|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
27-08-2007, 01:31 AM
|
||||
|
||||
السلطة الغزاوية ( الدَقة الغزاوية )
يعطيكم العافية قد ما مشيت الجاجة حافية ..  كيفكم يا أشاوس ..  مقدمة: الكل بعرف الغزازوة مشهورين بالفلفل  .. وأكيد ما في طبخة أو أكلة إلا وبدخل في تركيبها الأساسي الفلفل  .. والغزازوة عرفوا على مر العصور بمحبتهم الكبيرة للفلفل وانفتاح شهيتهم لأكل الفلفل مع أي طعام  .. وفي ناس إلهم خاطر ياكلوا مع الحلويات فلفل  .. السلطات: عنا كتير من أنواع السلطات اللي انشهرت في العالم .. مثل السلطة التركية والسلطة المصرية والسلطة الغزاوية .. وأنواع تانية ملهاش أصل زي سلطة الطحينة وسلطة الملفوف وسلطة المايونيز .. كل واحد بخترعله سلطة وبسميها على كيفه  .. وهية توضع على السفرة لفتح الشهية ومرات زيادة صحون  ما علينا .. اليوم أنا قررت أعمللكم وأعلمكم طريقة عمل الدقة الغزاوية المشهورة  .. الدَقة << بفتح الدال .. ومشتقة من دق يدق دقاً .. دوق دوق دوق  أو بمعنى آخر .. السلطة الغزاوية  أول اشي وقبل كل اشي عشان تكمل معنا بدك زبدية أكيد ما في بيت فلسطين بيخلى من الزبدية الفخار  .. وحتى الفلسطينيين اللي عايشين برة ببعتوا يوصوا توصاية على زبدية من غزة واللي في غزة أكيد كل بيت فيه أقل شي زبديتين تلاتة .. وبعدين كلها حقها شيكل مش مستاهلة يا بخلا .. وللناس اللي ما عندها زبدية إحنا مستعدين نبعتلهم على البريد السريع زبدية  بس هما يتحملوا تكاليف النقل  وللي ما بعرفوا شكل الزبدية هي صورتها ..  وكمان مطلوب مدقة خشب.. مدقة حديدة ما بتنفع مدقة عضم ما بتنفع مدقة بلاستيك ما بتنفع أو ممكن هما ينفعوا بس مش عارف ليش المدقة الخشب إلها معزة خاصة في قلبي .. يمكن لأني زمان انطبشت فيها  بلاش فضايح .. هي صورة المدقة ..  ولما نجمعهم مع بعض الزبدية والمدقة بصيروا زي هيك  هلقيت نخش على مكونات الدقة.. أول وأهم عنصر من مكونات الدقة هوة الفلفل.. احنا بنحبها عبارة عن فلفل بطعم السلطة  عشان هيك بنحطش عيها أقل من 10 قرون فلفل .. طبعاً الفلفل على حسب الرغبة .. مش شرط يعني عشر قرون فلفل.. بس أكيد من دون فلفل ما بتزبط ..  ملاحظة: لو ما كنت غزاوي تحاولش تجرب هالعدد من الفلفل.. واللي بحب يخاطر في حاله أنا بخلي مسئوليتي عنه وأكيد من مكونات الدقة البندورة .. بكفي 3 حبات على الـ 10 قرون الفلفل .. أو برضو على حسب الرغبة  بصلة صغيرة أو نص بصلة وسط أو ربع بصلة كبيرة  معلقة عين جرادة ..  معلقة ملح..  زيت زتون..  جبنة بيضا .. للتزيين .. وممكن نستغني عنها..  زتون حب .. حسب الرغبة..  طريقة التحضير يقطع الفلفل في الزبدية قطعاً صغيرة بس مش كتير بالسكينة طبعاً..  وبعدين بنحط معلقة الملح ..  وبعدين معلقة عين جرادة  وبنقطع البصلة إرباً إرباً ..  وبنمسك المدقة وبنبدا ندق ..  ملاحظة: هادي إيدي اللي ماسك فيها المدقة وبنستمر في الدق ..  ايش تعبتوا ..؟ لسة ضايل كمان .. دق دق يخو ..  والله شكلكم تعبتوا من الدق .. لسة استمروا .. لحد ما يندق الفلفل والبصل كويس.. أيواااا .. هيك كويس ..  هلقيت بنقطع البندورة فوق الفلفل ..  وبنكمل مسيرة الدق ..  وكمان بنضل ندق ..  وضلك دق لحد ما تندق البندورة كويس مع الفلفل والبصل .. بس دير بالك تتطرشق .. يعني البندورة بدها شوية هدوء في الدق وشوية تفغيص  وهلقيت على حسب الرغبة بنفرك الجبنة البيضا فوق الدقة .. مش واحد يجيبلي جبنة فيتا ولا جبنة البقرات التلاتة اللي في الكرتون .. ما بتنفع بتجيب جبنة بيضا بلدية يا غنمية ..  وبنحط زيت الزتون ...  وبصير عنا منظر الزبدية هيك في الآخر..  وبتتاكل بالخبز طبعاً مش بالمعلقة وولا بالشوكة والسكينة كمان مع شوية زتون .. بصير منظر الإشي زي هيك ..  طريقة الأكل بتقسم الرغيف.. وبتبدا الهجوم.. وبتضلك تغرف .. تغرف .. لحد ما تخلص الزبدية .. وتصير تلحوس فيها .. أنظر الصور     وبالآخر بقولكم .. بالهنا وعالشفا .. وسلملي على بواسيرك
