|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
11-10-2007, 12:39 AM
|
||||
|
||||
«®•°™ليش بنتعلم ..؟؟ ™°·•°®»
 مرحب يا حلوين كيفكم كل عام وانت بخير بمناسبة عيد الفطر خلينا نحكي بالموضوع اليوم وانا سرحان واقف على البلكون وبتأمل بالبحر  قعدت افكر ليش انا بدرس  طيب شو الهدف من الدراسة يؤ ليش اتعب حالي بالدراسة طيب اروح اشتغل وانهي الموضوع واجيب فلوس طيب هلاء بدرس وبتعب بالدراسة لكن لوين مهو اخريتي يا بطالة يا سواق فرشة بتحمل مشاكل وبتحمل كل شئ في سبيل اهتم بدراسي وقال ليش مستقبلي بدراستي  عن اي مستبقل بنحكي معقول بنحكي عن مستقبل البطالة ولا مستقبل اني اشتغل سواق على الخط لاء يمكن علشان يكون مستقبلي بداخل غرفة المهنة عاطل عن العمل بس  رجعت اتأمل بالبحر وافكر بس وانا بفكر تزكرت تزكرت حبيبتي اه ايوة حبيبتي حبيبتي وحبيبتك وحبيبة حبيبتك تزكرت فلسطين وقتها عرفت ليش انا بدرس وعرفت لو كل المجتمع صار عاطل عن العمل بس هالمجتمع متعلم اكيد راح يغير بيوم واكيد انه مش حيكون شوكة ضعيفة في حلق الصهيونة بالعكس بالعلم حنبني وحنعمر وحنصل لكل هدف رسمناه بالنهاية بحبك احكيلكم بالعلم وبالايمان بنقدر نغير ونحرر فلسطين وخلوا هدفنا بالعلم هو هدف تحدي تحدي للي تحدانا تحدي للعنصرية للصهيونة تحدي لكل عدو تحدي لكل خاين وخلينا نعيد امجادنا ونتزكر علماءنا ونتزكر اللي استشهدو في طلب العلم بشرى للمتلعمين فرسول صلى الله علية وسلم بشرنا انه اللي بموت في سبيل العلم فهو شهيد والله بشرى خلي هدفك بالعلم تخدم بلدك خلي هدفك تخدم دينك ونتزكر اول اية نزلت على سيدنا محمد أقرأ من خلال الموضوع حابب اسئلكم كام سؤال شو سبب اختيارك لتخصصك ؟ شو هدفك من تعليمك ؟ شو حابب تحقق من خلال تعليمك ؟ تقبلوا تحياتي اخوكم مستر قلقيشن
_______________________________
.... بعرفش اوقع  
|
|
#2
11-10-2007, 03:40 AM
|
||||
|
||||
 حبيت اقولك فري نااااااااايس توبك بس كده 
_______________________________
 فــديــت الــموت لــو يــدري بـحــال قـلبــي وضـعفــي عســاه بــس يـخـاويـني ومــن حــزنــي يـــــريــــحــنـــي
|
|
#3
11-10-2007, 04:17 AM
|
||||
|
||||
|
موضوع رائع قلقشين بالفعل تفكير قلقشين و دماريشن بس ماقلتلي اي بحر اللي كنت تتامل بيه؟  نرجع للموضوع صح لسانك على كل كلمة قلتها، و ام بقدر ازيد اي شي عليها انا اخترت تخصصي لاني بحبه من طفولتي و كنت ناوي اكون مهندس و الحمد لله انا كان ليا زمان قبل ما اتخرج اهداف من تعليمي هيا اني احقق شيء، و افيد البلد بشيء، و بنفس الوقت احاول ولو باي شي اني اغير شيء من واقعنا،احاول ان اخلق اي تغيير، و أن افيد غيري واستفيد،، لكن كل هالأحلام تجمدت امام صخرة تعنت غزة وواقعها و بالرغم من هيك ما يأست، شو بيها هسا انو ما في شغل، شو بيها لو كان ما حد مهتم لمصلحة بلدنا، انا و انتا و هوا و هيا ايدنا بايد بعض بنقدر نجمل عالمنا الخاص ،و نكون شرارة اول ثورة
_______________________________
 رحمك الله محمد و أسكنك فسيح جناته يا أبا عمر
|
|
#4
11-10-2007, 05:00 AM
|
||||
|
||||
|
اقتباس:
عشان تعرف كيف وقفة البلكونة أعطتك الإلهام المدفعي بتصوير وتصميم الشسمو اللي صار معاك  شو سبب اختيارك لتخصصك ؟ عشان بحب الكيميا والشسمو البيولوجي وهادا الاشي خلاني اختار تخصص الصيدلة ولإنو أهلي برضو كانو متحمسين لدخولي هيك تخصص وخصوصن إنو إلو مجالات كتير ممكن يبدع فيها وإله فرص كتير بالتعامل مع الناس ومعرفة أصنافهم وطباعهم سواء إشتغل بصيدلية أو بمستشفى أو بمصنع أو بشركة شو هدفك من تعليمك ؟ هدفي أول إشي أرضي ربنا وبعدين أرضي إمي وأبويا وأرضي نفسي بتحقق ذاتي وطموحي شو حابب تحقق من خلال تعليمك ؟ إني أكون واحد من الناس اللي أقدر من خلال تعلمي بالجامعه والمدرسة أعطي جزء من حق فلسطين علينا وإني أساعد كل محتاج لعلمي وأقدر إني أرسم الإبتسامه على وجهو موضوعك حلو كتير والكلام عليه كتير كتير وصعب أختصرو بهال3 أسئلةالمشكله إنه كتير من الشباب للأسف بيتعبو وبيدرسو عشان هدف واحد وهوا الحصول على الورقة اللي هيا الشهادة وبينسى الأيام اللي ضيعها من عمرو وهادا يمكن سببو عدم الإختيار لتخصص مناسب لطموحه وأهدافه أو إنه مش مدرك للمرحلة القادمة وفيه أكتر من سبب برضو بس بالنهايه لازم كل واحد يكون قدامه هدف ويحاول قدر الإمكان يحققه وأنا واحد من الناس اللي كنت مش مدرك بأهمية المرحلة الجايه بمستقبلي لكن الحمدلله انتبهت وقدرت إني أكمل مشواري وإن شاءالله أقدر أخلص الكم ساعه اللي ضايله عليا بخير وأحقق هدف من أهدافي وكل عام وانتا بخير قلقيشن وبهنيك على تفكيرك وروحك الوطنية الأصيلة وإختيارك لهيك موضوع وياريت شباب كتير يتأملو بنفسهم ومستقبلهم ومستقبل وطنهم معلش طولت عليك بس الموضوع مهم وممتع كتير وسلامو عليكو 
_______________________________
 الحياة جدل بين الذوق و .. التذوق . نيتشه
|
|
#5
11-10-2007, 09:38 AM
|
||||
|
||||
|
والله هلا قلقيشن موضوع رائع ومرتب ونادر ما يخطر على البال ...  يمكن احنا كفلسطينية تحديداً ولي عايشيين في الارض المحتلة وخاصة غزة كثير بدور في بالنا مثل هيك افكار يمكن لعدة اسباب ومن اهمها طوابير الخريجين وحملة الشهادات العليا الي اكلها العفن ... والبطالة اللعينة المتفشية في بلادنا جعل الكثير والكثير من شباب هالوطن يفكروا فيما تقول ... لماذا سهر الليالي وتعب الدراسة وتحمل مصاريفها واتعابها ... لنهاية مظلمة ولكن كما تفضلت فالعلم ضروري وهام في حياة الشعوب لاسترداد الحقوق ومنازلة الاعداء وبناء الوطن الجريح واستذكر في هذا المقام بيت " الشعر " العلم يبني بيوتاً لا عماد لها ..... والجهل يهدم بيت العز والكرم شو سبب اختيارك لتخصصك ؟ شو هدفك من تعليمك ؟ بصراحة ما شاهدته في بداية الانتفاضة من قتل وتدمير واعتقالات وظلم وقهر وألم كان له التأثير الاقوى عليا بأننا كيف وبايه وسيلة نفضح هؤلاء الصهاينة الكفرة وبتشجيع من بعض الاصداقاء درست صحافة واعلام لانه الوسيلة الوحيدة القادرين من خلالها فضح مماراسات اعدائنا اعداء الدين ونقل الصورة الحقيقية عن المعاناة والظلم الذي يتعرض له شعبنا الفلسطيني المنكوب فكان اختياري للتخصص بناءاً على موقف و ملائم لتحقيق اهدافي ورغباتي في هذا الموقف والحمد لله الله ولي التوفيق ________ شو حابب تحقق من تعليمك ؟؟ علماً انفع فيه نفسي واهلي وبلدي واحاول ان اغير للافضل والاصلح على الاقل لو في معيشتي وحياتي لتكون النظرة الاشمل فيما بعد لعشيرتي وابناء وطني ... وان اسطع في ميادين العالم بعلمي واسمي الفلسطيني لاكون محطة انظار من ظلمنا وتعدى علينا ليفهم لغة العلم وان المتعلم والمثقف هوا اول من يقاوم واخر من ينكسر . _______________________ تحياتي الك
_______________________________
 التعديل الأخير تم بواسطة : فهد غزة بتاريخ 11-10-2007 الساعة 09:41 AM.
|
|
#6
11-10-2007, 10:58 AM
|
||||
|
||||
|
موضوع مرتب وقلق زيك يا قلقيشن ..كل تفكيرك صحيح هوا كيف سابقنا الاحتلال غير بالعلم والدراسة والتفكير الصحيح.. المهم اكيد اذا الكل اهتم بالعلك بصورة صحيحة وفكر يفيد بلده ويعمل اشي لبلده بدك تكون منتصر على عدوك .. بالنسبة للأسئلة ... شو سبب اختيارك لتخصصك ؟ لاني بحب الحاسوب من وانا صغير شو هدفك من تعليمك ؟ إن شاء الله بقدر اعمل شي للبلد يفيدها وتستفيد منه ونفرجي العالم شو هو الفلسطيني بقدراته .. شو حابب تحقق من خلال تعليمك ؟ في كتير شغلات بس اهم شغلة هيا إنوا نقدر نطور البلد ونحسنها أكتر ونبين للعالم شو هيا حبيبتنا فلسطين ..يسلمو كمان مرة على الموضوع اللزيز زيك .. سلامي..
