|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
16-03-2007, 02:27 AM
|
||||
|
||||
تيجي نقسم القمر؟
السلام عليكم..! كيفكم يا جماعة..؟  جاية أطل عالمطبخ..  وسعولي شوي..  بدي أعمللكم أكل اليوم  أو يعني.. عملته وخلصت.. وجاية أوريكم ياه  ويا ريت تجربوه وتحكولي رأيكم.. لأنه كتيييييييير زاكي.. أكلتنا اليوم.. اسمها..  نص القمر.. يالله نبلش حبة حبة يا علام نبدأ بمكونات الخلطة أو الحشوة يعني..  زي ما هو مبين عندكم.. نص كيلو لحمة مفرومة.. حبتين بصل وسط 3 حبات جزر وسط 3 حبات بطاطا وسط.. في كمان 3 ملاعق صلصة بندورة.. نسيت أحطها بالصورة العائلية  هلأ.. نبلش الطريقة  بنقطع البصلة تقطيع صغير..   حد بيكره تقطيع البصل كمان غيري؟  نصيحة.. اغسلوه قبل ما تقطعوه.. بتخف الحرقة والدموع شوي  المهم.. بعدين بنحط البصل واللحمة مع شوية زيت زيتون وملح وفلفل وبهارات طبعاً.. حسب الذوق  وما تنسوا تولعوا النار تحتيهم  وبتغطوا الطنجرة اللي بيسأل عن الإشي الأخضر.. خليت اللحام يفرم لي بقدونس مع اللحمة حسب الذوق.. مش شرط يعني  مين وايل (أو يعني Mean while).. أثناء ذلك.. اللي هو بنبشر الجزر  وبنقطع البطاطا برضة فسافيس صغيرة   بتطلكم تحركوا اللحمة وانتوا تقطعوا.. مش تنسوا.. المهم هلأ.. بنحط الخضار فوق الإشي  ويا دار ما دخلك شر آه.. لسة ما خلصنا هلأ نبلش نحضر باقي الحبشتكنات.. بنجيب خبز من خبز البرجر  تقولوا فاتحة مخبز بالبيت أنا استعملت حوالي 14 حبة منه.. بس وبالسكينة.. بنفتحه من النص.. بس مش زي البرجر زي الصورة..  بلش القمر يضوي المهم.. هلأ بالأصابع.. أو بالأحرى بالإبهام والسبابة بس بنفرغ الخبزة شوي.. زي ما مبين قدامكم..  بس ما تفضوها عالآخر خلوا شوي منيحة عالجوانب.. شو قلت؟ ما تنسوا تحركوا اللحمة  وحطوا الصلصة هلأ مع كاسة مية.. قربت تستوي  ممممم.. المهم.. نكمل هلأ بنفضي كل الخبز وبنرصه بصينية.. أو تنتين.. وبنحاول ما نخلي فراغ بينهم.. كالتالي (حاسة حالي بشرح درس لصف عاشر ) ولكم حركوا اللحمة هلأ.. بنعمل الخلطة التانية.. الصوص.. أو الكريمة.. ومكوناتها كالتالي  قشطة.. علبة مايونيز.. 3 ملاعق أو 4 جبنة كيري أو لافاشكييري.. شي علبة ومية.. إمبو يعني.. بنحطهم بالخلاط.. وبنحط مية.. اللي تغمر المكونات تقريباً.. وبعدين.. وززززززززززززز   اللي ما عنده خلاط.. بالشوكة وعالترتيب.. والمية آخر شي.. بس نخلص بيكون الإشي استوى بنشيله عن النار.. وبنبلش نحط مقدار معلقة كبيرة من الحشوة في الخبز  شوي شوي ما تاكلوه.. لسة ما خلص هلأ بعد ما نخلص.. بتكون الفراغات تعبت.. والمنظر تمام   وهلأ بنسكب الصلصة فوقيها.. زي الكريمة حتكون تقريبا.. ونحاول نغطي الخبز بالكامل هيك  هلأ شوي شوي بتحملوها وعالفرن بتولعوا الشواية.. اللي بتكون فوق الصينية مش تحتيها (ذكية البنت.. )المهم.. بنخليها إلين ما يتحمر وجهها وبنطلعها.. بيكون منظرها هيك .. ..  مممممممم تفضلوا معايا..   كتير زاكية.. والكل حبها.. وممكن تنعمل غدا مع شي تاني.. أو عشا.. وصحتين على قلبكم..  شكر خاص لكل من بنت أسدود.. شجعتني أحط مواضيع هون.. حسون.. هندسلي الصور  صاحبتي يلي علمتني هالوصفة.. خليها سر وحدة بشرت الجزر عني وكل يلي أكلوها وعجبتهم.. وصحتين
_______________________________
الآن..  في.. خرابيش  برعاية.. كان ياما كان  الله > أنا > الآخر ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه..
