|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
13-10-2007, 03:34 PM
|
||||
|
||||
{{ اهل زمان كان عندهم دين اكتر}}
  يسعد ايامكم  لاحظت انه في جملة كتير بتنحكى بحياتنا خصوصا اذا دخلت بنقاش لموضوع معين  او اذا انتقدت شغله صارت قدامك  بنسمع هالجمله {{ اهل زمان كان عندهم دين اكتر}}  بما انه كل شيء بنعمله بحياتنا بالاخر بخضع للدين فبتلاقي هالجملة بكل نقاش بصير تقريبا  يعني معقول احنا بالايام هاي ما عنا دين ؟؟؟  يعني معقول يكون سبب بعدنا عن الدين الانفتاح على الحضارات والانخراط فيها اكتر واكتر  وتقليدنا للغرب  مثال بسيط  بتلاقي صبيا بلبسوا حجاب وجلباب ومع هيك ما بصلوا وصبيايا بتلبس على الموضه وجينز وبلا حجاب ومع هيك بصلوا  ولما تنتقدهم بحكولك كل شيء حسابه لحال  وبتلاقي شيخ وبقضي وقته بالجامع  وبمعاملاتة الحياتية بحرف الدين لمصلحته  يعني بحرم على كيفه وبحلل على كيفه  وفي ناس بتكون لا بتصلي ولا بتصوم <<<<<<<صايعة يعني  ومع هيك عند الحق بتكون حقانية وبمشوا على الدين  ....بمعاملاتهم الحياتية قصدي .gif "11nk(2)") ما بدنا نخوض كتير بامور الدين هلا بنظرك وحسب تفاعلك بالمجتمع الناس بتبعد عن الدين ولا بتقرب منه ؟؟؟؟ وشو سبب ابتعاد الناس عن الدين ؟؟؟؟ وانت كشخص في مجتمع بتتفاعل معه بتلاقي حالك بتقرب ولا بتبعدعنه ؟؟؟؟؟ ودمتم  
_______________________________
ليس ذَنِبي/ أنَ اَلِعُقُول "صغِيرَة أَمَآم فَهِمِي " ..! وَليَس ذنبُهم/ أَن" فَهمِي صَعب" ..! كُل مَآ أدُركًه أنّ {"غــربة الــذات "} لَها َقنَآعَآتَهِا التي "لآتقِبَل" اَلِقسِمَه عَلَى 2 ..! وَلَآتقَبل "الْجَزَر وَالْمَدّ" ..! وَلآتقِبلَ أَن تَكون مُشَآبِهَة ل" قَنَآعَآت "الآخَرينَ ..! أنَآ مختلف..! طَبْعآَ لست لـِـ " اَلأَسِوَء"......؟؟؟ و َلربما لسِت لـِـ"الأفِضَل".....؟ ولكني اختلف.....؟  أبتسم أبتســآمة تكسر آلآبيض وآلآســود ..!
|
|
#2
13-10-2007, 09:24 PM
|
||||
|
||||
وعليكم السلام ورحمة الله وبركاته
إحم إحم أول إشي يا أحلى ميس أنا بدي أتصور جمب الصفحة  عنجد أبهرتني بتنسيقها الرائع والمرتب والله شكلها بيفتح النفس الواحد يفوت ويرد غصب عنه مع إنه مش بس هادا السبب اللي خلاني أفوت صفحتك وتاني إشي بدي أهنيكي على الطرح المميز وعلى الموضوع الرائع بتعرفي ؟ إجا ببالي كلام كتير أول ما قرأت الموضوع بعدين حاولت أقرؤه تاني عشان أعرف ألملم أفكاري لأنه عنجد هالشغلة أنا كتير بفكر فيها ولمن أسمع هالعبارة بأستفز كتير أهل زمان كان عندهم دين اكتـر هلأ أنا من هواياتي المحببة جداً لنفسي التأمل ولما اقعد أتأمل بخلق ربنا شو ما كان حتى لو كان نملة ماشية بحالها بتيجي ببالي قصة سيدنا إبراهيم عليه السلام وبفكر إنه عصرنا المدعو (عصر السرعة) .. فش فيه مجال أبداً إنه الإنسان يركن لنفسه وينفرد بالكون الواسع من حواليه كلنا بنجري وبنلهت .. بنجري وبنلهت فش وقت لأى إشي تاني عشان نلحق الركب ليفوتنا وهادا سبب مهم