|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
15-08-2007, 03:18 AM
|
||||
|
||||
الخلطة السرية بأيدي خنفشارية
طب بنقول سلامو عليكو انتا وياه وياها  برضو كالعاده محدش بيرد السلام ايش نقول فيكم ياغزازوة  طبعن أنا مش عارف ليش بدي أسلخ موضوع جديد بهالقسم مع العلم إني أخر إشي أفكر فيه أقوم أسوي سندوش جبنه وبسبب هازا الفشل الزريع بالمعلومات المطبخية وبما إني فاضي وعامل قاضي قلت أروح لدار سيدي طب شدخل ؟ طب أصبرو تستعجلوش على أكلكم أنا هلقيت راح أقول شدخل  هوا صراحة فش سبب للروحه على دار سيدي هيك فضاوة وصلة رحم عشان إلي قرن مارحت عليهم المهم وانا مروح أعطتني ستي 7بيضات بلدي كل بيضة بتكاكي للبيضه اللي جمبها طبعن انا طنشت وقلت ايش يعني بيض بلدي وكأن الموضوع لم يكن ورحت نمت ولا كأنو فيه إشي وأثناء النوم فكرت وغرقت بأفكاري وصرت أفكر وأبقبق جدين بالمشاركه بموضوع الشسمو المسابقة وقلت ياولد هما أحسن منك بإيش وبديت أنفخ بنفسي  وماهيا الا سويعات قلت طب خليني هلقيت أنام وبكرا بنفكر وبنشوف إيش أسوي المهم صحيت يعني ولله الحمد من النوم وقمت لقيت فوق راسي لمبة  انا صراحه ماتمالكت نفسي لانو جى على بالي إيش أطبخ وصرت من الفرحة أجري بالدار زي الزلمه هادا  عمومن ايش بدكم بالطويلة والقصيرة وماجرى من أحداث  حسيت حالي بكان يامكان طبعن المقادير والشسمو المكونات والأدوات اللي أستخدمتها كلها إسبشل وغزاوية ميا الميا .gif "11nk(2)") وكلها للإستخدام الشخصي يعني مش عاملين عزومة محدش يتطلع فيا هيك  نخش بالموضوع الطيب  الخلطة السرية بأيدي خنفشاريةواحد- المكنونات والمgادير  <<<زكرتني بأغنية شسمو طلال مداح3بيضات بلديات طبعن اللي حاسس انهم قلال وبدو يزيد المفعول يزيد على راحتو  3بططات=جمع كلمة بطاطا ومن أراد الزياده يزيييييييييييييييد حسب الحاجة الشخصية يعني مع اني انا استخدمت إسنتين يعني عدد 2 فقط لانو الشسمو اللي حطيت فيه الاشي ماكان فيه وسعطبعن اللي بدو زيادة يضرب بـ2 زيت زتووووووووووون ويفضل إنو يكون تازة من الحكورة إلى المعصرة إلى قنية الكولا اللي راح ينحط فيهاجبنة مسلسات ويفضل إستخدام البقرة الهبلة قصدي الضاحكة بس انا مالقيت موجودة البقرة الضاحكة لانو المعبر مسكر مالقيت قدامي غير الهابي لاند قصدي الجرين لاندودربالكم غنية بالفيطامينات والشسمو البروطين والكالزيوم  بس لو بدك طعم فاخر بتستخدم جبنة اللي بحطوها بالكاسات خصوصن كرفترشة ملح أو نتفة  حسب الرغبة والحاجه والشسموومابننسى قرنين فلفل أخضر دكر بالاضافة للشطة أو فلفل أحمر عشان يصير الاشي فاخر فاخرأخر إشي الزتووون ويفضل يكون مجرود من الحكورة برضو من الزتونه اللي تحت بلكونة داركم إذا فش خلص لا حول ولاوهي صورة جماعية للشباب قصدي للمكونات تبعت الطبخة وهما مشخصين على الصينية  وهي صورة تانية بس من غير بيانات  توه يعني إتنين- الأدوات اللي بنستخدمها مش أكتر من شوكة أو مدقة للتفغيص والتبكيس والتهقيش سكينه عشان نشوف البطاطا إستوت ولا لا خصوصن للي بيعرفوش أمثالي صحن أو زبدية بس أنا إستخدمت صحن بلاستك لانو مكسل صراحة على الجلي والصنية عشان نحط عليهم الاغراض وبتلاقي صورتهم مرفقه مع الصورة السابقة بس من غير السكينة والصحن البلاستك أخر إشي الطنجرة اللي بنحط فيها البيض والبططات بس انا إستخدمت غير الطنجرة إستخدمت براد الشاي  زي ماتقولو إلو نكهة خاصة لما يكون بالشسموسالسن-أجينا للمفيد وطريقة العمل  بنجيب البيضات والبططات وبنحطهم بالشسمو الطنجره أو البراد صورة للمرحومين قبل السلخ قصدي السلق الله يرحمهم هلقيت  بعدين بكل سهوله ويسر بنضيف الميا ومش مشكله مية حنفية أو مية حلوة أو مية فلتر المهم ميا نضيفة برضو للي