|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
12-08-2007, 10:13 AM
|
||||
|
||||
$$ عنون تقدم لكم : طـــبخـــة عــالــميــة مـن أعــماق البــحــار $$
 يسعد ايامكم كلها يا احلى ناس بالدنيا كلها ... هادا يا جماعه انا قررت افوت المطبخ  هالمرة عشان اطبخ مش عشان اكل   وقلت لحالي يا بنت يا سمسم ,, انتي طابخه طابخه ,,,  اطبخي اشي تقيل  عشان هيك قررت اسويلكم اشي كبير كتيير ... طبخة عالمية من اعماق البحار  قررت اعملكم : ســمـــك وجمبري واشياء حلوة كتييير  أول خطوة واهم خطوة ... انه نجيب السمك والجمبري  ياترى من وين ؟؟؟ ياترى من وييين ؟؟  معقول ننزل تحت الاعماق ونصيد مش غلط .. خلونا نجرب   سمكة قرش كبيييييييييييرة عشان يدوب تكفي المقعد واهله  طبعا مش حينفع اصيد .. حاولت بس مانفع  عشان هيك مافي حل غير اني اسحب حالي واطير  على سوق السمك  وشوفو شو شفت هناك وشو جبت  أشياء وحاجات حلوة وغريبة     ومازالت العجايب تستمر كان نفسي اصور اكتر بس طبعا ماقدرت اصور كل شي .. عشان كانو يطلعو في ويضحكو مالها هادي ماشية تصور  الموووهيم وبالسوق ... بتشتري الكمية اللي بدك اياها وبتقول للي بيبيعو ينضفوها ويقطعوها حسب مابدك شريت انا وامي سمك هامور وخليتهم يقطعوه ويعملوه فيليه .. متل مابالصورة هادي ..  ومتل ما مبين ,, السمك لسة بدو تنضيف .. بنحط مي وعليها طحين وليمون وبننقع السمك فيه ونغسله فيها ,, وشوفو بعد التنضيف كيف بيصير  ونفس الشي بنعمل لكل الانواع اللي جبناها ,, واكيد للربيان ( الجمبري ) بنعمل نفس الشي ..  حتى شوفو هادي الربيانة تحت المجهر شوفو تأثير الضوء عالجمبري  الصورة هادي صورة فنية كتير بتبين قديه الجمبراية بتتأثر بالضوء المهم هلآ بعد مانضفنا السمك .. بنعمل التتبيلة اللي رح نتبل فيها السمك والجمبري مقادير التتبيلة : ليمون -عصير ليمونة خل - ملعقتين تلاتة كبار كمون - ملعقتين صغار قرفة - ملعقة صغيرة ملح - 3 او اربع ملاعق صغار ملح الليمون - ملعقة صغيرة طبعا المقادير هادي جاية بالتقدير وهي نسبية حسب الكمية اللي بنطبخها .. الموهيم ,,, متل ماموضح بالصورة هيك ,, هيك بنعمل بنرش كل المقادير هادي عالسمك وبنحرك منيح ..  وهادا نوع تاني من السمك اسمه : ميــد .. بنضفه بنفس الطريقة وبنتبله  وأكيد نفس الشي بنعمل للجمبري الربيان ..  يم يم يم مااحلااااه وبعد مانتبل يا حلوين ,, شو بنعمل ؟؟؟ بنجيب ورق قصدير ,,, وبنغلف الاشياء هادي متل مابالصورة .   وبنحطها بالتلاجة لتاني يوم ..  وبنحط راسنا وبنام خلص  او بنقعد نتفرج عالتلفزيون  او بتيجي تقعدي بالمقعد  او اذا عندك شغل كوي ولا اشي اعمليه  ولا تنضيف ولا اشي  >>>>طولتيييها .. انهي  طيب .. نيجي للجد ...