أساله ما إلها جواب معين ,,,
1- ليش لما تقعدي جنب السواق في تاكسي فاضي بيطلعلك من تحت لفوق ومن فوق لتحت ,, يعني البنت معجبة وحابة تشنكل الأخ , وإنت ما بتيجي ببالك هالشغلات والله يستر ما تدخلي أنت والسواق بعمود ,,
2- ليش لما تكوني في تاكسي فاضي وتقعدي ورا ,, بياخدك السواق جولة حول الدولة وبيعملك فسحة مفاجأة , مش لأنك أمورة ولذيذة , لا بس حابب يوريك كيف بيشفر,, وأنت روحي على البيت اقطعي الخوفة
3- ليش لما تكوني برضه ورا وجنبك ولد أو اتنين بيتفنونوا كيف يدايقو تاريخك , الي بيدخن من هنا والي بيلزق فيك من هنا ,, والأنئح من هيك بينزل أي واحد منهم يقول للتاني يقطع شر هالبنت طول الوقت إيدها على إيدي والله إستحيت ,,,,,.
4- ليش لما تكون القعدة مريحة في التاكسي , وهاي على غير العادة ,, بتيجلك عطسه وحكة في المناخير , طبيعي الجو صيف والكل وضعه مبهدل ,,,والريحة من كل واحد خوتاااااان بنت كانت أو ولد ,ومع الوضع السياسي المنيل ما حدا شكله فاضي يتحمم أو يحط ريحة.
5- ليش السواق شرطي , والي جنبك بيكون عسكري والي راكب جنبك مسلح , وإلي بده يركب حامل مدفع على ظهره وشغلات حلوة على خصره ,, وبكره البنات بتحمل مسدسات خلي البلد كلها تتضامن وتتسلح ..
6- أريحلك تكتبي إسمك وسنك وعنوانك واتجاهك وتلزقيهم على جبينك , علشان ترتاحي من أسئلة السواقين اليومية ,, من وين ؟ طالبة؟ بشتغلي؟ ليش مكشرة؟ خدي رقمي وقوليلي ليش مدايقة ....
وما حدا يقول استخدموا باص 11 لأنه إحنا هلأ في الصيف والجو حريقة يعني التاكسي حتما ولابد,,,
فشو العمل ,, ولا هاي الشغلات برضه لازم نتعود عليها

اه والله ليش؟؟
سؤال منتكي
مشكورة على الموضوع
مع اني ما لاحظت اشي هيك

_______________________________

اختي ارموشة
كلامك كله مزبوط وببصملك عليه بالعشرة ولسه في مواقف بمروا فيها البنات بالتاكسيات اعطل من هيك بس مبين انه الله ساترها معك لهلا وان شالله على طول... وبرايي مافي مبرر لهاي السفالة اللي بتضطر تمر فيها البنت بطريقة شبه يومية بالاخص اننا بدولة مسلمة بتحمل عادات وتقاليد شرقية وبتعتبر شرف البنت من الخطوط الحمر والمفروض يعني من صفات رجالنا الشهامة مش الوساخة واللي بدو يحكي الاحتلال السبب ويستفزني بدي احكيله ماتزعل لما تلاقي بنت من عيلتك دايرة لانها عاشت تحت الاحتلال كمان بدك تعذرها... ولاد الحرام ماخلو للبنات متنفس بهالبلد... والله يكون بعونكم

_______________________________
قال تعالى وَلَا يَحْسَبَنَّ الَّذِينَ كَفَرُوا أَنَّمَا نُمْلِي لَهُمْ خَيْرٌ لِأَنْفُسِهِمْ إِنَّمَا نُمْلِي لَهُمْ لِيَزْدَادُوا إِثْمًا وَلَهُمْ عَذَابٌ مُهِينٌ (178) آل عمران

يعني ماشي الحال لهلأ آدم :-) بجد الله يستر من الأيام الجاية
, وقت ما تكون في تاكسي شاورلي , نركب على المضمون :-)
شكراا على المرور يا زوووووووووء

_______________________________

تسلمي نونة ,, مري إشربي قهوة :-) بس على حسابك:-)

ليش دايما بننظر للامور من منظرونا احنا بس

ليش بنقولش انو فيه هيك وفي هيك

ليش دايما بنسب الوضع وبنلعن الظروف

ليش ما نقول انو صحيح كلامك في منو..

لانو كل دار فيها بيت ميه...بس مش كل الدار بيت للميه....(:

شكرا على الموضوع

_______________________________

_______________________________

في منه كلامك أرموشة وفي مواقف طبعا بتصير مع الواحد أكتر من هاي وأحيانا أشنع من هاي بس برضه مش غلط الواحد إنه نحكي هالشغلات ويمكن بكره تهون ويرخص الليمون
منورة يا حجة