|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
17-09-2007, 12:14 PM
|
||||
|
||||
././. مــاذا لو لم يوجد الاحتلال ؟؟ .\.\.
يسعد مساكم .. هو سؤال كتير خطر في بالي ,,, لو ماكان في احتلال في بلدنا .. كيف بتتخيلو حيكون وضع البلد ؟؟ كيف حتكون حياتنا ؟؟ كانو اهلنا حيضطرو يطلعو من بلادهم ؟ ويتغربو ويشقو ؟؟ كنا حنكون بلد فقير ولا بلد غني ؟ كنا حنتفق مع بعض ولا حنتناحر وتصير حرب اهلية ونكسر الدنيا ؟؟ طيب لو ماكان في احتلال .. هل كان شعبنا حيكون فيه كل هالقوة ,, ؟ نتعلم ونشتغل ونعمر في بلاد هي مش بلادنا .. ؟؟ هل فعلا الاحتلال هو اللي عطانا القوة والعزيمة .. هو اللي كان موحد شعبنا ؟؟ وهل لو ماانوجد الاحتلال .. كل هالعقول والناس الجبارة اللي طلعت من شعبنا ,, زي ناجي العلي مثلا .. زي الشهدا العظام زي ابو جهاد وابو عمار والشيخ ياسين .. كل هالعقول .. عمرها ماكانت حتطلع ؟؟؟ هل كانت الشعوب العربية حتحبنا وتساندها في بلدانها ( زي ماكانو مساندينا ) \\ // \\ // \\ // \\ // عن نفسي ,, تخيلاتي بتاخد منحنيين .. اول ناحية ايجابية .. مع كل العقول النيرة اللي عنا ,, بلدنا حيزدهر بالزراعه ,, وبالسياحه ,, وكل الناس وكل الديانات حتيجي عبلدنا ,,, كنا حنفوت ونطلع عالاقصى ونصلي هناك كل جمعه .. ما كنا حنتغرب .. واذا طلعنا حنرجع اكيد .. ,, من ناحية تانية .. بتخيل انه احنا كنا ,, عمرنا ماحنتفق ,,حنختلف .. حنتناحر .. وممكن توصل بينا لحروب اهلية .. شاركوني وقولولي ... انتو شو بتتخيلو ؟؟ وهل شايفين فعلا ,, انه الاحتلال هو اللي وحد شعبنا .. كل الحب والاحترام للجميع 
_______________________________
 . 
|
|
#2
17-09-2007, 03:54 PM
|
||||
|
||||
|
تخيل جميل، خطر على بالي عدة مرات قديما كان الاحتلال هومنوحد شعبنا، و خلق بينا روح التحدي و قوة العزيمة و الاصرار على النجاح حبنا لوطننا و رغبتنا بالتخلص من الاحتلال خلقت منا شعبا جبارا قادرا على المعيشة في اي جو و اي مكان و لكني اخالفك بنقطة واحدة هو ان الآن الاحتلال لم يخلق منا يد واحدة، و اكبر نتيجة لخيالاتنا هو ما حدث بغزة بعد الانسحاب الاسرائيلي فلست اظن انني استطيع ان املك اي خيال بعد ما حدث هنا
_______________________________
 رحمك الله محمد و أسكنك فسيح جناته يا أبا عمر
|
|
#3
17-09-2007, 04:12 PM
|
|||
|
|||
|
صعب نتخيل شي مش موجود
بس من خلال التجارب والحياه الي عشناها انا مش قادر اتخيل كيف احنا بدون احتلال وكيف احنا بوجوده جربناها بغزه وكانت تجربه مريره كتير لدرجة كنت راكب بسياره مره والا هي عجوز بتقول الله يرحم ايام اليهود ياريتهم موجودين العبره بالانسان نفسه وبالشعب ياعنون...مش بوجود الاحتلال وعدمه هي راح الاحتلال من غزه ايش عملنا خربنا غزه اكتر مهي خربانه ودمرناها بايدينا في شعوب تستحق الحريه وفي شعوب تستحق التخبيط ع راسها تحيتي الك
