أخي الرابير محمد الفرا ممكن تعرفنا على نفسك قبل وكيف بدأت مشوارك؟
اسمي محمد مواليد سنة 1985, سكان قطاع غزة من الجنوب, طبعا مشواري الي بديتو بالراب كالتالي:-
في البداية انا كنت دايما اسمع راب و خصوصا توباك.. بس ما توقعت بيوم اني امسك مايك و اغني لانو حسيت انو الطريق حتكون صعبة خصوصا لما تكون عايش بمحيط مجتمع محافظ.. بس بعد هيك اتقابلت مع ميزو و اتعرفنا علي بعضنا عرضنا وجهة نظرنا علي بعض و اتفقنا علي فرقة راب عربي بغزة و من هون كانت الانطلاقة الي بمشوار الراب مع ال بي ار


2.سمعنا أنك قد أنزلت على الأسواق ليس جديداً البوم "أنا اجيت" هل رأي الناس عن الألبوم غير من ما في رأسك في صرخة الراب؟
يعني بالبداية مشان اكون معكوا صريح... الراب هون بغزة متل ما سبق و حكيتلك انو صعب ينبنى ... متل ما تيجي تزرع وردة بصحرا... نحنا زرعنا الوردة و دفعنا دم قلوبنا مشان نوصل المية الها .. و المقصود بالمية هون هو الناس يعني مشان اكون اكتر واضح.. انو الناس هون كانت رافضة الراب جملة و تفصيلا بس بعد ما سمعو نحنا عن شو بنحكي لقو في الراب انو ممكن يكون شي منيح للشباب ... بس برجع احكي انو مش الكل حب هالاسلوب.. ف بالنسبة ل البومي و رأي الناس.. راي الناس الي بتسمع راب اعجبت بالالبوم والحمد لله بالفكرة الي كانت براسي و بيجوز اكتر كمان.. والحمد لله علي كل شي .. اهم شي انو طلعت شي انا خسرت عليه كتير مشان اطلعوا بالصورة الي انا توقعتها و توقعت منها انها تجذب ناس كتير الها و الحمد لله نجحت ..



3.ما هو هدفك في نهاية الطريق من أطلاق الراب العربي في مدينة غزة ؟
يعني الانسان الي بيمشي طريق بدون ما يكون الو هدف بيكون هالانسان فاشل و طريقو فاشلة من البداية.. ف انا ما بنصح حد انو يبلش مشوار مش حاسب حسابو.. ف بالنسبة لهدفي انا من الراب في غزة:-
1- لو بدي احكيلك بدي اوعي الناس هون علي قضيتنا بكون مبالغ بالحكي و كزاب لانو الناس هون عايشة الواقع و شايفة كل شي .. مشان هيك بحكي انو انا هدفي من بناء الراب في غزة لاجل توصيل رسالة اهل غزة و اهل فلسطين للناس الي خارج فلسطين. لانو كتير ناس ما بتعرف شي عن فلسطين غير انو ارهابيين.. و هادا بسبب وسائل الاعلام المدعومة من الصهيونية و الي بتحكمها الصهيو أمريكية ..
2- اوعي الشباب علي طريقة تنفعهم في انهم يعبرو عن الي بداخلهم ب اسلوب نقد قوي و بنفس الوقت مريح ..


4.العديد من يستهزئ من ألراب الفلسطيني مع انه الحقيقة لماذا حسب رأيك؟
يعني لو بدي احكي عن قصص الاستهزاء الي بتصير ما راح ابطل بس بكلمة وحدة بحكي (الا ما يجي اليوم الي الكل يعرف فيه انو نحنا علي حق و استخدمنا هالشي لهدف معين )


5.ما هو الشيء الذي تتميز به في موسيقى الراب عن غيرك؟
يعني من ناحية تمييز بالموسيقى تبعتي ما بظن انو في تمييز كبير غير اني عايش الحدث .. يعني في فرق كبير بين انسان عايش في ظل الحرب و بيكتب عن الحرب . و عن انسان عايش بعيد عن الحرب و بيكتب عن الحرب و هوا مش شايفها.. يعني التمييز مش كبير بس المضمون و الهدف واحد فيا و في كل الرابرز ..
بيجوز انا عم بحاول اتميز في Flows جديدة يعني طريقة غناء جديدة في اني امزج بين العربي و الغربي اكتر بس هاتلشي بيبين في البومنا الجاي انشاء الله


