قصتي مع ام العبد في باريس....
في يوم من الايام فكرت اخذ معي ام العبد و كمان ابني العبد علي باريس طشة في الصيف, و كان هذا الكلام قبل ما ربنا يرزقنا بالامورة نزمية.
طلعنا علي مطار غزة علي باريس مباشرة (ايام ما كان في مطار """" في الاحلام """"") , و ركبنا الطيارة الكونكورد (كانت تنزل بس في مطار غزة علشان هيك اليهود هدو المطار من الانزعاج), وصلنا المطار ساعة ظهرية و كانت الدنيا شمس و الطقس جميل جدا, و الاجمل من هيك صبايا اللاواتي بعد سن الاربعين, الاحمر احمر , و الازرق ازرق, و الابيض ابيض , و يعيني علي اللحم الابيض المتوسط , احسن لون.



المهم طلعنا من المطار علي طول علي شارع الشانزليزيه, و دخلنا علي مطعم عربي هوناك, صاحبة واحد لبناني , و اكلنا عندو شوية مشاوي من اللي يحبه قلبك ( و الحكي للجميع ), و شربنا شوية شاي و انبسطنا و كل شي تمام حتي الان.

رحنا علي الفندق كا اسمه ( قولدن توليب ), حجزلنا غرفة زغيرة محندكة في الطابق العاشر. قضينا ليلتنا هذيك نوم لانو كنّا تعبانين جدا من السفر.




اجا الصبح , و نزلنا علي المطعم في الفندق و أفطرنا و استعدينا للانطلاق الي شوارع باريس الجميلة, و حبينا اول شي نعمله نروح عي قوس النصر و نزورة , و بعدين ننطلق الي برج ايفل الشهير, مالكم في الطويلة خليكم في السولافة , بعد ما خلصنا من زيارة قوس النصر و شفنا التحف اللي داخل قوس النصر انبسطنا و كانت امورنا عال العال. سحبنا حالنا و اخذنا تكسي خصوصي الي برج ايفل , نزلنا تحت البرج الا و الناس زي النمل هناك (علشان الدنيا صيف) , و الله صفينا باطابور زي الناس ما هي عاملة , و رحت انا و العبد ( الله يرضعي عليه) اشتري تزاكر, و قلت لام العبد استنيني في هذا المكان علي بال ما ارجع لك و معي التذاكر ( بديش اتعبها لانه حلكت من المشي ) .




اتأخرت كثير و انا بشتري التذاكر من الزحمة, و رجعت الا و ام العبد مش موجودة , دور عليها يمين شمال , ابدا فص ملح و ذاب , قعدت يمكن ساعتين ادور عليه , ابدا تبخرت مسكينة, قلت مليش غير قسم البوليس, اروح و ابلغ عن فقدان ام العبد, رحت علي المخفر و استنيت دوري زي الناس المحترمين , و قعدت افكر وين راحت ام العبد, و بطلّع حولي الاّ و الصبايا الحلوات اشكال و اللوان , يا عمي الباريسيات غير شكل , نسيت ام العبد و قعدت اركز علي الحلوات , و مسكين العبد نام في حضني. و انا كمان غفيت و نمت مكاني من التعب , و انا نايم حلمت انو ام العبد رجعت و صارت شقرا و عينيها زرق و ايشي غير شكل ( صارت باريسية ), و صحيت من النوم اللا و واحد فوق راسي بيقولي : ميسو........ بالفرنسي . طبعا مفهمتش ولا كلمة.





جابولي مترجم عربي و قعد يترجم لي :
سألوني وين ضاعت, قلتهم عند برج ايفل.
سالوني ايش اوصافها : ::
قلت : شقرا و عينيها زرق و حلوة كثير و بتشبه هذيك الحلوة ( و اشّرت علي احلي وحدة في المخفر ) .
الا و نط العبد بيقول : لا يابا : ماما سمرة و شعرها اسود , و مش حلوة زي هذيك.
هههههههه فشلني الله يفشلو قدام الاجانب.

انا قلت في بالي انو بيعطوني وحدة حلوة و شقرة و عينيها زرق بدالها بس ما زبطت .
و انا قاعد بقدم بلاغ الا و ام العبد جارّينها علي المغفر و حاطين في ايديها سلاسل , مفكرينها مجرمة متسوله, و قمت نطيت من مكاني و قلتلهم هاي هي ام العبد ( البركة ) رجعولي اياها.

المهم حلينا المشكلة , و لقيت رفيقة دربي ام العبد ( اللي كان نفسي ابدلها بوحدة شقره ) بس ما زبط.

وحلفت مليون طلاق انو لازم نرجع علي غزة علشان ما تضيع مني مره ثانية , و سحبنا حالنا علي مطار شارل ديقول و حجزنا بنفس الطيارة الكونكورد وو رجعنا علي مطار غزة بكل امان و في احضاني ام العبد و ولدي العبد ( الله يرضى عليه و ينجح مقاصدة يا رب).





وفي الاخير بحب اقولكم انه :: القناعة كنز لا يفنى.
و هاي هي حكايتي لهذا اليوم اتمني ما اكون طولت عليكم.

_______________________________

لما تروح قلي خلنا نطل عليها وناخد الهدية

_______________________________

يا عمي هاي الحكاية من زمان , رجعنا و كخلفنا نزمية و جوزناها لخاطر .
انت شكلك مش متابع جيد لعائلة ابو العبد ( اسأل الاخوان في المقعد)

_______________________________

_______________________________

_______________________________

هههههههههههههههههه

رحتو على باريس يا ابو العبد والله انكم خطيرين
ابقو خدو المقعد معكم و انتو رايحين

بعدين سلميلي على انتي ام العبد كتشششششير

تحياتي
غزاوية جح

_______________________________

الحمد لله على سلامتكم ويا عمى ما فى احلى من الفلسطينيات وعفتهم

هاي المرة الاولي و المرة الثانية لما رحنا و كانت معنا صبحية في محل فيرجن كنّا لحالنا انا وام العبد ما كان معانا العبد.


غزاوية جح و بنت المخيم شكر لتواجدكم و ان شاء الله المرة الجاية راح اخذكم معي علي باريس و غيرها بس ترضي ام العبد.

_______________________________

والله أبو العبد خراريفك حلوة كتير
على ختيار زيك
والله إنك ختيار متطور
ههههههههههههههههههه
بقى يا راجل عاوز تبدل إم العبد البركة بحودة باريسية
أي مش عيب عليك
آه مش عيب عليك تروح لحالك وإتسيبني طب خوذني معاك وانا وياك بنروح نقيلنا تنين باريسيات إنما إيه
ههههههههههههههههههههههههههههههه
إوعى تحكي لإم العبد بلاش تبعتلي قوة خاصة تغتالني

ههههههههههههههههههههههههههههههه
مشكور أبو العبد
والله مواضيعك لزيزة
سلملي على العبد وعلى نظيمة
والله يخليلك إياهم

_______________________________

طب مش ناوي تروح مرة تانية على باريس ..... ؟؟؟؟

....÷÷÷÷÷÷÷÷÷÷÷÷÷÷÷÷÷
هههههههههههههههههههههههههههه

_______________________________

... عزيــزيـــ ...

لا ترحـــــل ... فقلبـــــــــيــ وذكريــــــــــاتكــ وحبــــــــــكــ مـــــــاضــون إلى حيــثــ لا تعلــــمــ