يا عمري .. تسلمي عالموضوع بالاول ..

شوفي .. الاهل بالاول لازم نسمع ليش همة مو موافقين .. واكيد ما حيكونو رافضيت من دون سبب .. اكيد رح يكون في شي بيمنع هالزواج .. ونظرة الاهل للحياة بتكون احسن من الاولاد الصغار اللي لسة بيحبو و بيعشقو .. لانو مو كل حب بيكون حب عنجد .. يعني انا عن نفسي برفض و بحاول انساه و برد على اهلي .. لانو اهلي عارفين مصلحتي وبلاش ييجي يوم اصير احكي ياريتني سمعت كلام اهلي .. لأنو ساعتها رح انضرب بالصرمة ( الله يعزك ) .. وبعدين انا لو تحديت اهلي و رحت معاه وتزوجت غصبن عنهم .. بعدين تخلو عني وقالولي انتي حرة يا احنا يا هوا .. فرضا رحت معو .. رح اندم كتير لما ما الاقي اهلي واقفين جنبي بكتير مواقف .. متلا الولادة .. وين عمام الولد وخالاتو ولا ستو .. يعني هيك مواقف بتكون حلوة مع الاهل ..

وبرجع بحكي انو احنا ما بنشوف نظرة اهلنا كويسة ولا مقنعة ولا بتسد حاجاتنا .. بس همة معهم حق مو في اغلب الاوقات .. بل في كل الاوقات .. صدقيني الاهل بيعرفو المصلحة دايما ..

يعني رأي من الاخر .. انو بتركو عشان اهلي يرضو علي ..

_______________________________

بصراحة موضوع رائع ومشكورة يا امورة يا حولة

اهلى على عيني وراسي من فوق ..... بس نحنا هون بنحكي عن مستقبل عن شريكة حياة ,,,, يعني مش لعبة ولا تسلية ..... يعني من الاخر مفتاح سعادتك او تعاستك بتكون بايدك ... اذا والله اهلى بررولي موقفهم وانا اقتنعت فيه واتفهمتوا ولقيت حكيهم هوا الصواب وهوا الصح ما عندي ايه مشكلة ... طبعا بعد اقتناعي وتأكدي انه كلامهم الصحيح .... اما اذا كان موقفهم مش واضح والرفض من اجل الرفض ولا مشان الحجة حاطة عينها علي بنت اخوها او بنت اختها ... فهنا ارفض وارفض وارفض ... وحتى لو صلت اني ما تزوج بحياتي ... بظل رافض ... وصامد يا غالي

_______________________________

بصراحة انا وحدة متعلقة باهلها بشكل مو طبيعي
يعني ما بقدر استغني عنهم ولو شو ماصار
يعني لو في واحد حبيتو بجد وهو حبني واهلي رفضوه بحاول اعرف شو السبب واحاول اقنعهم ولو مااقتنعو وبس لمجرد الرفض برضو بضل تحت رعاية اهلي عشان ما اخسرهم صحيح ممكن اكون خسرت الي بحبو والي روحي فيه وبتمناه بس بالنهاية بقول الله يسعدو مع غيري واتمنىلحالي انو الاقي انسان يحترمني ويقدرني وانا احترمو واعيش معاه عيشة كريمة
بس المهم عندي ما اخلي اهلي يغضبو عليةولو شو ما صار
لانو الانسان لو وين ماراح واتجه بالنهاية بدو يرجع لاهلو
واكون عندهم ويحسو اني بحترم قرارهم يمكن هالشي يخليهم يغيرو رايهم وحتى لوما غيرو بضلو حاسينانو ما عصيتلهم امر

يعني انا ما بقدر اضحي باهلي

_______________________________

يسلموووووا على الموضوع الحلو
بصراحة الموقف كتييييييير صعب
يعني ويلي أهلي و و يلي حبيبي
بس إذا كان الشب منيح و همي رفضوا ما بيكون إلهم حجة يعني
اذا همي بدهم سعادة بنتهم ليش ما يوافقوا
بس بيضل للأهل حكمتهم بس بصراحة مش دايما
أنا هيك رأيي
و ما رح أجاوب على السؤال بصورة مباشرة هلأ يمكن بعدين
على العموم يسلموا على الموضوع وعلى النقاش الحلو .............

_______________________________