6.في أغنية ماضي وحاضر ومستقبل تقول "لنوحد أيدينا ببعض برجلينا ندعس على كل كلب كان يوقف في نص هداك الدرب" من هو الكلب؟ وما نوع الدرب الذي تتكلم عنه في تلك الأغنية؟
يعني من ناحية كلب ف انا ما بقلل من قيمة حد بس القصد في اي انسان بيحاول يوقف دربنا (الراب العربي هون بغزة) بهيك بكفي جوابيي


7.ما هو السر من وراء لقب "D.R"ولماذا اخترت اللقب باللغة الانجليزية؟
يعني من ناحية اللقب انا ما اخترتو بالقصد بس انو اجا مع الشباب هيك انو جاي بمعنى الديناميكية .. يعني كترة الحركة ف لاني بشتغل كتير و اغلب وقتي بالشغل اجا من هون انو الشباب نادوني بالدايناميك رابر.
و ما كان الو علاقة انو بالعربي او الانجليزي. بعدين الرابر مش بالاسم و انا بكون فخور كتير لو الكل يعرفني ب اسم محمد لانو الفخر الي اني احمل اسم رسولنا الكريم ..


8.هل تعتبر نفسك جريء بمعنى الكلمة لتقديم النقد حتى لو كان لاذعاً؟
أكيييييييييييييييييييييييييييييييييييييد (حتى انقطاع النفس)


9.هل هناك عمل جديد من فرقة الـ P.Rبعد أن خرج منها بعض الرابيرز أم كل واحد في طريقه؟
يعني البي ار رجعنا تاني انا و هما و الحمد لله فيكوا تشوفو www.myspace.com/palrapperz

نزلنا بعض من الديموهات للالبوم و انشا الله ما بدي احكي كتير عن الألبوم بس كل الي بحكييه انو الصبر حلو و الالبوم حيطلع صرخة تصعق كل الي بيفكر انو الراب مش الأسلوب القوي .



تحياتي
حلوتــــــــــــــــــــــــــكم
مستر بعكشة

ممممممممممممممممم
مش غلط والله
اشي حلو كتير مش الراب
الكلام اللي بيحكو .. لانو في حجات عن فلسطين وعن الانتفاضة بتنحكى وحجات زي هيك
..
يسلمو ع كل حال
ويديك الف عافية يا مسترة بعكش

_______________________________

كيف تعرف انك من اهل الدنيا
http://www.youtube.com/watch?v=2sL76ldqgIg

يقول الشيخ الألباني رحمه الله
طريق الله طويل ونحن نمضي فيه كالسلحفاة
وليست الغاية أن نصل لنهاية الطريق ولكن الغاية أن نموت على الطريق

_______________________________

Trivial و Ray

مشكور كتر اختي دانا على مرورك الطيب بين مواضيعي البسيطة
وإلى الأمام وان شاء الله انتظروا مني المزيد من المشاركات في جميع الأقسام في المنتدى اوكي
حلوتـــــــــــــــــكم
تحياتي
مستر بعكشة

مرسي ع الاخبار يا عسل

كويس كتير

خليهم يفوعو

بيكفي كبت يا عالم

طلعو الاشي

وشخصو

_______________________________

مشكوووووووووووووووووووووووووووووووووووووووووووووووووووووووووووووور

_______________________________

مشكور كتير اخوتي على مروركم الطيب ونحن نسعى دائماً لتميز ولا على قول اخي الكريم بيكفي كبت يا عالم

طلعو الاشي

احنا مش ملاقين حد يوصللنا الرسالة إلى العالم بس في اخواننا الرابرجية حلوة الرابرجية هادي مو هيك بشتغلوووووا في الموضوع هادا ويقيمووو الغم والكبت شوية عن الفلسطينيين ويطيلعوووا يلي في قلبهم وان شاء الله إلى الأمام يا احلى رابرز
حلوتكم
تحياتي

مستر بعكشة