة كلوز أب  . . وهادا صحني   . . هلأ بالليل كنت هوم ألون وقطعت الكهربا فرحت عالمطبخ وولعت شمعة  . . وجبت معلقة نس كويك + معلقة حليب + معلقة جوز هند + أي نوع شوكولاتة  . . وجبت كاسة وحطيت فيها نتفة مية باردة ومعلقتين نشا  . . ودوبتها  . . وجبت أكبر مق في البيت  أيون هو تبع بنك فلسطين . . وحطيت فيه النسكويك والحليب  . . وعليهم مية بتغلي  . . وحرك ونا بحرك  . . لغاية ما صار قوامه سميك زي هيك  . . حطيت جوز الهند  . . والشوكولاتة كسرت منها نتوف  . . وجبتهم عالمكتب يا سها علشان تشوفي علبة الالوان والقلم الرصاص وتتأكدي إني رسمت وحبعتلك رسمة الغزال  . . وبس  
|
| عدد 23 عضو بقولولك شكرأ يا السندريلا على هالموضوع المرتب: | ||
|
#2
08-02-2012, 11:43 PM
|
||||
|
||||
ينعن نتنياهو مطرح مهو قاعد  ايش الحلاوة هادي يسنسن  آمني بالله جوعتيني هيك حتخليني اصحي المودام تعملي عشااا تاني بجد اشي مرتب زي الي عملتو {ضاد حيتزعفل من الخجل} يسلمو الديات الي طبخت فشي اصبع عالسريع اظلطه
_______________________________
|
| شكر من هدول الأعضاء يا عنقود الغضب على هالموضوع المرتب: | ||
|
#3
08-02-2012, 11:46 PM
|
||||
|
||||
|
مع اني علاقتي بالمحشي مش غاد غاد ونادرا لما اكل منه  بس منظره هنا بشهي كتيير وعشمتيني عليه عنجد انك معدلة انتي ومرة اخوكي وصلاة النبي عليكم الله يخليكم لبعض وبالنسبة لاخر شي عما قريب بدو ينعمل لانو انا بحب الشغلات هاد وبحب اي شي فيه نس كويك يعطيكي العافية انتي ومرة اخوكي وربنا يكتر من اجازاتك لنشوف ابداعاتك > نفس الوزن والقافية < ملاحظة صغيرة لا يمكن تدخل بيت بغزة الا تلاقي هاد الفنجان هههههههههههه
_______________________________
. . . .  روحك ما يهمها إعتقال !
|
| عدد 2 عضو بقولولك شكرأ يا عايشة هيك على هالموضوع المرتب: | ||
|
#4
09-02-2012, 12:00 AM
|
||||
|
||||
|
سنسن انتي بتعرفي انه اكلتي المفضلة هيا محشي الكوسا اكلة يعني ما بقدر ما اكلها لو شفتها فيعني شسمو بدي اكبر صحن عندكم وبدي كمان من النس كويك انا بصدقك من غير مشوف اصلا يا سنسن يسعدلي اياكي ريته الف صحة وهنا يارب يلا بدي اشوف الغزال تبعك ضروري
_______________________________
.. •• ••
|
| شكر من هدول الأعضاء يا soose على هالموضوع المرتب: | ||
|
#5
09-02-2012, 12:27 AM
|
||||
|
||||
|
محشي كوسا كتير بحبة شكلة طالع معك بشهي يعطيكي العافية ساندي
_______________________________
 لا بد لليل ان ينجلي & لا بد للقيد ان ينكسر 
|
| شكر من هدول الأعضاء يا اسوووم على هالموضوع المرتب: | ||
|
#6
09-02-2012, 12:45 AM
|
||||
|
||||
|
و الله و أول ما شطح نطح يا ام السنانيد يسعدك الله و الله شي روعة .. حتى الترتيب بيشششهههي عشقي و غرامي بهالدنيا المحشي هههههههه محشي الفليفلة صايرة من جديد احببببوووو اكتر من الكوسا حتى .. جربوا اعملوا المحشي على دبس رمان بدل البندورة او صلصتها حيطلع شي خيالي .. آآآخ جوعتيني من زمان مش ماكلة أنااا كل ما بدي آجي آكل شغلة ببطل ابصر شو مالي أأأبصر مين ساددلي نفسي اليوم  يلا هانت الجمعة عاملين ملفوف .. اتفضلي :$ بس عفكرة  الرطل يعي ربع كيلو .. بعشرة شيكل يعني اقل بنتفة من عشر دراهم يعني الكيلو بأربعين ؟ بحسب صح انا وللا بطلت أجمع آخر هالليل؟ ليش هلأد غااالي احنا حتى لما يولع سعر الكوسا ما بيوصل هيك البياع غاشوا لأخوكي  صحتيين و هنا يا رب يسلم هالايدييين ابعتيلك كم حبة .. 
_______________________________
. . . 
|
| شكر من هدول الأعضاء يا إينر على هالموضوع المرتب: | ||
|
#7
09-02-2012, 12:49 AM
|
|||
|
|||
|
شكر علي محشي يسلموا واللة معدلة وعلي شكولاتة كمان تقليت شوي من اكل بس لا يقاوم صديقتك ندي جديدة في مقعد
|
| شكر من هدول الأعضاء يا nada love gaza على هالموضوع المرتب: | ||
|
#8
09-02-2012, 12:55 AM
|
||||
|
||||
|
[CENTER]طباخة يا ساندي
انا بدي الي جوة المج بس مش تاع بنك فلسطين بلاها احسن المحشي رووووووعة ما في ازكي من المحشي بالدنيا كلها تاكلي شوكلاتة عقلي بقولي اروح اعمل زي الي عملتي بس شو اعمل بالدفا [/center]
_______________________________
|
| شكر من هدول الأعضاء يا ديدو1 على هالموضوع المرتب: | ||
|
#9
09-02-2012, 12:58 AM
|
||||
|
||||
|
حقدت عليكي رسمي  منظر المحاشي بيجنن والبخار طالع منهم يا سلام والاشي الاخير الزاكي عفكرة لب الكوسا احنا بنعمله مع بصل وبندورة واشوية بهارات بيتغمس جنب المحاشي صحتين وعافية على قلوبكم  يعطيكي الف عافية انتي ومرت اخوكي والتوينز تليتبيز "هاتيهم اوكلهم بدل الأكل وبسامحك
_______________________________
لا حول ولا قوة الا بالله العلي العظيم 
|
| شكر من هدول الأعضاء يا عاصفة فلسطين على هالموضوع المرتب: | ||
|
#10
09-02-2012, 12:59 AM
|
||||
|
||||
|
و الله العظيم هفت نفسي ع المحشي .. يسلمو ايديك اشي بيفتح النفس .. يعطيك العافية انتي و مرة أخوكِ
_______________________________
’ ,  , .
|
| شكر من هدول الأعضاء يا a7mooDy على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
