انا رجعت لكم بقصة جميلة اتمنى ان تعجبكم, قصة من الواقع

اي آم باك ------< I am back

هذه المقولة تقال عندما يعود شخص كان منقطع عن اصحابة و حبايبة.
علي العموم انا نسيت اقول : السلام عليكم و رحمة الله و بركاته
ابو العبد يعود لكم من جديد بعد فترة من الانقطاع المفاجئ, و اكيد لازم تعذروني لاني راح اشرح لكم الاسباب و ان شاء الله تكون مقنعة.

الاسباب هي كا الاتي:
في اخر ظهور لي في المقعد اللطيف كان قبل رمضان, باسبوع او اثنين (والله اعلم), في هذا اليوم كنت قاعد علي الانترنت اتفقد احوال النت و المقعد الموقر (كالعادة) و اذا بانه يظهر لي بوب اب (Yahoo POP UP) او بم , زي ما بدكم تسموه سموه, ما علينا نرجع للموضوع, المهم كان واحد بيقول ممكن نتعرف , قلتله اهلين ممكن مين انت؟
قال انا مش شب انا بنت واسمي مليحة,
قلت والله وقعتنا مليحة ان شاء الله و عاشت الاسامي, من وين انت يا مليحة ؟
قالت: انا لبنانية بس ساكنه في تنزانيا!
قلت :نعم شو بتقولي؟ مش فاهم او سامع او خطك مش واضح ((((اي ايشي يعني)))) لاني حسيت انه في واحد بدو يتخوث علي.
و علمكم يعني ابو العبد هو كلة تبع هقايص و تخويث و تلبيس طرابيش (يعني اذا شفتوني ماشي في الشارع بحكي مع حالي اعرفوا اني قاعد بتخوث ) ,
المهم نرجع للموضوع , عملت بلوك للشخص اللي كان بيحكي معي و نسيت امرة لانه كان بيتخوث علي. و طفيت الجهاز و رحت انام.
في الليل يعني بعد الساعة تسعة الصبح تقريبا (( لانه هذا هو الليل بتاعي)) , صحيت و انا عطشان و خايف من النعس و مش قادر اجمع من العطش, و لا قادر افتح فخي من الجوع, رحت علي المطبخ و شربت كاسة عصير طازة كانت ام العبد البركة عاملاها و بدها تشربها لنزمية , بس (وذفنه ) وذفنه مني رحت شاربها و مش مسمي هيك خبط لزق.
المهم و افطرت و لبست اللي علي الحبل و طلعت علي السوق علي اساس اني زلمة لبناني بحب اشرب القهوة عابكير في المول اللي جنب البيت, و قعدت اشرب القهوة الاسبريسو علي الطريقة الفلسطينة و كان في جنبي علي الطاولة اللي ورايا (خلفي) صبيه ولا احلي من هيك , شبه قرن الموز الزاكي (اللي من اريحا) و ريحته بتشهي.
ايش بدي اوصف الكم ولا ايش المهم, قعدت هيك و سوكجت (جعصت, او ركزت) علي جهة علشان اشوفها في الوقت اللي انا بشرب فيه القهوة.
بعد خمس دقائق بالزبط, قامت من مكانها وقربت عندي و قالت لي ممكن السكر, قلت تفضلي يا مليحة ( بالصدفة قلت هالاسم) .....
نظرت اللي بنظرة استغراب و قالت ليش يعني بتقولي يا مليحة؟ ايش اللي خلاك تفكر انه اسمي هو مليحة ؟ ولك هاظا اسم تقابل فيه ربك؟ بديش منك سكر و لا بدي اقعد في المكان اللي انت قاعد فيه.
و قامت من مكانها و طلعت من الكوفي شوب و روحت.
انا استغربت كثير و جدا طبعا, لانو كيف اقوللها يا مليحة مع اني ما بعرفها!
و زعلت من حالي و قلت بدي اروح علي البيت لانه باين علي اليوم انه نحس من اوله, و روحت علي اليبت.
و في البيت قلت لام العبد اوعي تصحيني انا بدي افوت انام , واذا في حد اتصل قولي له اني سافرت علي تانزانيا.
و هيك نمت و ماصحيت اللا امبارح الظهر وانا مغمى علي من القهوة اللي شربتها في الكوفي شوب قبل شهر و اسبوعين.
و اجيت علي الانترنت و فتحت صفحة مقعد الغزازوة و قلت ما اللي الا ان اشرب قهوة علي كيف كيفكم و من عن حسون حبيب ألبي (باللبناني) و الشباب الطيبه اللي في المقعد
وبحب اقول انكم فعلا وحشتوني و آي مس يو ( I miss you all ) كلكم ياجماعة .

و ما بدي حد يصدق اي حد بيطلع له في الياهوو ماسنجر و بيقوله انه هو مليحة من تنزانيا , بعدين بيصير فيه متل ما صار في ابو العبد.

و حياكم الله و صب القهوة يا حلو و اذبحو الغزلان , و هاتو النبيذ, و لنلعب الميسر , و بعدها نتوب لرب العالمين.

_______________________________

ويلكم باك----< welcome back

عمي ابو العبد

واهلا وسهلا برجعوك ... والله اشتقنا ... لمواضيعك والله

وحبيبي يا حج

وانا اللى بدي اصبلك القهوه اليوم ... تفضل يا عمي

_______________________________

مـاشـي بـشارع خـالـى مـن البـشـر .... بـس انـا وحـدي والمـظـلـه والـمـطـر

_______________________________

_______________________________

_______________________________

_______________________________

Bo R3D ............ تسلم علي القهوة يا عم , وكبير
مستر حريقة ..... شكرا لك علي ردك الجميل
مشعووط .............. تسلم يا كبير
غزاوية قح .... لا والله راحت علي نومة من هظاك اليوم مش مقصودة والله
Abo 7arb
علي فكرة سعر الغاز ارتفع ها الايام مع الاعاصير اللي صارت في امريكا و غزة و كمان في بيت لاهية
الله المســــــــــــــــــــــــــــــــــــــــــــــــــــــتعان

و احلى جرة غاز لكل عضو في المقعد نفرا نفرا و ببلاش مع منظم و جلدة كمان و التوصيل علينا.
ام العبد بطمنكم و بتقوللكم انه ابو العبد نام نومة معتبرة و ما في حد ازعجة طول هذي المدة

و غااااااااااااااااااااااااااااااااااااااااااااااااااااااااااز


و اهديكم كل اغاني الحب و الغرام و العاطفية جدا في العالم
واحدد بالخصوص الاغنية العاطفية جدا ((( ديدي واه )))

_______________________________

_______________________________

شكرا لك يا غزاوية قح و يتحف ايامك ربنا ان شاء الله
و هاي المنظم:


وهاي جرة الغاز:



عيشي, والله ان الخدمة عندنا سريعة جدا

_______________________________