مابيعرفو هي صورة للبيض والبطاطا وهما بيسبحو بالميا ومبسوطين مش عارفين انو قربت نهايتهم وحيصيرو مجرد صور ولو انو مش واضحة الميا مش عارف ليش  بنولع القاز وأستخدمت عشان الموسابقة غازي الزغير مش غازي القصبي تبع البيبسي بالسعودي لا الغاز تبعي يعني خلص عرفنا انو عندك غازطبعن ولعتو بالولاعة اللي بنولع فيها الزقاير  وبعدين زي الشطار بنجيب الطنجرة أو البراد وبنحطها مكان النار يعني بنحطها على الغاز  بعديها بنروح على المقعد نتابع بالمواضيع الجديدة  طبعن ماننسى حالنا واحنا قاعدين على المقعد خصوصن اللي زيي وبعرفوش متى بتستوي البططات لانو مش زي البيض البططات بتكون شوية معقدة وبدها فن بنروح بنجيب سكينة طب انا جبت ساطور مش سكينة وبنغزها نغزة بحنيه بالبطاطا عشان نشوف إستوت ولا لا لحد ماتدوب وتصير السكينة تخترق البطاطا بكل سهولة وهيك بنعرف إنو تمت العملية بنجاح  هي صورة واحنا قاعدين بنغزغز السكينة بالشسمو وملاحظين الميا بدت تسوي بلالين وفقاقيع بنضلنا نشقر بين الفينة والأخرى لحد ماتكون البطاطا دابت واستوت على الاخر وتلقائي البيض بكون انسلق معها بعد مانتأكد إنهم مهبوكين ومهلوكين ومسلوقين بنعمل عملية إنتشال إلهم من تحت الميا المغليه وبنطفي الغاز زي الشطار لزوم إجراءات السلامة وبنبدأ بعملية التقشير للبيض والبططات على حد سواء  المشكله من كتر ماانسلق البيض القشرة لزقت بالشسمو وصار صعب التقشير لدرجة انو البيضه صارت ماتنشاف بالعين المجردة واضطريت اني اعطيها زوم مبرح عشان تكون واضحة إلكم  وهي صورة المرحومة بعد التقشير وعمليات التجميل المتعبه  وهادي صورة من جانب أخر بس لبيضه تانية وممنوغ لغير البالغين  وهي صورة جماعية بعد الحلاقة  قصدي التقشير إحكولهم نعيمن عاملين زي طابور المدرسة  وهادي صورة للشعر قصدي للقشر بعد التخلص منو  وهنا بتظهر بدايه عملية التفغيص واللي راح نعملها باستخدام الشوكة أو أي أداه للفغص  وهادي صورة لحالة الهرج والمرج اللي صارت بالصحن أثناء عملية التفغيص  بنجيب الجبنة وبنحطها على السطح وبنبدا نخلطها مع البطاطا والبيض المفغص  طبعن راح تصير العملية صعبة فـ بنضيف زيت الزتون عشان يطري ويسهل عمليه التحريك والتفغيص وبرضو لإضافة النكهة الغزاوية  معلش الصورة مش كتير واضحة لانو انا اللي بصور وبطبخ بنفس الوقت وهلقيت رشة جريئة من الملح أو نتفه مش مشكله كلو واحد  بعدين بنرشرش وبنطرشق الخلطة بالشطه الحراقة ولو فيه فلفل أحمر بكون أحسن  بنضيف الشسمو الحبشتكنات لزوم الإشي عشان مهرجان المقعد الغزاوي للأكلات المخبصة والمهقشة   هادي هيا الصورة النهائية للزيطة والزمبليطه تبعتنا وهيك بنكون خلصناالمهمه المستحيلة تبعتنا وضايل شغلات عادية بنروح نحمص خبز ويفضل إنو يكون خبز بلدي تبع الفرن البلدي الغزاوي عشان يقدر يعتل كمية كبيرة من الإشي  بنقول بسم الله وبنبدا بالهجوم الضاري وبنضرب قصدي بناكلأخيرن وليس أخرن بنفتح علبة كولا من جهتي جبت فانتا بردقان عشان بحب أبو خزاع ويفضل إنو الإيد تكون لسه زفرة ومش مغسوله عشان تحس بطعم الشسمو طبعن مفهومه بعد الاكله الدسمه هادي بنجيب علبة اللاكي وبنسحب زقارة زي الأسد  على قولة مسيو فادي زقارة الزفر طبعن وإيديك لسه زفرة وحالتهم حالة  وهلقيت خلص كل عام وانتو بخير خلصنا وضروري ضروري تتغطو منيح بلاش تجيبكم نفخه تجيب أجلكم خصوصن انو ماكلين بيض بلدي مسلوق وألف صحة وهنا على قلوبكم مع تحيات وإدارة المطبخ الخنفشاري للمناسبات السعيدة وسامحونا على التقصير بالنسبه للكلمات او الصور او طريقة الشرح  سلامو عليكو
_______________________________
 يـسـلـمـو هـالأنـامـل   التعديل الأخير تم بواسطة : خنفشاري بتاريخ 15-08-2007 الساعة 03:27 AM. 
