|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
29-05-2007, 09:22 AM
|
||||
|
||||
ارابيك في انغلش::::::::::يا عمو الناس بتفهم
أنا مش ضد انه الواحد يحكي انغليش فروم تايم تو تايم، خاصة انه انا، وبحكم
دراستي في مجال الأي تي، ما الي غنى عن استعمالها، يعني صعب احكي مع واحد، وبدل ما احكيلوا الهارد ديسك، احكيلوا القرص الصلب! بفهمني غلط فور شوور. بس الي قاهرني،، إنه الشعب بسم الله ماشالله، الي بشوفوا هيك بفكر انه مقضي نص حياته بالستايتس، والنص التاني بنيو همبشاير، عاد ازعم واحد فيهم، اذا بدو يطلع من نابلس للقدس ، بدو فيزا! جد يخزي العين، كل كلمة وكلمة عربي، بدحش بينهم دونم انغليزي. أوكي ماشي الحال، احكوا انغليزي يا عمي، بس حاولوا تفهموا شو بتحكوا يعني! يعني على سبيل المثال، انا ياما حاكيين معي ناس بخصوص بيزنس وهيك، وخصوصا البنات، ودايما باخر المحادثة، بيحكولك: "ات واز نايس تو ميت يو مستر(مع اني بنت بس بيحكو مستر) "ساره"، و ثانك يو كتير لإلك!" !!!!!!!!!! كيف يعني ثانك "يو" ل"إلك"؟ :rolleyes: أكيد بما انو فيه "يو"، معناتوا لإيلي "" اكيد مش لحد تاني! انا عارفه، يلا محنا لازم نواكب الحضارة، وزي ما قال المثل، لونغ ليف اميريكا. *************************************************************** مهو المصيبه مو بس هيك الكل بيحكي هيك هاي الايام حتى الشيوخ بالجوامع بتكون تحكي معك وبنص الحكي بتحكيلك OK . لأ ومو بس الشيوخ ...كمان اساتزة العربي...ههههههههه... بتكون تحكي مع استاز عربي ...وبنص الحكي... merci ...او...thank you ...يالله كلنا تعودنا نحكي هيك...بس انشاء الله ما بنطور للحكي بالتركي ...او الصيني...او غيرو...  سلملم... 
_______________________________
 
|
|
#2
29-05-2007, 10:02 AM
|
||||
|
||||
بما انك ضاربة فيوزات فانا بتفق معك في الكلام الى حد ما
 صحيح كلامك انو استخدام اللغة الانجليزية ومفرداتها في ازدياد وهالشغلة في كل المجتمعات العربية كمان مش بس معك او في فلسطين وطبعا في كلمات دخلية من الانجلش اندمجت في العربي وصرنا نحكيها كانها عربي وزي ما في كلمات دخلية في ناس دخلية على استخدام المفردات والجمل الانجلش وبالتالي تنطق الجملة غلط او تحط الكلمة في غير محلها لانهم بيترجمو ترجمة حرفية ف بيوقعوا في الغلط والمشكلة بفكرو حالهم بحكو انجلش يعني ع سبيل المزاح في واحد تعلم انجليزي و جلس يترجم لصاحبه بعض المصطلحات من العربية الى الانجليزية حرفيا بالضبط يستر على عرضك Cover on your wide أنا أدفع الحساب I push the mathematics إنه أُمي He is my mother جوز هند Hinds Husband جوزين جوارب Two husbands of socks حقك علي Your price on me انتي من منطلق بتحصل في احسن العائلات طنشي وتيك ات ايزي  ونصيحة تلحقي حالك وتتعلمي لغة المندرين " لغة صينية " لانو الطلب عليها في ازدياد بشكل كبير جداً وراح تكون من اللغات الاساسية في البيزنس وقولي ما نصحتك   يعطيكي العافية كتيييير لالك .. وسي يو ليتر بكره الصبح و وي ار ويتنج يور نيو نت نيو لوك نيو موضوع 