_______________________________
 إلى أين أنت ذاهب يا شعبي..!؟  عاشت فلسطين عربية  والشعب العربي بياكل ملوخية **** الكل مع فلسطين وأنت ؟     New ^_^ Generation    
|
|
#7
11-10-2007, 11:26 AM
|
||||
|
||||
|
مش مجاوبة ولا سؤال بس انا بدرس عشان بستمتع وانا بدرس يعني انا بالمدرسة بهمل مواد وبهتم بمواد تانية مش عشان اجيب علامات عالية عشان انا بحب ادرس بس وانت همتك معنا ادعيلي اجيب معدل السنة وبعدين بدخل جامعة وبجاوبك على الاسئلة مزبوط .gif "11nk(2)")
_______________________________
|
|
#8
11-10-2007, 11:34 AM
|
||||
|
||||
|
أول إشي يعطيك العافية قلقيشن على الموضوع الرائع .:. ليش احنا بنتعلم العلم عكس الجهل والمتعلم بيقدر ينفع حاله وأهله وبلده بيقدر يستوعب الحياة ويعرف يتعامل معها عكس الجاهل اللي ممكن إنه ينضحك عليه وتنسلب حقوقه منه بالعلم بنعرف شو واجباتنا وشو حقوقنا بالنسبة إلي أنا تخصصت في لغة بعرف انها رح بتفديني في كل وقت وكل مكان خاصة في عصرنا هادا بس بخصوص شغلي اشتغلت بشغلة أنا بحبها لأنه ما فيها نهايات ولا حدود ولا روتين اتعلمت عشان أنفع حالي وأنفع بلدي بحس مهما كان دورنا زغير في خدمة بلدنا بيضل في عينها هى كبير لأنه لكل واحد دوره مهما كان بالعلم أصلاً إحنا أقوى ومع العزيمة والإصرار بنقدر نساعد فلسطين تشوف النور ويتعرف عليها العالم وعلى أبناءها المؤمن القوي أحب إلى الله من المؤمن الضعيف والعلم نور و .. قوة بدي أشكرك مرة تانية قلقيشن على الطرح الحلو والنابع من القلب تحياتي
|
|
#9
11-10-2007, 11:48 AM
|
||||
|
||||
|
موضوعك راااااااااااااااائع وطريقة التعبير فيه كتير حلوة بهنيك عليه اما بالنسبة للموضوع خليني ابدالك اياه بمثال .. لو هلا جبتلك ختيار بروفسور في تخصصه واجيبلك ختيار تاني جاهل ما بيعرف يقرا ولا يكتب لما تشوف هالبروفسور .. رح تلاق عقلو لساتو كبير .. وفاهم الدنيا والي فيه وما بتحسو انو صار ختيار .. اما التاني فرح تلاقيه بدا يخرف .. ومش داري شو بصير بالدنيا .. وبتعرف عاد لما الختايرة يبدو يخرفو " الله بجيرنا منهم " لو لا العلم العالم كلو رح يتوقف .. وما رح يكون في شي اسمو نت ولا مقعد ومو مهم شو التخصص الي انت داخلو .. المهم كيف رح تبدع بهالتخصص وتطور فيه وكل واحد اصلا بتعلم وبدخل جامعة عشان يشتغل ويعيش فكيف بالله انت رح تشتغل بدون شهادة جامعية لا تقلي انو بلاقي شغل ..شو الشغل الي رح تلاقيه .. سواق تكسي ميكانيكي بصلح سيارات .. شو رح تشتغل ولما بدك تيجي تخطب وحدة اكيد ما رح يقبلو فيك لو كان معك مال الدنيا كلها لانو باختصار ما معك شهادة جامعية تثبت مستقبلك حكيت كتير بس بتمنى اكون وصلت المعلومة الي بدي اقلك عليها يسلمو لموضوعك سي يو
_______________________________
 BENT ELENTEFADA
|
|
#10
11-10-2007, 12:05 PM
|
||||
|
||||
|
اقتباس:
تسلمي والله انت النايس اقتباس:
 تسلم يا كبير والله القصة مش قصة تفكير بس مش عارف ليش صرت افكر هيك لحالي يمكن لانة الموضوع صادق وحقيقي طلع حلو بارك الله فيك اخي متمرد واكيد بالعلم والايمان بنقدر نغير وطز على المفلوس بدناش نشتغل بالعلم بس المهم يكون العلم براسنا ونقدر نستفيد منه ونخدم الدين والوطن والناس تسلم اخي متمرد على مرورك ومسمارك 
_______________________________
.... بعرفش اوقع
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
