ايتها الفتاة , ايتها المسكينة التي ضلت الطريق الصحيح لتفكيك معادلات المشاعر. نكتب امامك جملة من الاخطر في معادلات الحب بين الشباب واحذريها. ونطلب من كل فتاة سمعت هذه الجملة ان تحكي لنا عن تجربتها ومدى صحة هذه المقولة.
اذا احببت شاب من الشباب ( لا نريد التطرق الى موضوع علاقات الحب – ادخلي لشباب بنات هناك تطرق كبير لهذه الموضوع) نواصل.. اذا احببت شاب وهو قال لك نفس الشيء , وكانت بينكم علاقة حب.. ووصلت الى وضع الحب الابدي. ولن تتركيه ابدا وهو لن يتركك. نحذرك ثم نحذرك. فهناك جزء من الشباب يستعملون فخ الاحلام الوردية والمستقبلية. وعن اي فخ نتحدث؟ عن فخ الاولاد. فيقول لك , ماذا سنسمي اول ابن لنا ؟ بمعنى اخر ؟ يقول لك انك زوجته في المستقبل. ومن هنا تبدأ مشاعرك بالارتياح , فتشعرين انك له وهو لك. ولكنك لا تعلمين ان هناك شباب يستعملون هذه الطريقة كبداية لادخالك الى فخ تلطيخ العرض والشرف. فسوف يقول لك بعد ذلك انه يحبك وانه لا يستغني عنك وانك مثل زوجته. وان الله يعرف مدى العلاقة التي تربطكما. فلذلك. احذري. احذري. فمن اين لك انه سيخطبك؟ ويتزوجك؟ هل دخلت الى مخه ؟ ايتها الفتاة اتركي موضوع الشباب جانبا فنحن نعرف منطقهم. فمن لا يعرفهم؟ الالاف من الصبايا ضاعت بين الارجل. احذرن مجددا. ولا تصدقن كل من يبتسم ومن يضحك وكل من قال بحبك او غير ذلك.. هذه كلمات منتشرة في السوق. ليست جديدة على احد..

_______________________________

اصلاً الاساليب هاي صارت قديمه والحمد لله الوعي صار بين البنات اكتر مع انه في بنات لسه بينضحك عليهم

وشكراً الك ياأزعر

_______________________________

_______________________________

يعطيك العافيه مجد ويسلمو على التوضيح والنصيحه

وحسب رايي الشخصي ها :

انه البنت اللي بتصدق هيك شغله حتو ولو كان خاطبها رسمي هبله

ومش لازم ترضى تسلم نفسها قبل الزواج الرسمي حتى ولو شو كان

_______________________________

قُـل لِمَن عابَ صمته ***خُـلِقَ الحَـزمُ ابكما

والله يا حبايبي في بنات كثير بمجتمعنا بتنخدع بكلام من هالنوع .. بس ما بخاف على الغزاويات بيطلعو من خرج الشباب اللي بتلعب بذيلها ..

_______________________________

معلش اختي غزاويه قح
بس بدي اوضحلك شغله الشغله هاي مابتنطبق على كل البنات وماتحكمي على الكل بنفس الطريقه انا معك انه في بنات بدها هيك بس بنفس الوقت في بنات بتحب بكل صدق واخلاص بس الشب بيضحك عليها وهي بتكون هبله بتعطيه كل ماعندهابتعرفي ليش؟ (مو لانها هبله بس كمان قلة الوازع الديني عندهاو على شان مافي حد بسمعلها بالبيت ولاحد بهتم فيها على شان هيك بتدور الحب بره وبتوقع تحت ايد شب مابخاف اله بستغل الحاجه اللي فيها لمصلحته وشهوته)

_______________________________

يا عيني عليكي يا نابلسية بلشت تولع الامور والموضوع ياخذ شوية جدية .. كلامك سليم نابلسية .. وانتي يا غزاوية بحترم وجهة نظرك كمان بس الموضوع بالاول والاخر بيرجع للبنت بالدرجة الاولى ..كثير من بناتنا ما حد بيسمعهم ولا حد بيحس فيهم .. واللي بيصير انه من اول كلمة حلوة بتنجرف البنت مع الشب .. وهذا هو الواقع ..
مشكورين لانكم اعطيتو الموضع صورة افضل بنقاشكم الحلو .

_______________________________

كلام سليم

بس ما تنسوا الوعي بالبيت

يعني دور الاب والام بالبيت قديش هو مهم

وكمان التوعيه الاجتماعيه والثقافيه الها حق كبير

وعشان هيك مهم جدا انا دايما نتطرق لهيك مواضيع ونطرحها قدام البنات ونوعيهم


ومشكورين يا جماعه

_______________________________

قُـل لِمَن عابَ صمته ***خُـلِقَ الحَـزمُ ابكما

يسلمو علي هالموضوع المتميز والمفيد
وبأنتظار جديدك
يعطيك الف عافية
يا احلي غزاوي

_______________________________
دمـــــــ الرحيل ـــــــوع

يا جماعة انتو شو دخلكم بهيك مواضيع لسة بدري على هالكلام انتو لسة قطاقيط ولسة ما طلعتو من البيضة
يعني لسة بدريييي

_______________________________