تاني يوم .. بنيجي نعمل الغدا .. اول شي بنعمله هو الرز : وقبل مانعمل اي شي ,, بننقع الرز شي ساعه او اكتر متل ماموضح بالصور  مقادير الـــــرز : من اتنين الى تلاتة كوب رز ( حسب الرغبة طبعا ) اتنين بصلة متوسطات الحجم .. بهارات ( ملح - قرفة - فلفل اسود - ) بنقطع شوية بصل مربعات مربعات .. بنسخن شوية زيت بنطجرة الرز ,, وبنحطها عالنار ونحركها لحد ماتصير دهبية  بعد هيك بنضيف الرز ونحركه شوي .. وبعدين بنضيف البهارات .. وبنصب عليه مي متل مابالصورة ...  بنستنى لحد ماتغلي المي .. وبعد هيك بنغطي الرز ونتركه على نار هادية لحد مايستوي  وبعد مانترك الرز على نار هادية ... بنقطع بصلة على شكل شرايح شرايح ,, وبنحمشها بشوية زيت بالقلاية لحد مايصير لونها دهبي ... هادا البصل عشان نحطه على وجه صحن الرز   بهالوقت يا حلوييين .. بنكون طلعنا السمك والربيانات من التلاجة بعد مااخدو حقهم كامل ومكمل ونامو طول الليل .. هم بيتبلو بالتلاجة .. شوفو مااحلاهم وهم صاحيين من النوم  وهون بيبلش الشغل شوفو يا حلوين .. هلآ بدنا نعمل خلطة ( التعفيل ) شو هو التعفيل  <<<< مابعرف هيك امي قالتلي  المهم .. شوفو ..  بنجيب صحن وبنمليه طحين .. بنرش عالطحين التالي : ملح - كمون - سماق - قرفة - عصفر وبنخلطهم منيح ,, متل ماهو بالصورة :  بعدين .. بنجيب السمكات .. وبنتعفلهم اتعفل جوة الخلطة هادي .. واللي مافهم يشوف الصور   السمك قبل وأثناء التعفيل  السمك بعد التعفيل ,,, فهمتو هلآ شو المقصود  وبعدين بنحط السمك بالقلاية .. بعد مانمليها زييييت قلي   وطبعا بنتركها عالنار تاخد راحتها وتتحمر براحتها  وبنقلبها عشان ماتنحرق وبنفس الخطوات هادي ,, بنعمل للسمك الفيليه ..  بنتعـــفل منيــــح ...  بعديـــن بنقلي ,,  وماننسى نقلب .. عشان ماتنحرق في أثناء هازا كله ,, نحضر السلطات الجانبية .. اول شي .. بدنا نعمل سلطة الطحينة .. اللي بتنعمل خاصة عشان تتاكل مع السمك .. مقادير سلطة الطحينة مقدار حزمة او اكتر بقدونس مفروم ( حسب الرغبة طبعا ) طحينة - خل - كمون - ليمون - ملح الطريقة : بنحط طحينة بالصحن .. ونحط عليها شوية مية ,, ونحركها .. بعدين بنحط شوية ملح وكمون ,, ونحركها ,, وكل ماتجمد نتفة بنضيف كمان مي ونحركها ,, ونضيف مقدار نص معلقة صغيرة خل ابيض ,, ونحرك ..  بعدين بنضيف البقدونس المقطع على الطحينة اللي صارت لينة متل ماهو بالصورة مبين ونحرك ..  بالاخر ,, بنرش كمون عالوجه ,, وهيك بيصير الشكل النهائي للاشي   وكمان بدنا نعمل سلطة خضرا .. والمقادير متل مابالصورة ...  خيارتين ( والخيار مش متل الفقوس )  وبندورتين .. بصله صغنونة .. قرن فلفل بقدونس وخس مقطع ومفروم ناعم .. الطريقة .. بنقطع كل شي فوق بعضه وبنخلطه ولا اسهل ..