من أسباب ابتعاد الناس عن الله .. وعن تمسكهم بتعاليم دينهم انشغالهم بأمور حياتهم اللي وتيرتها بتتسارع يوم بعد يوم يعني بالعربي الناس ملهيين عن دينهم زمان .. مكنش في ستلايت ولا نت .. مكنش في تلفزيون بكل بيت هلأ في كمبيوتر بكل بيت والناس بتقضي 85% من وقتها قدام الأجهزة على اختلاف أنواعها التعقيد اللي صار بحياتنا خلانا بعدنا عن البساطة زمان كانت العلاقات الإنسانية هى الأهم هلأ احنا مرتبطين بالأجهزة أكتر من عائلاتنا شوفي باب الحارة .. إزا واحد غاب عن الصلاة البقية بتستفقده إزا واحد طلق مرته بيروح للشيخ بيستفتيه إزا حلف عليها يمين ما تدوس عتبة البيت بردو بيروح للشيخ هلأ الكل بيطلق 100 مرّة بالقعدة الوحدة وهو مش داري والكل بيحلف أيمانات لما يقول يا حالي وبيكمل يومه عادي زمان كان في إشي اسمه أخلاق قبل الدين .. هلأ وينها الأخلاق؟ بس عارفة ؟ لما تصير موجة كبيرة في أى بلد بتلاقي الناس بترجع للدين .. وهاى اسمها صحوة يعني الناس يا كلهم بيلتزموا بدينهم يا كل واحد من عنده في رأيي حالياً الناس بتقرب من الدين برغم كل شئ بدليل ازدياد عدد المسلمين في العالم بعد كل هالحروب اللي صارت وبالنسبة لي أنا شخصياً ما بدي أحكيلك إني متدينة .. أو يعني ملتزمة بتعاليم ديني كلها لكني بحاول .. بحاول ما أبعدش كتير عن ديني ولو بعدت بسرعة برجع متهيألي في عصرنا هادا احنا واقعين تحت ضغوط كبيرة بتسحبنا بعيد رغـم عنا واحنا مش داريين والله بس اللي بيـاخد بيدنـا لو تهنــا تحياتي ميس .. وأشكرك لأنك أتحتي لي الفرصة للتعبير عن رأيي في هالشغلة الهامة وإذا لقيت إنه لازم أرجع أعقب برجع إن شاء الله أتمنى إنك تتقبلي مروري وتسامحيني على طول الرد
|
|
#3
14-10-2007, 12:04 AM
|
||||
|
||||
انا اخالفك بالمقولة هاي جزئيا على مرور العصور تجد الناس يقتربون من الدين او يبتعدون عنه، حسب الظروف و بيئتهم المحيطة لو سال اي منا احد الكبار عن فترة السبعينات و الستينات لوجدت ان الناس كانوا بعيدين كل البعد عن الدين و الصلاة و الصوم، لا يعرفون حتى ابسط الفروض و الواجبات، لكنهم كانوا يتمتعون بالخلق و المعاملة الطيبة (( الدين المعاملة)) في عصرنا الحاضر هذا الناس اقرب الى الدين و الى الصلاة و الصوم ، و لكنهم ابعد كل البعدعن الاسلام بتصرفاتهم و افعالهم و اقوالهم، نصلي وعلى باب الجامع نضرب اونشتم اوحتى نبدأ بالنميمة قبل ان نخرج من الباب.. ما الفائدة ان نصلي ونصوم ولا نقوم بتطبيق تعليمات اللله و اوامره و نواهيه، ام اننا نفصل الدين و القرآن على حسب مزاجناو ما يخدم مصلحتنا؟؟ اي دين هذا و أي اسلام الذي حلل السرقة و نهب المال العام، و قتل المسلمين، اي دين الذي حلل تكفير الناس، او أصبحنا نكفر ونقتل على نياتنا فقط؟؟ انا الحمد لله بالفترة الاخيرة اقتربت اكثر من الدين و من الالتزام بكل التعليمات، لكني ارى في غزة انا الناس اصبحوا يكرهون او يتفادون حتى الذهاب الى المساجد
_______________________________
 رحمك الله محمد و أسكنك فسيح جناته يا أبا عمر
