|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
13-04-2007, 06:02 AM
|
||||
|
||||
حبشتكنات صينية
السلام عليكم ورحمة الله.. - فدو جهزتي المطبخ؟  -آه والله  -شطورة..  مرحبا يا شاطرين  كيفكم؟ اليوم جاي ع بالي أعلمكم طبخة خفيفة لطيفة..  وما بتاخد وقت كتير.. اللهم شوية بدها بالتقطيع  أما عملها فسريع.. وأصلاً الخضار فيه نص استوا.. بالتالي يعني مفيد أكتر  هي أكلة صينية.. وبصراحة كنت آكل شي قريب منها بمطعم صيني.. هالطريقة بالضبط نفس الطعم.. ويمكن أطيب بتمنى تعجبكم.. طيب كيف نعملها؟ هلأ أول شي بنجيب صوص..   شايفين ما أزكاه..؟ مش حد فيكم يلخبط ويجيب كناري ولا حسون  هلأ بنطعميه  وبنربيه لحتى يكبر يعني شي 4 أشهر..  بيصير عنا شو..؟ جاجة  (الذكا بينقط)  إذا طلع ديك بيعوه وجيبوا صوص جديد  هلأ بناخد الجاجة.. وبشويش  بنبعتها لعند أبو غضب بالمسلخ..  بتناولوه ياها عن الباب و....  تمام الله يرضى عليك ويجوزك  ولا أقلك..؟ خلص دراستك أول..  صار بده يتجوز  المهم نرجع للطبخة صار عنا جاجة مسحبة ومقطعة شرايح أو مكعبات كبيرة شوي.. هلأ بنجيب الخضار اللازمة.. ألا وهي..  1- بصلة..  مقطعة كبير..2- فليفلة خضرا وحمرا وصفرا  حبة من كل نوع مقطعة مكعبات.. 3- شوية زنجبيل مقطع صغير أو مبشور.. 4- علبة فطر.. وإذا طازة أزكى بكتير.. بس نسيت أجيب  برضه مقطع شرايح. 5-ذذر قصدي جزر يعني شي 3 حبات مقطعة شرحات رفيعة.. بس مش أوي يعني..أما مكونات الصوص.. مش الصوص هداك.. الله يرحمه الصلصة يعني.. فتتكوكن مما يلي..   نص كوب ماء.. 3 ملاعق كبيرة نشا.. نص كوب صويا صوص.. بنحط النشا مع المية أول.. بعدين صلصة الصويا.. وبنحرك   شكلها زي النسكافيه ما علينا  هلأ.. بنخلي الأشياء كلها قريبة منا وإحنا نعمل الأكل.. لأنه الطبخة سريعة جداً جداً.. بدهاش أكتر من 10 دقايق من بعد ما يستوي الجاج.. هلأ.. بنكون ع بال ما نقطع الخضار حطينا الجاج ع النار مع شوية زيت وشوية ملح وفلفل لحد ما تسوي.. وبنضيف عليها البصل..  بنخلي البصل شي دقيقتين.. بعدين بنحط الجزر.. وفوقيه نص الزنجبيل تقريباً.. مع نص كمية الصوص  اللي عاجبه منظر الجزر.. أنا عملته هيك..  إنه بنعمل حزين متقابلين بالسكين.. وبنشيل الخيط الرفيع اللي قصيناه.. بنعمل هيك في 3 أو 4 أماكن بالجزرة.. بتصير زي الورد لما نقطعها  المهم.. برضه بنخليه شوي..3 دقايق.. بعدين بنحط باقي الحبشتكنات بنحط الفطر.. بنستنى دقيقة.. يليه الفليفلة.. وبنحط باقي الزنجبيل وباقي الصويا صوص..  وبنقلبهم شوي.. دقيقة دقيقتين بالكتير.. وبنطفي النار عليهم..  وبنقدمهم مع رز أو مع نودلز.. والطعم.. ممممممممممم  ويا 100 ألف صحة وهنا..  ملحوظة.. أنا بحط وصفات عشان تتعلموا.. مش بس عشان تتفرجوا  اعملوها وادعولي  (للأمانة.. أول صورتين لطش.. الباقي تصويري طبعاً!)
_______________________________
الآن..  في.. خرابيش  برعاية.. كان ياما كان  الله > أنا > الآخر ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه..
التعديل الأخير تم بواسطة : الدحنونة بتاريخ 13-04-2007 الساعة 06:11 AM. 
|
|
#2
13-04-2007, 06:15 AM
|
||||
|
||||
والله إشي فاخر عالآخر ..