وبالاخر بنرش زيت زيتون ,, وليمون وملح ,, وشوية نعنع ناشف وهيك بيكون شكلها بعد الخلط والقطع وكل شي  وهلآ بنشوف الأشكال النهائية لكل طبق  لا لا استنو نسينا اهم شي .. الــــجمبــــــري اول شي .. خلطة التعفيل وتعفل يا متعفل ,, يا متعفل تعفل  اول شي ,,, بنحط الربيانة في بيضة مخفوقة مع ملح وفلفل اسود وشوية كمون ,,, بعدين بنتعفلها بالطحين ( المخلوط بالبهارات اللي سبق زكرها ) بعدين بنتعفلها بالبقسمااااط .. وشوفو الصورة اللي جاية بتبين الربيان قبل وبعد التعفيل ( عجبتني الكلمة كتيييير ) بعد هيك بنحط الربيانات وبنقليهم في زيت قلي ( طبعا بنغير الزيت اللي قلينا فيه السمك  )  ومتل ماقلنا ,, ماننساهم عالنار ونحرقهم بنقلبهم لما يتحمرو شوي بس مانحرقهم  وهــلأ بـــس ,, بتكون مهتمي انتهت .,, وبيكون ضميري ارتاح ,, وبقدر اوريكم شكل الاطباق النهائـــية اول شي الرز بعد مااستوى بنحطه بصحن وبنحط عليه البصل اللي حمشناه ..  السمك الفيليه ,, بعد مانقليه ونحمره ,, بنرش عالوجه ليمون وكمون وشوية سماق وبيكون هيك شكله  نفس الشي بنرش فوق السمك الليمون والكمون والسماق وهيك بيكون شكله  والربيان حبيب القلب ,, بعد مااستوى بيصير شكله زي النجتس .. جمبري نجتس  وطبـــعا اهم اشي اهم شي تجيب اكبـــــر كــــاسة عندكم في البيت ,,, وتعبيها بيبسي .. او عصير ,,, لزوووم العطـــش أنا بحب الميرندا   كان نفسي اصورلكم السفرة كاملة ... بس هجمو عليها مالحقت اصور اشي قبل الحرب وماحدا يعلق عالصور  عشان انا ماعندي فوتوشوب يدوب بعرف استخدم الرسام أحسن من بلاش وللأمانة طبعا ,, امي طبخت وانا ساعدتها هون وهون واتعلمت  وصحتين وعافية ,,  وبالهــنا ,, وعــالشــفا  عنووووون تتمنى لكم قــــضاء اسعد الأوقات  واسبــــح يا ســـمـــك  
_______________________________
  
|
|
#2
12-08-2007, 10:39 AM
|
||||
|
||||
|
بدي..
ضاد بيعيط.. برجع بعدين عندي طن شغل حالياً.. ضاد بيعيط غير هداك
_______________________________
الآن..  في.. خرابيش  برعاية.. كان ياما كان  الله > أنا > الآخر ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه..
|
|
#3
12-08-2007, 10:47 AM
|
||||
|
||||
|
ههههههههههههههههههههههههههههههههههههههههههههههههههههههههههههههه آآآآآخ يا بطني صرت زي هادا من كتر الضحك  <<هههههههه .. اسكتي يا شيخة المأكولات البحرية بموت فيها .. تسلم ايديكِ يا رب كتير كتير لزوزة وطيبة .. خصوصا الجمبري متأثر بالضوء .. ووضعه كالونيا قطعن قلبي ارحمي يا بنت الحلال . . نازلة انتقام من السمك .. شو عملوا الك طيب هاتي تنشوف الطعم اممممممممممممممممممممممممممممممممممممممم سمك معفن .. لا تسلم ايديكِ الاشي باين طايب كتير ولزوز هاي فتحت نفسي كتير ..