_______________________________
 صدق الشاعر حين قال .. يحوووووووو    ------------------------------------------------------------------------- >> إستخدم خدمة البحث المجانية قبل ما تنزل أي موضوع، بلاش يطلع مكرر، وتحرج حالك << لو بتشوف أي مشاركة ما بتعجبك، بس إضغط على العلامة هادي  اللي فوق المشاركةواحنا بنقوم بالواجب  
|
|
#2
27-08-2007, 01:40 AM
|
|||
|
|||
|
ههههههههههههههههههههههههههههه الله يعطيك العافية يامختار ابداع ماشاء الله عليك واخيرا عرفت شو هي الدقة وكيف بيعملوها  بس شو هي ( معلقة عين جرادة ..) ماسمعت عنها قبل هيك تسلم ايديك يا حسون كتير مغلب حالك وصحة وهنا على اكلة الدقة
_______________________________
  الف شكر على التوقيع يا وكأنها لعبة 
|
|
#3
27-08-2007, 01:44 AM
|
||||
|
||||
|
الله يسامحك يا حسون  فتحت نفسي وجوعتني على آخر هالليل بس عليا الضمان قلق .. سلطة 100% ويعطيك العافية عالمجهود .. هيني قايم آكل بس المفروض تحط ملاحظة بالآخر .. انه شو عواقب السلطة الغزاوية
_______________________________
.  أســامــة أحــمــد ســلام إلـى جـنــات الـخـلـــد     حسبنا الله ونعــم الوكيــل .
|
|
#4
27-08-2007, 01:44 AM
|
||||
|
||||
|
ههههههههههههههههههههه اتاريك مختفي عن الانظار إلك فتره تلاقيك من يوم ما عملتها وصورتها وانت مش عارفه تطلع من اللي بالي بالك وبدحك علينا ابو خشبه وبقولنا انفلونزا ومش عارفه شو هههههههههه يلا سلاااامات يا ابو علي ويسلموو ايديك على المقبلات القاتله
_______________________________
    أحلى خط
 لأحلى اسم على أحلى واغلى بحر  من أحلى واطيب ناجي 
|
|
#5
27-08-2007, 01:45 AM
|
||||
|
||||
|
هههههههههههههههههههههههههههههههههههههههههههههههههههههههههههههه انا لسا مش قادر اجمع من كلمة سلملي على بواسيرك اخويا معاه الباوسير من كتر ما باكل الحاجات هادي .. بنقله روح اعمل عملية بقولوا بديش حد يلعب في جسمي ههههههههههههههههههههههههههههههههه لا بس أكلة معتبرة مية مية يا كبير .. خصوصا في شوغول الدق فتحت نفسويتي يا راجل .. علي الطلاق لاقوم اعمل ما شاء الله .. سحييبة اخينا علي الطلاق غزاوي مية مية منظر الفولفول غصب عنه بده يجبلك الباوصير قلي يا كبير .. وين راح كل اللي أكلته ؟؟
_______________________________
X is to Y as Y is to Z. The value of Y is 14 and the value of Z is 280. What is the value of X ?  тнє ∂єνιℓ 
|
|
#6
27-08-2007, 01:48 AM
|
||||
|
||||
 واخيرا نزلت الاكلة مأخرنا اسبوعين عشان سلطة بتوخدش معي تلات دئايئ  و يخرب بيت اليهود حاطط العشر ئرون فلفل مرة وحدة انا فكرت حتحط بالكتير تلاتة بالله عليك اكلتها وما تشلفطت ليكون فلفل خيار ولك هاد بس يعمي مش غريب عليا هاد شكلو حراء وليه مو مئشر البندورة ولك ئشرها ما بنهضم بس شكلها حلو ومرتب يعطيك العافية عالسلطة 
_______________________________
.