|
|
#4
17-09-2007, 04:32 PM
|
||||
|
||||
 والله دايما بتخيل هالتخيل ونفسي يوم اصحى الاقي حلم حياتي تحقق بتخيل حالي وانا بمشي بشوارع حيفا وبعده اطلع عليا يافا تنادي عليا عكا انزل على مرج بن عامر تحت الشجرات والعشب بلدنا حلوة والله لو ماكان في احتلال في بلدنا .. كيف بتتخيلو حيكون وضع البلد ؟؟ والله انا بتخيلها انه حتكون روعة وخاصة في عقلية اقتصادين وعلماء ومفكرين مبدعين في فلسطين واكيد حيرجع كل العلماء اللي بالخارج حتى انت يا عنون  حترجعي  فكل هادا بساهم انه نبني بلدنا انا بتخيلها حلوة  كيف حتكون حياتنا ؟؟ والله حتكون حلوة بكفي لما نزهق بنروح على القدس بس هلاء وين نروح اذا روحنا على البحر بنقول يا ساتر ما قارب صهيوني يضربنا بقظيفة  كانو اهلنا حيضطرو يطلعو من بلادهم ؟ ويتغربو ويشقو ؟؟  طبعا لاء لانة بلدنا اولى فيهم وكمان حتكون بلدنا حلوة كتير وفيها كل مقومات الحياة ليش يسافروا برا  كنا حنكون بلد فقير ولا بلد غني ؟  شوفي يا كبيرة  سيبوا البند هادا لعمو النونو وخلوني ارستك اموري واشرحلكم بلدنا كيف  انا بقول حتكون بلد غنيا كتير قولولي ليش  اول شئ سياحة  تاني شئ شايفين كل المسحية اللي بالعالم  قولوا اه كلهم بدهم يجوا على القدس بحجوا يخو بكنيسة القيامة  ___ المشرف_______ نكمل هادا من جانب السياحة عنا معادن قلولي وين اقلكم وين انزل تحت بالجنوب بتلاقي في صحراء النقب اسئل هناك بدلك طيب كمان روح على الشرق بتلاقي غور الاردن والبحر الميت الملح يا حبيبي الملح طيب حتقولوا قلقيشن بتهابل قاعد علشان صايم لاء خودوا هادي كمان جبالنا جبال اجرنيت .gif "11nk(2)") يعني كمان الرخام عنا خلص بكفي نروح على الغرب اه والله في بحر في الغرب فلسطين ليست بيئة عيش للسمك ولكن ممر طبيعي للسمك يعني بنصيد واحنا مرتاحين السمك بتنقل من على سواحل فلسطين هو بتنقل واحنا بنصيد طيب نسيتوا انه عنا موانئ حيفا اسدودوفي خليج العقبة كمان نسيتوا طيب نيجي للزراعة منور يا سهل مرج بن عامر هادي الارض اللي بسهل مرج بن عامر قابلة لزراعة اي شئ وكمان تربة فلسطين تربة زراعية من الدرجة الاولي كل هادا وبتحكولي مش حنكون بلد غني  مكتر برمي كنا حنتفق مع بعض ولا حنتناحر وتصير حرب اهلية ونكسر الدنيا ؟؟ حنتفق وغصب عن الجميع ولكم كل المشاكل اللي بين الاخوة سببها الاحتلال طيب لو ماكان في احتلال .. هل كان شعبنا حيكون فيه كل هالقوة ,, ؟ شوفي يا كبيرة يا عنون شعب فلسطين معروف من زمان انه شعب بتميز بالقوة والصمود يعني من قبل الاحتلال واحنا بتميز فيهم نتعلم ونشتغل ونعمر في بلاد هي مش بلادنا .. ؟؟ ها بدنا نقعد عواطلية فش لازم نتعلم وبعدين ما بكون شئ يعيق التعليم ولا العمل هل فعلا الاحتلال هو اللي عطانا القوة والعزيمة .. شوفي يا عنون انا حكيت فوق انه شعبنا بتميز فيهم من زمان بس برضوا الاحتلال ساعد فيهم يعني تخيلي واحد يشوف اخوة او صاحبة او ابوه بستشهد قدامة شو راح يعمل هو اللي كان موحد شعبنا ؟؟ لازم نضرب يعني مين اللي قالك انه هو اللي موحد شعبنا  مين سبب المشاكل اللي احنا فيها احكيلي وبعدين احنا وحدتنا القرأن وهل لو ماانوجد الاحتلال .. كل هالعقول والناس الجبارة اللي طلعت من شعبنا ,, زي ناجي فكرت ناجي انا العلي مثلا ..زي الشهدا العظام زي ابو جهاد وابو عمار والشيخ ياسين .. كل هالعقول .. عمرها ماكانت حتطلع ؟؟؟  انا بعتقد انه الاحتلال سبب فيها بس كمان كان ممكن يطلع عباقرة وعلماء عادي يعني هي في بلدان ما فيها احتلال ولكن فيها عباقرة هو لازم يكون احتلال علشان نتعلم ويطلع عظماء هل كانت الشعوب العربية حتحبنا وتساندها في بلدانها ؟ :B link:هما بساندونا يا حرام والله ما بنستحي احنا تقلنا عليهم عنون لازم تعرفي انه لما تحكي فلسطيني اعرفي انه بدافع عن شرف كل واحد عربي وحق على كل عربي يقبل قدم كل فلسطيني واجب عليهم انهم يساعدونا هي القدس لمين الاقصى لمين وكمان تنسيش انه فلسطين هي ارض وقف اسلامية يعني العربي اللي بالخليج راح يتحاسب ليش ما دافع عن فلسطين مش عارف ليش بحب اهل الخليج بموت فيهم
_______________________________
.... بعرفش اوقع التعديل الأخير تم بواسطة : متمرد بتاريخ 18-09-2007 الساعة 12:17 AM.
|
|
#5
17-09-2007, 04:38 PM
|
||||
|
||||
|
موضوعك كتير حلو قلبتي عليا مواجع الي رجعة ان شاءالله
_______________________________
 كلها دفشـِي بس
|
|
#6
17-09-2007, 08:38 PM
|
||||
|
||||
|
اقتباس:
اهلين وسهلين متمرد منور ,,, وانا بدي ابدا من نقطتك الاخيرة ,, لانه هي هادي النقطة .. اللي منها استوحيت تخيلاتي السلبية .. وهي انه لو مافي احتلال .. كنا حنختلف ونتحارب ونوصل لحروب اهلية .. اذا هي واسرائيل موجودة موجودة هيك عملنا ,, كيف لو ماكانت موجودة الله يصلح الاحوال ,,, ولو اني يا متمرد كنت حابة اعرف شو تخيلاتك اكتر ,, بما انك بتقول انه خطر عبالك عدة اوقات ... نـــورت
_______________________________
.
|
|
#7
17-09-2007, 08:54 PM
|
||||
|
||||
|
اقتباس:
اول شي بدي احكيلك منور الموضوع يا دبنك ,,, والله ماني عارفة شو احكيلك .. يعني بصراحه انا عمري ماتخيلت هالتخيل ,, اللا من بعد الاحداث اللي صارت ,, معقول يعني يكون الاحتلال هو اللي موحدنا وجامعنا ..؟؟؟!!! والمأساة اللي عشناها هي اللي ولدت فينا العزيمة والقوة الجبارة ...؟؟ ولو مافي احتلال كنا حنتقاتل هيك .؟ انا مؤمنة انه شعبنا شعب قوي وجبار , ,, وانه الاختلاافات والاقتتالات اللي صارت ماهي اللا نتيجة لكبت ونتيجة لخنقة سببها الاحتلال ,, وناس عميلة ومدسوسة هدفها تحقق انها تباعد بين صفوفنا ,, صحيح انه بالسنة اللي فاتت تفرقنا ,, لكن طول الخمسين سنة اللي فاتت واحنا متوحدين .. منور دبنك .. معلش انا انفعلت شوي ,, لكني بدي كلنا نضل مؤمنين بشعبنا وبإرادته وبقوته ..