_______________________________
 ذهبــــت وتركتنــي في غربة بعدها أجهل الأشياء والاسماء والوجوه *** لم يبقى فـي زادي غير ذكــــرى استند فيها على جدار الصبــــــــــــــر أمضغها ككسرة خبز في يد طفل فقيــــر يغمره الخــوف أن تنتهي *** أفتقدها وأعـــــاني الأسى فالليالي طــــــــــــــــــوال
|
|
#3
29-05-2007, 10:22 AM
|
||||
|
||||
|
ههههههههههههههههههههههههههههههههههههه
ضحكتيني ضاربة فيوزاتها عالصبح الله يقطع شرك حبيبتي في ناس كتير بتحب تتصنع احكيلك شغلة انا وحدة من الناس خريجة انجليزي لكن عندي شغلة بحبها فيني اني اذا بدي احكي انجلش بحكي كل الكلام انجلش اذا بدي احكي عربي بيكون كمان كل الكلام عربي مو انه كلمة عربي وكلمة انجليزي وما بحكيه غير في الشغل والوقت اللي بحتاجه فيه مو مع اهلي وصحابي يعني تحياتي الك
|
|
#4
29-05-2007, 10:29 AM
|
||||
|
||||
|
هههههههه والله انك يعني والشهادة لله ضاربة فيوزاتها عندك قدرة في الطرح كتير حلوة يعني انا حبيتها لطريقتك في طرح الموضوع كتير متش  وحكيك والله صحيييييييح رايت رايت يا مستر هههههه والحكي هادا فاااقعني  يعني بنت ما بتفهم بالانجلش شي وبتجي بتتفلسف وتحكي  يعني بكون عنجد بأقدم .... بدي اضربها يعني يعني ياعمي ما بتعرفي تحكي خلييييييكي ساكتة  ليه تحرجي حالك وتفلقيني معك  بس انو يعني عم يستخدموها ع انهم يعني يبينو حالهم عالم كووول ياعمي بدك تعملي حالك وحدة كووول احكي عالم متل العالم والخلق مش تقعدي تخبطي تلزقيلنا الحكي  يعني لو االواحد استخدملو كم من كلمة هيك بالغلط بيطلعو مع الحكي بيكون شغلة عاديه يعني مثلا انا غصبن عني لازم يطلع مني كم من كلمة انجلش بحكم دراستي  يعني انا بدرس انجلش يعني طول الوقت مع الدكاترة بنحكي انجلش ودراستنا كلها انجلش بس في بنااات والله شغلة يعني عنجد ما بتعرفي شو بدهم يثبتو تخيلي طووول الوقت بيحكو انجلش مع بعض ياعمي هديك المرة شككوني بحالي انا قاعدة مع عرب وللا اجانب؟؟؟؟ يعني هاي بحسها ضعف شخصية يعني حبيبتي اوكي كلنا بنعرف انك بتعرفي انجلش وشطورة بس انتي عربيييية ما بينفع هيك بس هني ما بعرف لشو بدهم يوصلو واللي بيقهرك أكتر انو وحدة من هالبنات في مرة بفوروم عندنا بالجامعة في دكتور عم يسألها انو ليه عم تحكي انجلش واحنا كلنا عرب قعدت تحكيلو لا لا دكتور انا بس لانو هيك الموضوع تتطلب مني انا اكتر وحدة بفتخر بعروبتي وانا بحياتي ما بستخدم انجلش كتير هااااااااااااااا؟  نعم يماااااااااااااا؟ كمااااااااااان بتكزبي ؟؟؟؟؟ هادا ازا انا مش شايفتها وسامعتها كنت رح اصدق عنجد ناس بتفلق بس هوي في عندك كمان ناس بيحكو كلمات انجلش بالغلط يعني هيك يعني عن مزح مثل يعني ما زكر عاشق الدوحة جود افطر نايط و من هالحكي يعني هيك للتخوت مش أكتر وهادا عادي بس هدلاك اللي ما بيعرفو وبيتفلسفو بيقهروني عنجد وعموووووما سوووري كتيير ع الاطالة  يعني انا لساااتني في حكي كتير جواااتي بس ما بدي أكتر حكي لانو هالموضوع انا عنجد يعني بيعملي حكة وعنجد مرسي ع الطرح الحلو تبعك للموضوع ضاربة فيوزاتها انا بتوقعلك بمستقبل مشرق يا بنت في المقعد وبكرا بتحكي البت هوبي قالت
