جديد جديد جديد (( قاموس اللغة الأردنية)) حصرياً...

مش فارقه معي..!! · #1 25-07-2006, 08:15 AM

مرحباااا شباااااب & بنااااات المقعد

اليوم حبينا نعطييكم دروووس عن اللغه الاردينه

مشان اللي ماراح قبل هيك يدير بالوووووو

1- دواوين: يعني ازعر وما حدى قده، وفيه مواصفات الزعرنة. ومن الكلمات المرادفة _ تلاوين

2- طجع: (جـ) تقرأ_ كما في جمبري... ومعناها شغلة ممتازة او حلوة او Perfect

ومن الكلمات المرادفة_ دمااااار _ حريقة _ اخو شلن _ أخو أخته

3- سقيطة : ضعيف وكل الناس ضربته وهزأته..

4- خروف: معناها أهبل وضحوك عليه بشغلة مثل_ بيع وشراء و إستعارة

5- معلم: (ل: مشددة، وتقرأ معللم، إسم المفعول من علّم) ومعناها فيه حدا ترك عليه شغلة ما بتنتسا ابداً ... يعني شغلة رح تضل معاه للأبد..

6- خاوة: يعني غصب عن إلي ما بده تصير الشغلة ..

مثال _ رح تفوز البرازيل خاوة. : يعني غصب عن إلي ما بده.

7- واصل : معناها: إلو حدا داعمه من جهة مهمة وهوا رافع راسه فيها.

8- لابد : معناها ساكت وما بيقدر يفتح فمه بحرف وحد.

9- حبطرش: معنها زلمة قد حاله بس من الناس الدواوين .. وكل الناس بتخافه..

ومن المرادفات: _ حوت _ راس

10- بتموون: يعني بتطلب زي ما بدك مني.. مثال_ إنت بتموون على البضاعة كلها

11- نشمي: يعني زلمة قد حاله بس للناس المحترمين.

12- صرعنا: يعني طفّشنا كلنا من عنده

13- مفوديس: معناها مخلص _ دراسة او شغل او لعب او..... إلخ

14- سنفور: معناها: لسه إنتا صغير على هيك إشي ، وما بيصير تعمله.

15- دندرة: معناها بيجي بمعنى فوضى و شغب وأزمة.. ومن المرادفات_ ميمعة.

16- مزنوق: يعني انا محتاج للمساعدة بسرعة بسرعة..

17- طافي: معناها : واحد اهبل ومجنون.. ومن المرادفات_ مخّلص..

18- طنش : معناها: إنسى إلي سمعته او شفته..إلخ

19- بندجت: (تقرأ حرف الجيم: مثل مانجا) معناها: خربت او تعطلت. من المرادفات_ فركشت

20- بعرط: معناها بكذب او بحكي قصص كلها كذب... من المرادفات_ بقصقص

21- تشحيط: معناها بعمل دوائر على الأرض بالسيارة..ومن المرادفات_ تخميس_ تفحيط

22- سحنة: معناها ملامح وجه الواحد.

23- خز: معناها واحد جعل واحد ثاني خدامه... في جملة: فلان خز لفلان.

24- منغنغ: معناها معاه فلوس كثيرة وجيبته مليانة مصاري.

25- جاها: معناها: جماعة من الناس من عشيرة وحدة بيجوا عشان يخطبوا بنت من عشيرة ثانية

وهلأ نبدأ بالجمل ومعانيها:

1- يا اوطى من الشفرة على الأرض : نذل وسقيطة.

2- إنتا على راسي : يعني بعزّك معزة حلووة..

3- يلعن روما: لما الواحد بيعصب بيحكي هادي الجملة,

4- بدي أكسر شواربه: معناها بدي اذل هالواحد الكبير.

5- بدي أشل عرضه: معناها بدي اكسر وسطه وظهره من الضرب.

6- حبيبو لقلبي : بحبك موت يا حلوو

7- الوظع متكركب: معناها انا هلأ ملخبط شوي بالبيت او الشغل او... إلخ

8- أعطيني على طواحيني: بيجي معناها مدح شخص معين بشغلة عملها.

ومن المرادفات_ قوية ومن التسوس محمية _ اعطيني على العضل.

9- مجّلّس ومعطي لمعة: يعني مخروس من واحد ضاربه ومخليه ساكت على طول.

10- روح يا مجروح: معناها بيجي للذم عن شخص معين.