شكلها عامل زي التايلندي ..  إنشالله بجربها .. بس ألاقي صوص هيك مرتب ..  يسلموا إيديكي .. من شكلها مبين طعمها .. ومتل ما بقولوا .. العين اللي بتاكل .. حبشتكنات
_______________________________
>> إستخدم خدمة البحث المجانية قبل ما تنزل أي موضوع، بلاش يطلع مكرر، وتحرج حالك << لو بتشوف أي مشاركة ما بتعجبك، بس إضغط على العلامة هادي  اللي فوق المشاركةواحنا بنقوم بالواجب   ولك روق خليني أعرف أطخك 
|
|
#3
13-04-2007, 06:21 AM
|
||||
|
||||
|
هههههههههههههههههههههههههههههههههههه يا عيني عالاشي الفعال من طباختنا الدحنونة بس انا خايف اضلني اشتري كتاكيت عالفاضي عن جد اشي روووووووووووووعه و شغل مرتب يعطيكي الف عافيه و ان شاء الله بحاول اجرب اكلها قصدي اجرب اعملها
_______________________________
 بنولع شمعه تانيه يا بابا ههههههه و في روايه اخرى / بتروح تنخمد تنام يا بابا ههههههههه بعين الله .............................
انتو من وين من مدن و قرى فلسطين ؟؟؟ ( شاركونا جميعاً ) .............................  يسلمو ايديك احلى قلقيشين بالمنطقه عالاشي الروعه هذا التعديل الأخير تم بواسطة : مستر حريقة بتاريخ 13-04-2007 الساعة 06:30 AM.
|
|
#4
13-04-2007, 08:53 AM
|
||||
|
||||
|
ماشاء الله عليكي شيء جميــــــل جدا ... سلمت يداااااااكي ياعسل .. فوائدها الغذائية كتير عاليه هيك طلعتيها براسي اروح اعملها  الله يعطيكي الف عافية ياقمر ولا تحرمينا تحيتي 
|
|
#5
13-04-2007, 11:36 AM
|
||||
|
||||
|
مممممممممممم
يا عيني يا عيني على حبشتكنات صينية عنجد شكلها كتير لزيز ومشهي وأنا بردو بآكل شي قريب منها بمطعم صيني إن شاء الله قريب جدا جدا رح أعملها يسلموووووو دحنونة .. الله يعطيكي الف عافيه
_______________________________
 :: اللهم اجعل قبري روضة من رياض الجنه .. ولا تجعله حفرة من حفر النيران ::
|
|
#6
13-04-2007, 11:56 AM
|
|||
|
|||
|
هههههههههههههههههه
قال بنجيب صوص وبنستاه يكبر هههههه طيب فرضاً أجى عبالي اعمل أكلة بلحم عجل ؟؟ ههههههههه
_______________________________
مفش داعي للخوف الأسد هادا مربوط كويس بس كل يوم بعد الساعة 12 رح أفكو وأقوم أنام ... ديروا بالكم
|
|
#7
13-04-2007, 11:57 AM
|
|||
|
|||
|
اقتباس:
يعني نويتي تشتري صوص ؟؟ يا رب بعد 4 اشهر ترباية وتكبير فيه يطلع ديك ههههه
_______________________________
مفش داعي للخوف الأسد هادا مربوط كويس بس كل يوم بعد الساعة 12 رح أفكو وأقوم أنام ... ديروا بالكم
|
|
#8
13-04-2007, 12:01 PM
|
||||
|
||||
|
أأأمممممممممم
شكلها مرتبة الوصفة يسلموووا ايديكي
_______________________________
 ألمنا كبير.... أملنا في الله أكبر...
|
|
#9
13-04-2007, 12:09 PM
|
||||
|
||||
|
هههههههههههههههههههههه هههههههههههههههههههههههههههههه انا اندمجت بالاصة  احلا وصفي اقرئها بحياتي يسلمووو دحنونة والله مبين عليهاا زاكيي كتييير
_______________________________
.. خُـــ بركَان الغَضب ـــوخَـة .........!! // اقتباس:
|
|
#10
13-04-2007, 12:27 PM
|
|||
|
|||
|
وصفة حلوة كتير متل الشعر اللى بتكتبيه حلو . بس ياريت اللى جربها يحكى لنا مفعولها عليه علشان نتطمن .. يسلمو ايديكى .
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| ** حبشتكنات حزينة** اهداء من مستر حريقة | مستر حريقة | قعدة الحكي المرتب | 45 | 06-11-2008 12:17 AM |
| حبشتكنات الهبل والكزب | 0220 | استخف دمك | 19 | 03-01-2007 10:58 PM |
| قصيدة عاطفية بعنوان حبشتكنات !!! | مستشار الانطرنت | حبيبي يا حااااااج | 4 | 08-12-2006 08:16 AM |
|
العرض العادي
