|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
| عرض نتائج الإستفتاء: إيش انتا شايف العيد حلو وممتع ولا ممل وبايخ | |||
| العيد حلو كتير كتير ض بينط من الفرحة |
  
|
14 | 41.18% |
| العيد بايخ وممل وزيو زي أي يوم ض معصب |
  
|
20 | 58.82% |
| المصوتون: 34. مصوتش هنا.. | |||
 |
|
|
أدوات الموضوع | طرق مشاهدة الموضوع |
|
#1
14-10-2007, 07:00 AM
|
||||
|
||||
هـل أعيــادنا صـارت ممـلـة ؟!
سلامو عليكوووو ياغزازوة  كل عام وإنتم بخير بمناسبه شهر الخير شهر رمضان الكريم  قصدي شسمو بمناسبة عيد الفطر المبارك أعاده الله علينا وعليكم بكل خير ومحبة وسعادة >>>طيب خش بالموضوع بكفي برم  الموضوع ومافيه إنه صرنا كتير نحكي ونسمع ليش هالعيد ممل وغبي ليش أعياد زمان أحلى ليش زمان كان العيد إلو طعم وبأي حال عدت ياعيــد وإلخ إلخ من المقولات اللي درجت على لسان كتير من الناس وعلى ألسـنـتـنـا كمان فيه ناس بيحكو لانه النفوس تغيرت والناس تغيرت وفيه ناس بتكابر وفيه ناس بتحكي عيد ولا مش عيد نفس الاشي وفيه ناس بتقول إنه السبب الغربة وفيه بعض الناس بيحكو إنه العيد للزغار مش إلنا ويعني تعددت الاسباب والشسمو واحد  يعني بتزكر زمان أيام الملك فاروق  كان الواحد يتحمس للعيد وينزل يشتري أواعي جديدة وألعاب جديدة حتى الملابس الداخلية طبعن مش معناته إنه هالعيد بالنسبالي كان نكد بالعكس يمكن العيد بغزة إله طعم نوعا ما عشان الأرحام والاصحاب والجمعه أكيد حلوة وبتخلي للحياة طعم بس برضو بتحس كأنو فيه إشي ناقص وحسيته عادي وفش إشي جديد حتى الناس بتلاقيها متغيرة ومش مبسوطه طبعن هادا تشخيصي وتحليلي الشخصي ويمكن أكون غلطان يعني أنا شايف أكتر فئة بتنبسط بالعيد وبتستنى جيته بالساعه والدقيزة والسواني الأطفال حتى الواحد شويا وإلو خاطر ينزل يلعب معهم أستغماية أو يلعب بالطراطيع والصواريخ زي زمان يعني الواحد بيشتاق للطفولة بس المهم نعرف السبب اللي خلانا مانحس بطعم وبهجة ورونق العيد (بس كيف وأنا بقول كلمة رونق ) ولا هوا زي مابقولو كتير من الناس إنه العيد للزغار مع إنه حتى الزغار بتحس إنه فيه إشي ناقصهم طبعا بغض النظر عن الأسباب السياسية والمالية والأمنية بتسمع إنه الناس اللي خارج القطاع او خارج فلسطين بيحكو العيد صار ممل وبايخ ومش بالضرورة الفلسطينين اللي بالخارج حتى الجنسيات الأخرى بتلاقي عندهم نفس العاهة يعني هالاشي مش مقتصر على غزةالسؤال اللي بـيبطح نفسه هل أعيــادنــا صــارت مملــلة أم لا؟! ولو كــانــت ممـلـة ليــش أعيــادنــا صــارت ممــلة؟! هل هو الروتين أو العمر أو العامل الإقتصادي أو السياسي هي الأسباب اللي جعلت العيد زيو زي أي يوم عادي وهل فيه برأيكم أسباب تانية لهالمشكلة يعني زي القطايف وزي مسلسلات رمضان مسلا ؟!ومين الناس أو شو الأشياء اللي إنتم مستفقدينها أو الموجودة وبتحسسكم بطعم وفرحة العيد الحقيقية؟! وشو الحل برأيكم للتغلب على الاسباب اللي غيرت فرحة العيد ؟! بالنهاية سامحوني على شسمو ضعف تنسيقي وتزبيطي للموضوع من ناحية الافكار او الطرح وكل عام وإنتم بخير   بدي قطايف
_______________________________
 الحياة جدل بين الذوق و .. التذوق . نيتشه التعديل الأخير تم بواسطة : خنفشاري بتاريخ 14-10-2007 الساعة 07:08 AM. 
|
|
#2
14-10-2007, 07:14 AM
|
||||
|
||||
و انا صغير كنت احس بروعة و رونق العيد( سرقت رونق منك)، كنت احس بالبهجة و الفرحة تغمرني الان لا أجد اي فرق سوى انني ارى جميع من احب في يوم واحد، و هذا لوحده يكفيني حتى لو كان لدقائق معدودة بالنسبة لغزة هذا العيد لم احس باي طعم او لون او رائحة نتيجة للظروف المهببة بستين نيلة و الظلم و الاستبداد اللي موجود حتى تعرف شيء اصبحت اشعر انو حتى صلة الرحم و الزيارات اصبحت واجب ثقيل على بعض الناس، و ما يصدقون ان ينتهوا منها لوعندي حل او عارف السبب كانن..