11- بدي أصرميك: معناها بدي أضربك بالشبشب او البوت او الصندل... إلخ

12- أكلت راسنا يا زلمة: معناها واحد جنّن الثاني وصرعه بالحكي.

13- إطلع من راسي وسكّر الباب وراك: معناها روح إبعد عني لإنك زهقتني.

14- قدها ونص: معناها انا بقدر إلها أكثر منك.

15- إحنا داحلين: بيجي معناها لجواب عن كيف حالك؟ .

16- حل عن سماي: معناها إبعد عني يا ابو الشباب.

17- طعة وقايمة : معناها : (مهي صارت صارت).. يعني خلص امرنا لـ الله .

18- على الحديدة: معناها وضعي مو منيح... ومن المرادفات_ زي الزفت..

19- بسحب افلام: معناها: بخترع قصة كذب ومثل الكميرا الخفية.

20- قاعد على بنك: معناها معاه فلوس كثيرة.. ومن المرادفات_ وراه كازية_ معاه خير الله

21- إبعتلي منه : معناها إبعتلي رصيد موبايل لأني بدي ضروري.

22- بجبدك خماسي: معناها : بعطيك كف على وجهك.

23- قاعد على لحمة بطني: معناها : انا كثير جوعان وبدي أكل أي شي.

24- على حطت إيدك: معناها : انا هلأ زي ما كنت المرة الماضية، ما تغيرت بشيء.

25- معاهم معاهم.. عليهم عليهم : معناها: إحنا مع إلي بساعدنا اول شيء .

انشالله تكونو اتعلمتو شوية شغلات عن
اللغه الاردنيه

هيرو · #2 25-07-2006, 08:19 AM

آه يا عم هي الكلمات الفلسطينية

مش منزلين مصرية وكلام فاضي

يسلموووووووووو

صحيح أبل ما أروح شو معناة

سبهلله

مش فارقه معي..!! · #3 25-07-2006, 08:23 AM

اهليييييييييين اخوي هيرو الصراحه انا مواضح الكلمه اللي انته سألت عنها

بلييييييييييييز كبر خط مشان اشوفها

مشحط على الاخر · #4 25-07-2006, 08:44 AM

اها في كلبمات عنا بغزة احلى منها

اصلا كل الاردنية اصلهم فلسطيني

يعني منا وفينا (:

عابر المحيطات حافي · #5 25-07-2006, 09:23 AM

هههههههههههههههههههه
احلى كلمات بالعالم
سلامو

نونا · #6 25-07-2006, 09:33 AM

6- خاوة: يعني غصب عن إلي ما بده تصير الشغلة ..

ههههههههههههههههههههه احلى كلمه

وانا اردنيه بس اصلي فلسطيني يؤ

0220 · #7 25-07-2006, 10:39 AM

ههههههههههههههههههههههههههههههههههههههههههههههههههههههههههههه
مشكوووووووووووووووووووووووووووووووووووووووووووووووووووووووووووور

مقبع · #8 26-07-2006, 10:12 AM

هههههههههههههههههههههههههه

مشكور على المصطلحات الرائعة ..

هههههههههههههههههههههههههه

lily · #9 26-07-2006, 12:28 PM

هيرو معنا سبهللة يعني على الله

يسلمو على المصطلحات الرائعة

1+1=علاء · #10 28-07-2006, 11:59 PM

يا حبايبي هاي كلماات فلسطينيه من الضفه انا نفسي من الضفه وكل هالحكي بحكي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	إللي كتب الموضوع	القسم	مشاركات	آخر مشاركة
تصوير جديد لكليب كل مرة لتامر حسني ... جديد ما تخلوه يفوتكم	كلني يا عووو	استخف دمك	29	13-09-2007 12:22 PM
كل يوم درس جديد على إيميلك في اللغة الإنجليزية...	فلسطينية_سورية	اللغـــــات Languages	4	26-01-2007 09:51 PM
جديد جديد جديد سيارة المستقبل لعام2010	mixo	حبيبي يا حااااااج	31	06-12-2006 05:30 PM
جديد في جديد يساوي جديد تربيع	ammona	دكانة الكمبيوطر والأنطرنت	1	06-10-2006 10:06 AM
حصريا والبوم جديد لنوال الزغبي( ياما قالوا) جديد	KaSbEr	آخر شريط ومطرب نزلوا	2	29-07-2006 12:06 PM

الذين يشاهدون محتوى الموضوع الآن : 1 ( الأعضاء 0 والزوار 1)