|
|
#4
14-10-2007, 12:27 AM
|
||||
|
||||
|
انا بشوف انو العبارة هي مش صحيحة لانو كل شخص مسؤول عن تصرفاتة الشخصية ( وكل نفس بما كسبت رهينة ) فالاية هنا وضحت قصدي فهو يعتقد ان تكنولوجيا وتطور وعولمة اثرت علي دين وشلت حركتة وانا برئي انو افادت الدين بنسبة اكتر واظن ارتفعت نسبة المسلمين في سنين القليلة الماضية بشكل ملحوظ 
_______________________________
 <<-------- --------->>لقد وقعنا في الفخ 
|
|
#5
14-10-2007, 02:14 AM
|
||||
|
||||
|
تحياتي الك ميس زمان كان الدين موجود اكتر بس هاد انو زمااااااااان و مع الوقت قل الدين و رد رجع زمان قصدي بأيام زمان (زي باب الحارة بهالسنين ) مع الوقت ( انو بالستينات و السبعينات ) و (رجع ) اللي هو متل بوقتنا هللأ الفرق لما يقولولك (هيك انا بفهم من كلامهم) من ناحية الاخلاق يعني صراحة شباب زمان كان عندهم ما بعرف ازا حيا اكتر او انو احسن بس انو الفكرة بالجو العام زمان كان في احترام اكتر والمعاملات احسن و الجو اكيد مو متل ايامنا هللأ بتحسيهم كلهم أهل المسيحي من المسلم من المدين .. العادي كلو بس هللأ زادت الوساخة و قلة الحيا و كل شي اختلف بس اكييييييييد المسلمين بازدياد و رح يضلو هيك و لو لقيتي كتير ناس عاطلة او نص نص زي ما زكرتي .. بتلاقي برضو الناس الملتزمة احكيلك شغلة انا صراحة و للأسف مو مدينة بحس حالي كتير انو مو ملتزمة مزبوط انا شخصيا عيلتي مدينة الحمدلله انو صارلهم شي أربع سنين خمسة و حتى اخوي شيخ و جد ماشاءالله عليه اخلاق و دين جد بس انا مو هالقد يعني ما ادينت مع أهلي و بعرف حالي كتيير مقصرة يعني لو لسمح الله فكرت انو ممكن اتعزب ع شغلة عملتها بعرف حالي بستاهل و انها حجة علي بس بالمقابل كل فترة برجع شوي انو و هيك و يا رب يهدينا كلنا لسا اليوم سمعت عن موت واحد بمدرستي عمرو 18 هيك شي هو و خاله اللي عمرو 27 و متلنا بيسمعو أغاني و كل شي ع حسب ما بعرف و انشاءالله لأ بس الفكرة زمان الاخلاق و الاحترام و الاخوة كانت اكتر اما هللأ غير و الوازع الديني بيختلف من حدا لحدا ع حسب الشخص تربايتو رغبتو الجو و البيئة الصحاب وازعو الديني و معرفتو بالدين شو هي تسلمي عالموضوع الحلو و جد سوري كتيييييييييييييير عالاطالة دايما هيك انا مو عارفة ليه  تحياتي الك ^_^
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم  * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
|
|
#6
14-10-2007, 05:11 PM
|
|||||||
|
|||||||
|
اقتباس:
تسلمي ساندي هاد من زوءقك  اقتباس:
بتحسسني انه ما عنا دين اقتباس:
فعلا متل ما حكيتي الناس ملتهيه عن دينها يا اما على التلفزيون ...او.... انترنت ...او.... سياحه وسفر .... بتصدي انه اهل البلد عنا كانوا يختصروا صلاه التراويح لحتى يلحقوا يحضروا باب الحارة ومتل ما حكيتي العلاقات العائليه بهالوقت صارت معدومه بحياتنا ما بدي احكيلك مثال خارجي انا مثلا اغلب وقت فراغي بس اخلص شغلي بقضيه على النت بتمر ايام بحس حالي ما قعدت مع اهلي وحكيت معهم بس هاد مو دائما بس غالبا يعني  علشان هيك قررت اخفف النت لانه حسيت حالي بعدتت كتير عن اهلي اقتباس:
والله لما احضر باب الحارة بتمنى يرجع فينا الزمن ونعيش متلهم بساطه ... وحب ... وصدق ... اشيا افتقدنها بحياتنا الدين هو اساس كل شيء بحياتنا هو الي بحدد اخلاقنا واذا الدين ضعف عنا اكيد اخلاقنا رح تضعف كمان اقتباس:
صح انه نسبة المسلمين في ازدياد بس بحس الناس عنا بصلوا كانه فرض عليهم وبدهم يخلصوا منه يعني مو بايمان وخشوع اقتباس:
ستي ربنا يهديكي ويهدينا معك اقتباس:
نورتي الصفحه كلها ساندي اسعدني ردك
_______________________________
ليس ذَنِبي/ أنَ اَلِعُقُول "صغِيرَة أَمَآم فَهِمِي " ..! وَليَس ذنبُهم/ أَن" فَهمِي صَعب" ..! كُل مَآ أدُركًه أنّ {"غــربة الــذات "} لَها َقنَآعَآتَهِا التي "لآتقِبَل" اَلِقسِمَه عَلَى 2 ..! وَلَآتقَبل "الْجَزَر وَالْمَدّ" ..! وَلآتقِبلَ أَن تَكون مُشَآبِهَة ل" قَنَآعَآت "الآخَرينَ ..! أنَآ مختلف..! طَبْعآَ لست لـِـ " اَلأَسِوَء"......؟؟؟ و َلربما لسِت لـِـ"الأفِضَل".....؟ ولكني اختلف.....؟ أبتسم أبتســآمة تكسر آلآبيض وآلآســود ..!
|
|
#7
15-10-2007, 12:27 AM
|
|||
|
|||
|
اليي بقولك زمان كانو مؤدبين تفي بخلقته :  كلهم سفلة وعيني عينك كانو 
_______________________________
بح بـــــــح بــــــــــــــــــــح خلصنـــــــــــــــــــــــــــــــــــــــأ أبو العصافير : دكطوراة في الكمبيوطر وأشباه الكمبيوطر 
|
|
#10
15-10-2007, 01:45 AM
|
||||
|
||||
|
اقتباس:
معك حق بكل كلمه حكيتها حتى بتلاقي اغلب الناس بتصلي بس لحتى الناس تحكي عنه بصلي وبروح الجامع ربنا يقربك منه كمان وكمان متمرد
_______________________________
ليس ذَنِبي/ أنَ اَلِعُقُول "صغِيرَة أَمَآم فَهِمِي " ..! وَليَس ذنبُهم/ أَن" فَهمِي صَعب" ..! كُل مَآ أدُركًه أنّ {"غــربة الــذات "} لَها َقنَآعَآتَهِا التي "لآتقِبَل" اَلِقسِمَه عَلَى 2 ..! وَلَآتقَبل "الْجَزَر وَالْمَدّ" ..! وَلآتقِبلَ أَن تَكون مُشَآبِهَة ل" قَنَآعَآت "الآخَرينَ ..! أنَآ مختلف..! طَبْعآَ لست لـِـ " اَلأَسِوَء"......؟؟؟ و َلربما لسِت لـِـ"الأفِضَل".....؟ ولكني اختلف.....؟ أبتسم أبتســآمة تكسر آلآبيض وآلآســود ..!
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| تعالو نرجع لزمان وايام زمان وخرريف زمان | زعيم المافيا | حبيبي يا حااااااج | 34 | 24-04-2010 02:23 AM |
| الى عندهم بيبي يفوتو | jena | حضـانــة الأطفال | 7 | 29-11-2008 07:27 PM |
| صور من أيام زمان ومن مسلسلات الكرتون تاعت زمان روعة تعال ومش رح تندم | علوى | صور يا مصوراتي .. وعلق يا معلقاتي | 6 | 02-08-2008 06:56 PM |
| تع شوف غزة عندهم | ابــ المخيم ــن | حبيبي يا حااااااج | 0 | 09-04-2006 03:57 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