التعديل الأخير تم بواسطة : الدحنونة بتاريخ 16-03-2007 الساعة 02:30 AM. 
|
|
#2
16-03-2007, 02:38 AM
|
||||
|
||||
إشي بفتح النفس والله يا عمي ...
.gif "11nk(2)") يا عمي الله يجعل المعدلة ما تموت يختي .. ولا تخلى منها البيوت .. أصلاً وأنا بعملك في الصور .. إنفتحت نفسي.. فخليت أخويا يعملي سندويش همبرجر وأكل قتلة نصها موت .. عشان قلب المطبخ فوقاني تحتاني ..  وأنا أكلت السندويش عالجاهز لما أجربها إنشالله بخبركم .. ألف شكر على الجهد يا دحنونة .. حبشتكنات ..
_______________________________
>> إستخدم خدمة البحث المجانية قبل ما تنزل أي موضوع، بلاش يطلع مكرر، وتحرج حالك << لو بتشوف أي مشاركة ما بتعجبك، بس إضغط على العلامة هادي  اللي فوق المشاركةواحنا بنقوم بالواجب   ولك روق خليني أعرف أطخك 
|
|
#3
16-03-2007, 03:06 AM
|
||||
|
||||
|
اقتباس:
هاتي وحده خلينا نجربها.. والله وانا بشوف الموضوع بلعت ريقي.. جوعتيني.. اشي بيفتح النفس.. .. وانا شفت اخويا وهوا بيعمل الهمبرجر.. بس اجيت لقيتو مخلص كل شي.. كان مسكر باب المطبخ .. فتحتو لقيت المطبخ كلو غيوم .. إتلتمت بالبشكير ودخلت اشوف ايش في  .. فكرت المطبخ انحرق .. دخلت لقيت اخويا بيعمل همبرجر.. وكان مخلص.. وكان المطبخ طبعا انسى اللي راح .. معوم كل شي .. المجلى مخربطه عالاخر.. وكل هادا علي سندويشين همبرجر.. وبعديها اجت امي اتفاجئت باللي عاملو .. وعصبت عليه وحكتلو ضب كل شي زي مكان  .. ما بدي ألاقي ولا هفوه بالمطبخ .. وهوا قعد يرتب فيه ويزبط فيه وانا وديت السندويشه للمختار .. واكلت لقمه منها طبعا كانت محروقهوصحتين وعافيه
_______________________________
 <<<  >>>..  |..