_______________________________
.
|
|
#8
17-09-2007, 11:11 PM
|
||||||||||
|
||||||||||
 انا بزغرد لاني اخيرا شفت شاب بيرد رد طويل اطول من ردودي انا وساندي وهوبي كمان وهلآ بما انه انت ماقصرت بالرد .. اكيد انا كمان ماحقصر معاك يلا استعنا عالشقا بالله اقتباس:
ومين سمعك يا ئلائيشن انا نفسي افوتها مرة .. واتنفس هواها ,, واشوف سماها ,, احس اني في بلدي وعلى ارضي ,, بين اهلي ,, بس الله يسامح اللي كان السبب اقتباس:
والله ربنا يسعدك حسستني اني عالمة كبيرة بجد  وانا كنت اتخيل بلدنا حتكون حلوة ,, وليش حتكون ,, والله هي حلوة ورائعه وكل شي فيها حلووو  اقتباس:
نفسي اروح القدس يا ئلائ الله يكون بعونكم وياخد اليهود وينيليهم يا ئلائ حلوة هادي ئلائ اقتباس:
 طيب ليش معصب ؟ يمكن كان حيصير كثافة سكانية زي اللي بمصر ماشاءالله الفلسطينيين معروفين ,, اقل شي بيجيبو 5 ولاد فأكيد ساعتها بردو حنضطر نطلع ونشتغل برة .. لكن الفرق انه حنرجع ومش حنضل برة اقتباس:
الله يحيي اصلك يا ئلالالالائ والله كلامك كلو على راسي بجد انك فرحت قلبي بالكلام هادااا والله بلدنا لسة بخير ,, دام فيها ناس مؤمنين فيها وبشعبها زيك اقتباس:
بس انت ليش بتعصب مين مزعلك بس انا سبق وقلت في رد من الردود .. شعبنا صرله اكتر من خمسين سنة متفق ومتوحد ... لكن العملاء المدسوسين وضغوط الاحتلال والقرف ,,, الهم عوامل كتير ,, بالاخر خلت الشعب ينفجر ويتشطر على بعضه  بس ان اشاء الله غمة وتزول ,, ونرجع نتوحد زي اول واكتر ,, يا رب اقتباس:
لا انا بهالسؤال اصدي انه احنا عشان الاحتلال اضطرو اهالينا يطلعو ويتغربو ,, وتعلمنا واشتغلنا وعمرنا في بلاد ,, مش النا ومش بلادنا اقتباس:
حد الله يا زلمة عجبتني كتير كلمتك ,, وحدتنا القرآن .. صحيح .. بس كمان لا تنسى انه شعبنا مش كله مسلم ,, ومع هيك توحدنا .. وصحيح انه شعبنا طول عمره قوي ,, لكن اكيد الاحتلال كان عامل كبير بتوحيده واذا ماكان الاحتلال سبب وحيد بالتوحد هادا ,, فما بننكر انه سبب كبير .. اقتباس:
تسدق اول مرة اعرف انه اسمك ناجي لو بعرف كان كتبت ناجي من غير العلي انا هادا سؤالي ... يعني هو لازم يكون في احتلال عشان كل هالعقول العظيمة تطلع ؟؟ طيب لو ماكان في احتلال ,, عشو كان حيكون ابداعهم .؟ حنظلة انولد من المأساة ,, وهدول ناس حركتهم العزيمة وقوة الارادة والرغبة في الحرية ... لو مافي احتلال شو كان حيحركهم ؟ اقتباس:
مااختفلنا ,,, ماهو عشان هالحكي اللي انت حكيتو ,, في ناس ساندتنا وساعدتناا ... ولو انه في كتير بالاخر زهقو وانقلبو علينا بعد ماعمرنا بلادهم وخلينا تتطور وتزدهر ( وهادا باعتراف منهم ) واجو من بعدنا ناس خربوها لكن شوف برغم وجود الاحتلال .. في ناس مابتطيقنا وبتكرهنا ,, ومسكرينها علينا من كل الجهات ياترى هالاوضاع حتختلف بدون هالاحتلال  وبالاخر بجد بشكرك كتييييييييييييير احلى ئلائيشن والله من احلى واروع الردود ,, بشكرك كتير
_______________________________
.
|
|
#9
17-09-2007, 11:13 PM
|
||||
|
||||
|
اقتباس:
الله يحلي ايامك يا رب .. بستنى رجعتك يا عسولة ..