_______________________________
عدنا والعود ابو عزمي !  тнє ∂єνιℓ 
|
|
#4
12-08-2007, 11:17 AM
|
||||
|
||||
|
اخ بدي اكل
وين المكان انا معزوم اشي اشي والله روعة بس انتي متاكدا انووو انتي عاملا الاشي بس زاكي وهادي ازكي وهيا سخنة...........يا سلام ..>يسلمووووووووو<
_______________________________
  معاً للقضاء عل فئران المقعد
|
|
#5
12-08-2007, 11:28 AM
|
||||
|
||||
|
اقتباس:
تعيطييش قطعتي قلبي  خلص ببعتلك صحن بالبريد المستعجل يعطيكي العافيه والله يعينك عالشغل .. بستنى رجعتك يا قمر
_______________________________
|
|
#6
12-08-2007, 11:32 AM
|
||||
|
||||
|
اقتباس:
سلامة بطنك هو الموضوع للضوحوك جاي تتظحوك مش مشكلة اضحك براحتك  عجبتك الجمبراية تحت بقعة الضوء انا كمان عجبتني واخدتلها صورة للزكرى وانا بصراحه حبيت انتقم من السمك شر الانتقام عشان عمري ماحبيت اكله ..وفجأة صرت احب اكله كتير وهي صرلي تلات ايام باكل فيه مش كاين يخلص خلص ببعتلك صحن بركي خلص منووووور
_______________________________
|
|
#7
12-08-2007, 11:37 AM
|
||||
|
||||
|
اقتباس:
اه والله انا عملت وتعفلت منيح كمان  ليش مش مسدقين يعني هو صحيح امي عملت اكتر شي يعني وانا بصور بس ساعدتها  ميرسوووو عالمرووور
_______________________________
|
|
#8
12-08-2007, 11:40 AM
|
||||
|
||||
اخ ياربي امممم اشي بشهي والله اشي مرتب وشغل نضيف الله يعطيكي العافيه حلاوه على الاخر بدي افهم اشي هلا النسوين من كتر ما بحبو الدهب بدهم يخلو البصل بلون الدهبي كل ما اشوف موضوع طبخ بقلولك خلي البصل بلون دهبي ضروري حتى البصل والله سلم اديكي على هالشغل المرتب بجد النسوين نعمه كبيره تحياتي للجميع سلام بدي اشرد بطلت اتحمل
_______________________________
 . . التعديل الأخير تم بواسطة : زيكوو بتاريخ 12-08-2007 الساعة 11:44 AM.
|
|
#9
12-08-2007, 11:43 AM
|
|||
|
|||
|
اشي قلق وشغل متعوب عليه يا حجة عييون  انا نتأكد انو انتي ما اشتغلتي ..وانو امك اللي اشتغلت ...وانتي بس قعدتي تصوري حاسس حالي في فليم رعب ..اطلّعي ع الشمال بتلاقي سراب شبح واطلّعي ع اليمين بتلاقي السكينة تبعتو كيف ماسكها ععععععععع شغل حلو يا عيووون ...وأظن اللي بيتبع الخطوات بيصير بيطبخ السمك بسهولة زي كاسة المانجا الفريش ب 4 خطوات بس انا ما بحب السمك ....بشرد من الدار يوم ما يعملوه  <<<اهبل منا عارف الا صحيح لقيتي الخاتم اللي في قلب السمكة ؟!
_______________________________
  يسلمو عاشق بلده ع وسام الحوتنة ....  يسلمو يا قــلـــق ع القلق هاد
|
|
#10
12-08-2007, 11:57 AM
|
||||
|
||||
|
يمي يمي يمي
اشيي بيشهي ومتعوب عليه يعطيكي الف عافيه يا عسل ويسلموو ايديكي
_______________________________
//\\  \\//.  . ..+ نـٍـٍوٍنٍـٍـٍيٍ +.. ..
 ..
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| اعصار غونو صور رهيبة وعجيبة | حمادة الشقى | صور يا مصوراتي .. وعلق يا معلقاتي | 17 | 10-09-2007 02:58 PM |
| ¨¨¨°~*§ღ§ عنون تعلن براءة الذمـــــة §ღ§*~°¨¨¨ | ~~ أحلى عيون شجاعية ~~ | حبيبي يا حااااااج | 22 | 26-06-2007 05:43 PM |
| الحقيقة وراء سلخ عنون | غزاوي اسبشل | حبيبي يا حااااااج | 16 | 26-06-2007 11:35 AM |
| أحلى عنون تعلن الانشقلاب ,, يلا قومو اتشقلبو معاي | ~~ أحلى عيون شجاعية ~~ | حبيبي يا حااااااج | 11 | 16-04-2007 11:02 PM |
| كلني يا عووو Happy Birthday To | كاظم الساهر الغزاوي | إتفضل يخو | 18 | 11-11-2006 05:42 PM |
|
العرض العادي