|
| شكر من هدول الأعضاء يا خنفشاري على هالموضوع المرتب: | ||
|
#2
15-08-2007, 03:26 AM
|
||||
|
||||
 رهييييييييييب والله برافو عليك بيعجبوني الشباب العصاميين اللي بيطبخو لحالهم بس شو اسم الاكله الخنفشارية هادي يعطيك الف عافية وموفق في المسابقة يا خنفشاااري
|
|
#3
15-08-2007, 03:26 AM
|
||||
|
||||
|
ههههههههههههههههههههههههههههههههه والله إنك زلمه طقع من الاخر كل ما أقرا سطر اقعد ساعه بضحك جبنه مسلسات ما بحط عليها جبنه مسلسات يسلمووووووووووو عالموضوع
_______________________________
|
|
#4
15-08-2007, 03:40 AM
|
||||
|
||||
|
ههههههههههههههههه
طيب يعطيك العافيه مع السلامه
_______________________________
******************************  *********************** تسلم هالايدين يا ""فــ غزاوي حبيب ــن"" **************** انت مو انسان ..اكثر.. "قلبي"..مو من قلبك اصغر ومثل ما تشعر >>تأكد<< اني أشعر <<<<<<lose me>>>>>> ************* 08/08/08 ----::غزاوية ستايل::----
|
|
#5
15-08-2007, 03:44 AM
|
||||
|
||||
|
علي الطلاق اني بحوبك لله في لله يديك الف الف الف عافية ويسلمو ايديك .. انا الاكلمة هادي بحبها .. كتير زاكية وانا بعملها يحالي بس تنساش تحط عليها زيت زتون اذا ملقيتش الخلطة السرية عشان تهندس مسائلك في الحمام اسكا خنفشاري في العالم .. زبطلي الشسمو لاني جعت
_______________________________
عدنا والعود ابو عزمي ! тнє ∂єνιℓ 
|
|
#6
15-08-2007, 03:50 AM
|
||||
|
||||
|
ما هــــذا .. عليا الطلاق انك فاقد علي الاخـــر .. الك مستقبل ابن حلال انت في المطبخ .. احلي خنفشاري
_______________________________
باقون على العهد أبا عمـــــار
|
|
#7
15-08-2007, 04:12 AM
|
||||
|
||||
|
:: \\ :: هههههه الله يسعدك يارب .. شيء حلووو كتير لمى كنت بغزة كنت اشوف ستو بتعملها ...بس الجبنه هادي جديده وفي مشكلة صغيره ليه الدخان ماكنا حلوووين  .. المصيبة التحذير مكتوب بالعلبه يعطيك الف عافية يارب على الموضوع الرائع .. دمت بكل ود تحيتي :: \\ ::
|
|
#8
15-08-2007, 05:23 AM
|
||||
|
||||
|
ههههههههههههههههههههههههههههههههههههههههه عليا الطلائع انك ما في منك يا ختفشاري بجد ححستني اني قاعد معك وانتا قاعد بتطببخ كل ما اخلص فقرة اقعد ساعة اريح من الضحك اشي قلق طقع رقع فاخر من الاخر من البطاطا وبيض للفانتا لسنفونية اللكي سترايك ينعن عمري انا ما ازكاك يا زلمة يعطيك مليار عافية يا مدير وعالبطاطا البطاطا يا عيني عالبطاطا ومعاً وسوياً حتي البطاط حتي حتي البطاطا حتي البيض
_______________________________
تصبحووون علي وطن
|
|
#9
15-08-2007, 05:38 AM
|
||||
|
||||
|
احررررررررررررررررررررررررررررررررررررررررررررررق  والله ابنا دكر بس عندي استفسار غريب هو مش غريب لكن انا بعرف انو كل العدة تبعت الشغل عندك مظبوطة عدا شغلة وحدة الجبنة لاول مرة في التاريخ اعرف انو بينحط عليها جبنة غير منك الله يستر من اللي راح يدوقها مش مشكلة المهم انها تكون زاكية ومنك بنتعلم بردو مش غلط ويعطيك الفين عافية
_______________________________
 ابو زين قائد جيوش المقعد وقائد السلاح الحربي و العسكري والجوي والعمليات الدفاعية للمقعد   
|
|
#10
15-08-2007, 09:01 AM
|
||||
|
||||
|
كتير شكلها زاكية الطبخة هاي بس مش عارفه مين الي معلمك اياها |