_______________________________
.
|
|
#10
18-09-2007, 12:47 AM
|
||||||||||||||||||||
|
||||||||||||||||||||
|
اقتباس:
ولك انا اللي رادد فوق شكلي باقي صايم لاء شوفي انا لما موضوع يدخل راسي ببرم فية مش خسارة فية البرم اقتباس:
ان شاء الله راح تشوفيها بجهودنا وبجهودكم ان شاء الله حتشوفيها بس انت تقلقيش حالك ان شاء الله راح نرجع يا عيون هيك سيدي بحكيلي وكمان فلسطين ما بدوم فيها الظلم مش عارف ليش انته مش متفائلين اقتباس:
هو يعني العالم لازم يكون كبير لاء اي انسان مبدع بعملة بيكون انسان بلزم ومحتاجينة مش العوطلية اقتباس:
والله العظيم بلدنا حلوة يا ناس عنون انا مرة بكيت من قلبي يوم ما دخلت فلسطين المحتلة قوليلي ليش اقولك ليش لانة قد ما راح احكيلك بلدنا حلوة مش حتصدقي يا عالم بلدنا بدون شئ حلوة بس للاسف كان لازم نغادر منها قبل ال12 بالمسا بديش اوصف فيها بلاش تحكوا اني بتنادل وبغايظ فيكم  اقتباس:
مين سمعك يا عنون والله اموت بس ارجع على القدس وللشوارع العتيقة اخ يا قلبي شوقتيني فوق شوقي يا عنوناقتباس:
الله كريم وان شاء الله قريب بس نصبر يا عنون والله النصر قريب اقتباس:
وانا بقرأ بردك بحكي شكلها ناسية تكلمها بس بالاخر بين انها مقصودة وين نصي ولك ئلائ شناقتباس:
كثافة شو يا عنون احنا الفلسطينية قردين وحارس وبعدين فلسطين مش صغيرة يعني بتحضنا وبتكفينا وبتكفي اولاد اولادنا كمان اقتباس:
ايوة ايوة ادعيلي الله يجوزك ولك والله هيك بلدنا ولك بلدنا اغنى من تعون الخليج بعدين كنت ناسي علشان صايم في انابيب بترول من الخليج بتتصدر عن طريق فلسطين المحتلة يعني اي حركة بخزوق الانابيب  علشان هيك ولك الكل بطمع فينا وبعدين احنا بنربط العالم  بعدين احنا نص العالم النقطة اللي بالنص خايف تطلع النقطة الغرفة تعتي اقتباس:
يؤ ولك محدش مزعلنياقتباس:
 والله يا عيون كل مصيبة وراها الاحتلال وفلسطين دايما متوحدة نرجع للتاريخ زمان ايام زمان زمان كتير ما الحقناها انا وانت كان في بفلسطين دولتين مين قولك اللي عمل هالدولتين اليهود كان في دولة يهودا والسامرة كانوا مقسمين فلسطين قسمين وهيما اليوم بحاولوا يقسموها والسياسين تعونا بتخانقوا على صلاة جمعة اقتباس:
تحكيش يا عنون والله انا كمان شوية حفقع لما اعرف انه اللي علمهم مدرسين فلسطينية يخرب بيتهم ما بستحيوا صحيح نسيوا انه من علمني حرفا صرت له عبدا يلا مش مشكلة مهو اللي شغلهم الجوالات والفلوس وهادي السكرتيرة حلوة مزة اه يا عيب الشوم على هيك عرب اقتباس:
ولك اقعدي بديش اضرب احكي لحد يعمل شاي جاي على بالي نسكافية احكيلهم يعملوا ملك شيك اقتباس:
اكيد والله سبيلنا الوحيد القرأن اقتباس:
طيب تعالي من دانك انت بتعرفي انه عنا يهود فلسطينية وبعانوا من الاحتلال وبقاومة كمان في مدينة نابلس القديمة وفي منهم اعضاء بمظمة التحرير وبتعرفي كمان انه المسيحية ماكلين هوا من اليهود وبتبهدلوا متلنا متلهم اقولك ليش لانه المسحية اللي عنا مش زي المسحية اللي برا اللي بحاربوا الاسلام لا عنا غلابة اقولك ليش القرأن بوحدنا سواء مسلمين او مسحية اول شئ يا عنون القرأن وحدنا من زمان ايام ما فتحت بيت المقعد واحترمنا المسحية والمسحية احترمونا وعشنا معهم بالخير لانة دينا دين عدل دين محبة دين اخاء بعدين انت ما بتشوفي هادا حنا تاع المسحية اللي بالقدس بتلاقية بكل مناسبة بطلع ببارك للشعب الفلسطيني وبقول المسلم والمسيحي يعني ما بفرق بينهم صدقيني احنا متوحدين بس يروح لاحتلال كلوا حيروح معة واحكيها على بلاطة الزمرة اللي عملت على تفريقنا لما يروح الاحتلال حتروح معه سواء من هان او من هان وافهم يا شاطر اقتباس:
يعني ما بتعرفي هو راس الشيشة وهيما طول اليوم يحكوا عمو النونو ليش يلا مش مشكلة مرة تانية بتكتبي اقتباس:
انا انسان واقعي وبدي اقنعك من الواقع بتعرفي اليابان اكيد فش عندة لا تربة ولا نيلة تنيل اهلم بس كيف هما اجدع ناس وفش عندهم احتلال طيب بلاش اليابان اليابان يمكن حد يحكيلي عندهم سمك سنغافورة بتعرفوها نيلة تنيل اهلها كانت مستعمرة بيرطانية علشان يأمنوا فيها الجيش لا فيها اخضر ولا يابس بس من اقوى اقتصاد بالعالم  كيف ولا شئ بعد الاستقلال شغلوا عقلهم وقفوا التعليم رستكوا اوضاعهم وقفوا التعليم لمدة تلت سنوات عملوا منهج للتعليم بخوف قولك مين البلد الاول في الالكترونك وكمان بالالكترونك الحربي سنغافورة يعني مش قصة الاحتلال المهم نه نقول بدنا نعمل ونعمل اقتباس:
بكلمة وحدة بس وطنهم وحبهم لوطنهم بحركهم وبحرك ابوهم كمان اللي حرك الاجانب بحركهم اقتباس:
عنون حيجونا لو ما في احتلال كمان ولكم انته مستهنين في فلسطين طيب هلقيت تعالوا نحسبها طيب صح بدهم بترولهم يروح على اوروبا طيب خطوط الانابيب في فلسطين راح يجوا ومن شان الله طنيب على ولا ياكم بس محدش يلعب فيهم طيب بديش الانابيب تعالوا هلقيت البحر الاحمر احنا النا فية يعني اي شئ بدوا يدخل من الخليج لمصر بدنا نحكيلوا تعال يا حبيبي برضوا حيقعدوا معنا وحبيبك يا ئلائ بس خليهم يوافقوا طيب بديش فش مسحية في البلدان العربية في بدهم ينسقوا معنا علشان نخليهم يحجوا بالقدس يعني مسكينهم على الخناق يعني بدهم يحترمونا غصب عنهم كمان اخ بس تتحرر فلسطين ويخلوني اتحكم في المعابر غير ابسط اهل الخليج لفوق ما تتصوري اقتباس:
الله يخليكي والله موضوعك القلق وانا حبيتوا علشان بحكي عن حبيبتي فلسطين ملاحطة مدة كتابة الرد اكثر من نص ساعة يخرب بيت اهل اليهود عيوني صاروا يجعوني وانا ابحلق بالشاشة
_______________________________
.... بعرفش اوقع
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| أٌسر منها شاليط وقتل فوقها جندي خلال الحرب: الاحتلال يسحب الدبابة ’المنحوسة’ | عفرتو | نشرة الأخبار | 1 | 14-01-2010 08:38 PM |
| ماذا يوجد في قلب الرجل وماذا يوجد في قلب المرأة؟؟حابب تعرف ادخل هنا | كووول | استخف دمك | 4 | 18-06-2009 06:07 PM |
| مــاذا بعد الحرب على غزه... | نونـــ89ـــه | حبيبي يا حااااااج | 6 | 21-01-2009 07:51 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