_______________________________
 × الحمـْـدُ لله حمــداً كــثيراً طــّيباً مُبــاركاً فــيه ،،
|
|
#5
29-05-2007, 10:32 AM
|
||||
|
||||
|
ههههههههههههههههههههههههههههههههههه
عاشق هههههههههه مالك ع الصبح حبيية حبيبتها وحبيبة حبيبها وحبيبتي كلامك مزبوط...مهو يا بنحكي كلو عربي يا بنحكي كلو انجليزي شكرا ع مروركم
_______________________________
|
|
#6
29-05-2007, 10:35 AM
|
||||
|
||||
|
ههههههههههههههههههههههههه
اها
_______________________________
|
|
#7
29-05-2007, 10:41 AM
|
||||
|
||||
|
اقتباس:
هههههههههههههههههههههههههههههه والله مزبوط 1005% مش بحيكلكم شي بيقهر يا عمي احنا الشعب العربي شو متوقعين من حالنا يلا بيعين الله وشكرا اوي اوي ع مرورك
_______________________________
|
|
#8
29-05-2007, 11:19 AM
|
||||
|
||||
|
كلامكـ يا هوب روعة ... وفي قمة الواقع .... زي في بنت في الج ــامعة ج ــاي تحكيلي كنا انا ويااها طالعين . المهم جيبت سيرت انه قدمت امتحان والحمد الله نجحت في الرسم الهندسي ... لهي بتحكيلي كنجرات يوليشن .هههههههههههههه Congratulations هذه بنطقها زي ما بتكتبهاا ...  بح ــكيلها نعم يماا .. رج ــعت تح ـكيلي اياها تاني ... Congratulations بتحكيلي ايها بصيغة الجمع وخدي طول الطريق وانا بنتخانئء انا وياه ع الموضوع يابنت الح ـلال افهمي هيكـ بتحكيلي هيكـ جلدة مخها خميلة ...  وحاجة بتفلئ زي ما حكت اختي هوبي ... بع ــين الله يا ضاربي ..... انسي الموضوع ياااماا راح ن ــشوف .. م ــصايب و ح ــاج ــات بتخ ــلي الوااح ــد يطلع من دينه  سلام 
_______________________________
 الـــرملهـ (مدينـتـي , وأمي , وأبي,) أقدس ترابكـ يا مــدينــتــي دائما أسطر علي جدرانــي (أن أبن الرملهـ ويكون لي فخ ــري)
|
|
#9
29-05-2007, 11:26 AM
|
||||
|
||||
|
هههههههههههههههههههههههههههههه
Congratulations هههههههههههههههههههههههههههههه شكرا ع مرورك منور
_______________________________
|
|
#10
29-05-2007, 11:32 AM
|
||||
|
||||
|
ههههههههههههههههههههههههههه الله يعطيهم للناس اللي متل هيك بس انا بحكي طول الوقت انجليزي متعودبس أنا شطور مو أهبل هلا عمتي هلا
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| ___<<< المعكرونة بالباشميل _ الطبق الفائز >>>___ | الملاك الوحيد | أكلات مخبصة | 47 | 07-07-2010 12:52 PM |
| شارك معنا ...ما هي طموحاتك بالنسبه للمقعد..؟ | اصعب حب | أشخرلي وأشخرلك | 14 | 23-11-2008 03:46 PM |
| احدث الافلام الاجنبيه بوصلات مباشرة | Black Pirate | سينما المقعد | 68 | 23-11-2008 02:56 AM |
| صورة الشهيد البطل المفترس :زقو بيقع المنفž | عطر البحر | صور يا مصوراتي .. وعلق يا معلقاتي | 11 | 18-03-2007 09:28 PM |
| عشان هيك انا مابدي اشتري سيارة طويلة ...!! | Ketchup | صور يا مصوراتي .. وعلق يا معلقاتي | 11 | 18-03-2007 09:16 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