|
|
#7
27-08-2007, 01:48 AM
|
||||
|
||||
|
آه صحيح نسيت اقول .. انا وانا بريل قاعد على حالي .. تسائلت .. ايمتى بدك تعمل عملية البواصير امانة نزل الصور وانت بتعمل الاشي مش هتعرف تقعد لاسبوعين
_______________________________
X is to Y as Y is to Z. The value of Y is 14 and the value of Z is 280. What is the value of X ? тнє ∂єνιℓ
|
|
#8
27-08-2007, 01:49 AM
|
|||
|
|||
|
يا كبير !!!!!!!!!! وين الفلفل الأسمر لانو اي اشي اسمو فلفل لازم ينحط ع الدًقة ابينفعش هيك !!!!! اشتريلك كيلو فلفل أسمر بيضرش لو حطيتو كلو ع الزبدية ..... وتنساش كمان ....ورق الفلفل....للتحلايه زي القات  واضربلك سيجارة تبغ فلفل واكتمها ...بكاسة شاي..فلفليكو .....من خيرات فلفل غزة ..شاي فلفليكو الخرز علامة الذوق المولّع رووعة يا مختار ......
_______________________________
  يسلمو عاشق بلده ع وسام الحوتنة ....
|
|
#9
27-08-2007, 01:53 AM
|
||||
|
||||
|
اقتباس:
ولك بكفي تفاول عليه بتشاءم انا عم بتخوف فيه وتكرهو حياتو اكيد هو زاح الفلفل عجنب واكل بندورة بس صحيح وين الريحان 
_______________________________
.
|
|
#10
27-08-2007, 01:57 AM
|
|||||
|
|||||
|
اقتباس:
أنا هيك بعرف إسمها .. عين جرادة .. أو جرادة ناشفة شوفي الصورة واحكيلنا ايش بتسموها عندكم .. اقتباس:
خخخخخخخخخخخخخخخخ .. منا قايل يخو .. سلملي على بواسيرك .. اقتباس:
لا أنا ريحت حالي .. ونقلت الحمام على الغرفة بس هادي مش مقبلات يعني .. ممكن تكون لحالها عشا مرتب .. اقتباس:
إيش رأيك أصورلك طريقة الهضم وما بعد الهضم اقتباس:
احنا غزازوة يختي .. يعني يدوب الفلفل الشطة يجاوب معنا .. وبعدين البندورة ما بتتقشر .. ويفضل كمان ما تندق لا هي ولا الفلفل .. أسهل للهضم أكيد الواحد بتشلفط وهوا بياكل .. وبصير يزغرت في لسانه بس بقدرش يقوم عن الأكل إلا لما يكون ماسح الزبدية على اللي فيها ..
_______________________________
صدق الشاعر حين قال .. يحوووووووو ------------------------------------------------------------------------- >> إستخدم خدمة البحث المجانية قبل ما تنزل أي موضوع، بلاش يطلع مكرر، وتحرج حالك << لو بتشوف أي مشاركة ما بتعجبك، بس إضغط على العلامة هادي اللي فوق المشاركةواحنا بنقوم بالواجب
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| الغزاوية الي في مصر | سفير غزة | إتفضل يخو | 46 | 03-03-2008 04:25 PM |
| اللغة الغزاوية | غزاوي بيحرق | اللغـــــات Languages | 1 | 29-01-2007 04:08 PM |
| دندن الغزاوية اجت | دندن الغزاوية | إتفضل يخو | 38 | 07-12-2006 05:30 PM |
| الدلوعة الغزاوية | الدلوعة الغزاوية | إتفضل يخو | 26 | 07-08-2006 10:01 AM |
| الفلسطينية الغزاوية | الفلسطينية الغزاوية | إتفضل يخو | 10 | 27-10-2005 12:34 AM |
|
العرض العادي
