السلام عليكم ....

بدي أعلمكم اليوم , كيف تحجزو موقع علي النت , مجاني طبعاَ , والموقع هذا بكون للإلك تعملو شخصي أو انك تعملوا عام هذا شي بيرجع إلك , وبدي اعلمكم كمان كيف تحط الملفات ف الموقع , وتشيل وتسوي كل حاجة ف الموقع ...

الموقع ايلي اختره هذا مساحته 100MB , مساحه لا بأس بها بالنسبة للمواقع يعني مساحة منيحه , ومناسبة للي بدو يعمل موقع علي قدو , أو بدو يتعلم تصميم المواقع , وهاي تكون أول مشواره خلينا نبدأ بالشرح بالصور.

أول شي فوت علي هذا الرابط:/ إدعـس هون

راح تفتح معك صفحة طويلة عريضة , ملناش فيها خلينا في إلي احنا فيه , أضغط علي الرابط هذا زي ما هوا موضع إلك ف الصورة إلي تحت..



بعدها راح يفتح لك هذا الرابط وهو عبارة عن تسجيل الموقع تبعك.



1- اكتب اسم الموقع إلي بعجبك
2- اختار الدومين ايلي بعجبك منها
3- اضغط عليها علشان تغز علي الصفحة ايلي بعدها.

بعد ما تضغط علي هذا الرابط زي ما شفتو في الصورة , راح ينقلك علي هاي الصفحة , وهي عبارة عن صفحة بيانات.


زي ما انتو شافين كل خانة قدامها رقم , واعتقد الكل بيعرف يعبي هاي البيانات , بس مش مشكلة بذكرها .. وهي كالتالي
1- إسمك الأول
2- إسمك التاني
3- العنوان
4- المدينة
5- الولاية
6- الزايب كود حطوه هيك 00972.
7- الدولة , حط إيلي بدك اياه ( معلش فلسطين غير معترف فيها دولاَ فعشان هيك ما تغلب حالك وأدور عليها).
8- رقم جوالك , أو رقم تلفونك ( ماتخاف ما راح يسرقوه حطوا لو بدك ما في خوف)
9- إيميلك حطو هون (ما تخاف عليه ما راح ينسرق)
10- الجنس / ذكر - انثي ( مصيبة لو ما بتعرفها )
11- تاريخ ميلادك يا حلو لو مش عارفو ( اسال أبوك)
--

وهاي كمان الصورة بتين إلك البينات تكملة الها هيا هيا بتكون ف صفحة وحدا بس علشان الصفحة طويلة ما حبيت أحطها بصورة وحده ما علينا خلينا نشرحها.



1- نوع الموقع , زي ما انتو شايفين انا حاطو شخصي
2- هون حط باسورد الموقع
3- كرر الباسورد كمان مرة
4- هون السؤال السري
5- هون حط جواب السؤال السري ( حطه اشي القرد ما بعرفو زي هيك KQJSA^18725)
6- اضغط عليها صح وانت ساكت مش ضروري تعرف لشو
7- وهاي كمان زيها اضغط عليها صح
8 - في كود جنب الفراغ هذا , اكتبو في الفراغ مش صعبه كتير
9- اكبس علي كونتنيو علشان تكمل..

هلقيت بقلك انو الشركة بعتت لحضرتك راسالة علي الايميل روح شوفها علشان تكمل الإعدادت هوا انت فاكر الشغلة بلوشي؟
الصفحة راح تكون متل هيك



1- أكبس عليها علشان تروح علي صفحة غيرها.

هلاا راح ينقلك علي رابط تاني متل ايلي بالصورة ايلي تحت هاي.



1- هذا ال ID بتلاقيه في الإيميل تبعك هلقيت لتحت شوي راح اوريك كيف بتجيبه.
2 - وهون الكود إلي بعطيك إياه ف الايميل بتلاقيه كمان
3- اضغط علي هاي بعد ام تشوف الصورة ايلي تحت , وتجيب منها الكود طبعاَ ايلي بكون ف إيميلك وتحطها .
هلقيت بعد ما تجيب هاي من الإيميل , وهون بالصورة موضح كيف تجيبهم من الإيميل وهوا كالتالي:/


طبعاَ هاي الكود ايلي بكون واID زي ما انتو شايفين في الصورة ايلي فوق هاي.

هلا بعد الكود كملت معك عمليه التسجيل ف الموقع
..
هلاا روح علي الايميل راح تلاقي رسالة تانية أجتك علي الايميل والرسالة هاي فيها كل المعلومات تعت الموقع والرسالة متل هاي الصورة ايلي تحت.