 ..|
|
|
#4
16-03-2007, 03:19 AM
|
||||
|
||||
|
اقتباس:
أبسط شي.. ولو.. خليكم تتعلموا وتدعولي شوية صحتين عالبرجر.. اللي بياكل لحاله... بيشبع اقتباس:
الله يرحم المطبخ يالله شدوا الهمة وجربوا الأكلة.. صحتين
_______________________________
الآن.. في.. خرابيش برعاية.. كان ياما كان الله > أنا > الآخر ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه..
|
|
#5
16-03-2007, 05:38 AM
|
||||
|
||||
|
تيجي نقسم القمر انا نص و انتي نص و الله ما شاء هاي شاعرتنا الدحنونة طلع عندها مواهب تانيه يعني طباخه و بتطبخ كمان و الله الاكله مبين عليها حلوة و شهية و بنت ناس جوعتيني بس بجد موضوع متعوب عليه يعطيكي العافيه انتي و اللي علمتك الوصف و اللي بشرت الجزر و كمان لحسون اللي زبط الصور بس صحيح من امتى صار عنا شركة حدائق المقعد للمايونيز ؟
_______________________________
|
|
#6
16-03-2007, 05:52 AM
|
||||
|
||||
|
يسلم ايديكي حبيبتي
رح اجربها كرمالك وبرجع بقللك شو صار سلااااااااااااااااااااام
_______________________________
|
|
#7
16-03-2007, 06:06 AM
|
||||
|
||||
|
والله طالعة الصور إشي من الآخر والله إشي وشكل الاشياء بفتح النفس
بس المشكلة إني ما بحب البندورة بتعمل حرقة في المعدة فادعولي الله يشفني وأنا بحكي بعض الناس ليش ضلهم صاحين طول الليل طلع في وراها طبخة سلامي للدحنونة ويعطيكي العافية وبحاول اعملها لحالي 
_______________________________
 
|
|
#8
16-03-2007, 06:14 AM
|
||||
|
||||
|
صحيح إنسيت
الله يعطيك العافية يا مختار حسون على هالصور (معلش طلب مختار ياريت تعمل في المقعد دورة كيف نعمل التصميم بشكل إحترافي ) أجت في بالي هالفكرة وبشكر كل من شارك الدحنونة في العمل
_______________________________
|
|
#9
16-03-2007, 07:48 AM
|
||||
|
||||
|
يا حلاوة ياولااااااااااااااااااااااااااااد انا سبت الموضوع كلو و قعدت اتفرج على صورة الاكل لما استوا بس هلقيت بحفظ الطريقة و بجيب الاشياء و بعملها انا كل ما اعمل اكلة في البيت اخوتي بياخدو منها نتفة و بيطعموها للبسة و بعد ربع ساعة ازا ضلت البسة سليمة بيبدو ياكلو يسلمو هالايدين ياااااااااااااااااااااارب تعبناكي معنا بس صحيح .. زي ما قال مستر حريقة عن حدائق المقعد ايش قصتها ؟؟
|
|
#10
16-03-2007, 10:02 AM
|
||||
|
||||
|
اقتباس:
بذاكر من وراكم يسلموا لمرورك حريقة اقتباس:
ضروري ترجعي تحكيلي رأيك.. وصحتين مقدماً اقتباس:
داني الشمال كانت بتزن صحتين.. اقتباس:
ماشي.. بتقوللنا شو بيصير بالبسة أما الحدائق.. فهادي ملحقة بالقصر الجمهوري.. لفخامة الرئيس المغوار والبطل المفدى والقائد المغوار أطال الله بقاءه المختار حسون
_______________________________
الآن.. في.. خرابيش برعاية.. كان ياما كان الله > أنا > الآخر ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه..
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| البوم جديد لحكيم :: تيجي تيجي :: ض اللي بدكم اياه | shadicheid | آخر شريط ومطرب نزلوا | 4 | 07-11-2008 03:19 AM |
| (( حكيم )) مع (( Don Omar) ) ~~~~ تيجي تيجي ~~~~ نار يا ولد :>... | مجنون كورة _14 | آخر شريط ومطرب نزلوا | 5 | 13-08-2007 11:00 AM |
| ...::: حصريا جدا أغنية (( حكيم )) & (( Don Omar )) ((( تيجى تيجى ))) ::::.... | mido17 | آخر شريط ومطرب نزلوا | 1 | <|
العرض العادي