شايفين طبعاَ انتو المعلومات هاي كلها بتخص الموقع وبياناتو إحنا بهمنا هلقيت إلي محدد عليهم بأرقام.
1- هذا اسم الدخول إلي بتفوت ع الموقع تبعك فيه.
2- هذا الباسورد ايلي بتحطه لما تفوت ع الموقع ( انا مخفيه طبعاَ ).
3- هذا الرابط ايلي عن طريقة بتفوت ع الموقع.

هلا هاي الصفحة إلي بتفتح لما تدس علي الرابط ايلي قلنا بتفوت فيه ع الموقع.



1- حط إسم الموقع تبعك هون
2- باسورد الموقع هون طبعاَ
3- حط صح عليها لو انت بتشبك نت من البيت وبدك الجهاز يزكرك ف الباسورد دايماَ. ولو في كافيه ما تحطها
4- ادخل علي الموقع لما تحط الباس واليوزرنيم
5- في حالة فقدان الباسورد أدعس عليها
--
بعد ما تدعس علي تسجيل الدخول راح تفوت داخل الموقع , هلقيت في الصفحة الرئيسة بيطلع عندك متل ما في الصورة تحت.



إلي بهمنا من الموقع الشغلات ايلي انا مرقمها , وخلينا نشرحها...
1- هاي ببين إلك اسم الموقع , وببين مدة صلاحية الموقع وايلي هيا عبارة عن 10 سنوات للموقع مجاني..
2- مساحة الموقع كلها
3- المساحة المستخدمة والغير مسخدمة
4- نسيت هاي الشغلة لشو , بس هيا إلها دور يعني مش ع الفاضي :d
5- هاي البيانات ايلي انت عبيتها في أول شي لما سجلنا الموقع . اذا بدك تغير منها شي زي الاسم الأول او التلفون أو السؤال السري.. الخ اكبس عليها وغوص لحالك , الشغلة سهلة كتير...
6- تغير باسورد الموقع لو واحد من صحابك عرفو أو حسيت انو سهل , أو مزاج .. اي حاجة.
7- هاي مدير الملفات ايلي بعتمد عليه الموقع كلياََ
8- هذا الرابط لل php , الرابط مش شغال من الموقع نفسه , مش عارف ليش..
9- هذا ايلي بدك تمسح قاعده البيانات , ازا بدك تشيلها أكبس علي هذا
10- تحديث الموقع تبعك , يعني لو انت سارق فيزا كارت , أو عندك فيزا كارت , بتقدر تحدث إلموقع بتخلي مساحته أكبر طبعاَ ووميزات أكبر ..
11- هاي تسجيل الخروج.
---
هلقيت شرحنا كل شي خلينا نروح علي أهم شي وإلي هيا 7- File manger.
أكبس عليها وفوت عليها راح يطلع لك صفحة متل ايلي تحت هاي.



خلينا نشوف شرح الشغلات ايلي جوا هاي .
1- مسح
2- تغير اسم ملف
3- جرب وشوف شو هيا انا مش عارفها
4- ما جربتها جربها انت وشوف شو بتسوي!
5- مسح ملف
6- تعديل الملف ز Wysiwng
7- إنشاء
8- إنشاء ملف
9- هوا الملفات ايلي بتحملها علي الموقع .. يعني لو بدك تنزل صور اضغط علي استعراض , راختار الملف , ملاحظة الملف ما يحتوي علي آي حرف عربي , سواء كان الملف في الوندوز أو اسم الملف نفسه متل هيك يكون Dic \love.jpg , ما يكون D:\صور\love.jpg , ما برضي فيها الموقع أو أي موقع تاني .. وبتقدر تسوي أستعراض لكزا صورة او ملف
10- بعد ما تحدد الملفات ايلي بدك تعرضها اكبس علي هاي
راح يطلع لك صورة متل هاي ايلي تحت.

اضغط علي Back للرجوع , وهون بحدد لك اذا الملف تحمل أو فشل ولو فشل بجيب لك سبب الفشل.
نرجع نكمل شرح للي فوق.
11- هاي يعني الرجوع للصفحة الرئيسية.
--

شغلات تانية
هلقيت انت لما تنزل الصور علي الموقع ما تنزلها هيك عشوائي , لو لاحظت علي الصورة ايلي قبل الأخيرة ايلي فيها شغلات كتير وبلاوي راح تشوف images , يعني الصورة جنب الكلمة هاي ايقونة لونها اصفر اضغط عليها , بدخلك جوا ملف , بتلاقي جواه زي الرقم. 9- استعراض ومن هناك استعرض الصور ونزلها علشان تنزل ف الموقع وهيا بتكون عبارة عن هيك , يعني لو سمينا الصورة g4z4 , راح هيك يكون الرابط http://gaza.clowned.us/images\g4z4.jpg , وضحت؟ ان شاء الله وضحت. هذا بالنسبة للصورة

هلقيت خليها نطلع تاني للصفحة برا , في File Manger , لاحظ انو في شغلة اسمها Index.html , هاي هي الموقع تبعك يعني حط الأكواد تعت الموقع تبعك فيها عشان يصير موقعك موقع وفيه كل شي متل هيك بتقدر تعدل عليها . حط صح قدام index.html , ورح علي اليمين اطلع راح تلاقي الرقم 6- إيلي هوا EDIT يعني تعديل علي الملف , وبعد ما تعلم وتضغط علي تعديل راح يطلع معك متل ايلي بالصورة هاي ايلي تحت



طبعا زي ما انت شايف أكود , هلقيت انت علشان بدك تسوي الأكواد هاي بتسويها علي لفرونت بيج طبعاَ , وانا كنت ناوي أوريكو بالصورة كيف ممكن نسوي هيك شغلة , بس للأسف ما عندي Office علي الوندز عندي , مش مشكلة بشحرها علي السريع , هلقيت لفرنتبيج , في 3 شغلات إلي هياك معاينة × الكود × تعديل × , هلقيت انت بتحط علي تعديل , وبتحط خلفيه وجاي يا أهل البلد جاي , وبتحط صور , وبتكتب ايلي بدك اياه في الموقع سواء كان معلومات عنك أو شي تاني هذا شي انت بتححده , بتروح علي شي اسمه الكود , أو الأكواد , كلمة زي هيك مش فاكرها , المهم اضغط عليها راح يجيب لك الكود ايلي انت سويته تبع الكلام ايلي انت حطيته او الصورة ايلي انت حطيها أو اي شي , هلقيت انسخ الكود هذا وحطه في المربع زي ما هوا مبين عندك ف الصورة طبعاَ ايلي في الصورة احدفو حددود كلو وشيلو , وحط ايلي انت بتعملو علي لفرونتيج , وبعد هيك اضغط علي Save رقم 1- , واذا ما بدك تعدل شي اكبس علي رقم 2- Cancel..
في شغلة وطريقة أسهل من هيك , انت بتقدر تحدف ال index كلو , وتسوي عن طريق فرونتبيج , وتعمل كل شي من هناك , ولما تخلص من شغلك بدال ما تنسخ وتلصق , بتعمل تحميل للصور والصفحة ايلي عندك علي لفرونت بيج علي الموقع مباشرة من غير نسح ولا لصق , كنت ناوي أوعلمكو كيف بس ما عندي الأوفس, وبرنامج لفرونتبج , لكن ملحوقة ان شاء الله أول ما أجيب البرنامج راح اعمل شرح الو وكيفية انك تحملها علي الموقع.

وبهيك انا شايف انو بقدر آي واحد منكو يعمل موقع مجاني , بسهولة ؛ والهدف من هيك أنو الواحد يتعلم كيف يعمل مواقع وتكون بداية اي نعم بداية مش كتير حلوة او الشرح صعب عليكم .. بس اتحملونا هذا ايلي قدرنا عليه , وإن شاء الله راح أعلمكم طرق جديدة ف مواضيع جديدة , كيف تقدر تستغل المواقع وكيف تقدر تربط أكتر من موقع في موقع واحد يعني بتقدر تشبك 10 مواقع علي موقع واحد...

أتمني انو الشرح يكون سهل وبسيط والكل قدر يستوعب هذا الشي

ولو آي حدا منكم ما فهم شي او شغلة ما عرفها , يقلي عنها انا بشرحها الو , واي واحد بدو اي شي بالنسبة للمواقع انا جاهز ,
ملاحطة: خبرتي في المواقع علي قدي!!

والسلام ختام

_______________________________

_______________________________

الله يعافيك يا بركة ,
وشكراَ تعليقك الحلو , ومرورك الأحلي

_______________________________

_______________________________

_______________________________

... عزيــزيـــ ...

لا ترحـــــل ... فقلبـــــــــيــ وذكريــــــــــاتكــ وحبــــــــــكــ مـــــــاضــون إلى حيــثــ لا تعلــــمــ

الله يخليك أبو حرب تسلم علي مرورك...

الأخت فلسط... معلش انا مش فاهم شو قصدك ياريت توضحيلي بالظبط هو بدك لحتي اقدر اعيده
وشكراَ للمرور..

_______________________________

_______________________________

... عزيــزيـــ ...

لا ترحـــــل ... فقلبـــــــــيــ وذكريــــــــــاتكــ وحبــــــــــكــ مـــــــاضــون إلى حيــثــ لا تعلــــمــ

هاي الصورة هاي موضح فيها كيف تعملي upload
ولو ما عرفتي خبريني راح اعيده كمان مرة

_______________________________