_______________________________
 رحمك الله محمد و أسكنك فسيح جناته يا أبا عمر
|
|
#3
14-10-2007, 07:48 AM
|
||||
|
||||
|
صباح العسل يا خنفوشي  هيني قاعد بسمع منك يا كبير إنو العيد قد أتى بديش أعطعميك قطايف بدي أعيدك  هلقيت أنا عمري 19 و على حيطان ال 20 بنفعش لا أتعيد ولا أتمرجح ولا أشتري نضارة سودا ولا مسدس دمدم أصلا بطلت أحب العيد عشان العيدية سارت عندي ماينوس بس والله هالأطفال بستنو العيد ييجي من السنة للسنة بتجمعو مع بعض وبلعبو وبتعيدو وبلبسوا و ما في زعل بكون بالعيد >> إلا لما حد ياخد دور حد تاني بالمرجيحة وبالنسبة للاجتماعيات بالعيد والتواصل بين الناس فالكل بروح يزور أقرب الناس إله ونسايبه و بعيد عليهم ولما واحد يعيد أخته خمسين ولا عشرين شيكل القصة مش قصة مصاري .. بس قصة قديش هو بحبها ومفتكرها و مش منكن يقطعها بس والله هالأيام حاسس الناس بطلت تحب بعض زي أول .gif "11nk(2)") والسبب أكيد عندك  الله ياخد اللي كان السبب و الحق بالأخير على السواق >> الحق على حسان و فهمي يا خنفوش السؤال اللي بـيبطح نفسه هل أعيــادنــا صــارت مملــلة أم لا؟! بقدر أحكي اه مملة بس بالنسبة اللي كشب أما البنات والصبايا اللي بتعيدو ليش ممل و نفس الوضع عالأطفال لأ مش ممل ولو كــانــت ممـلـة ليــش أعيــادنــا صــارت ممــلة؟! هيك الوضع العام بغزة عالأقل .. أما أخويا بحكيلي بمصر أحلا عيد وما بنامو للصبح إنت شايف لا معبر ولا شغل ولا مصاري ولا حركة >> مع انو السوق ما سكر بالمرة بالعربي غزة بطلت أطيقها خدني معك عالإمارات يا ميدو و زي ما حكيت الحق عالقطايف كل يا خنفوش من قطايف أبو العوف أم طبقة إتنين سانتي عالقطر ومين الناس أو شو الأشياء اللي إنتم مستفقدينها أو الموجودة وبتحسسكم بطعم وفرحة العيد الحقيقية؟! بكفي النت هو أحلا شي بالعيد و يمكن قضيت العيد مع صحابي عالنت أكتر تعون الحكيكة زهقتهم >> قال اتصلو فيا بحكولي امشي عالجندي والروتس وشو الحل برأيكم للتغلب على الاسباب اللي غيرت فرحة العيد ؟! الأسباب تبدا أولا من تصالح فتح وحماس ورجوع الناس تحب الناس متل بعض تصدق إنو سمعت في ناس بطلت تزور ناس متعودة كل سنة تزورها عشان هادا فتحاوي وهادا حمساوي يعني من قلة كرهت غزة أنا >> بدي أبدا رحلة البحث عن مأوى جديد بالنهاية سامحوني على شسمو ضعف تنسيقي وتزبيطي للموضوع من ناحية الافكار او الطرح أنا مش مسامحك  ههههههههههههههههههههههههههههههههه أحلا خنفشاري .. كل سنة وإنت سالم يا كبير  رايح أكمل نوم 
_______________________________
 Mr.BoOMbaStiC! StaTUs jUST likE a tURtlE CrAWlinG ouT oF my Fucking ShelL
|
|
#4
14-10-2007, 08:12 AM
|
||||
|
||||
|
اول شي كل عام والكل بخير طبعا انا مع انو العيد حلو وببعث البهجه والسرور والمفروض زي ما الغرب بتنبسط باعيادهم زي الكرسمس والاعياد تبعتهم احنا المفروض نبسط ونفرح لانهم من عند الله يعني يكفي لمت العيله والانبساط والمسامحه والي بتكون في العيد وبتلمو الحبايب وبسير في سعاده وفرح والكل مروق صحيح انو الواحد اشوي بتنكد لانو مو كل اهلو معيدين معو بس اكيد انا بحمد ربي على نعمت العيد
_______________________________
 يـْا حَ’ـلِمْ « ● وٍينْ ( آلمُشكِلَهْ ) لُوٍ تِحَ’ـقَقَتْ [ ؟ ] 
|
|
#5
14-10-2007, 08:23 AM
|
|||
|
|||
اولا صباحو الخير..
.. ثاليا ^_^هل أعيــادنــا صــارت مملــلة أم لا؟!نعم مملة جدا ولو كــانــت ممـلـةليــش أعيــادنــا صــارت ممــلة؟عشان انا مش بغزة بشوف قرايبي وازورهم واتوانس معاهم .. ثالثا شكرا عطرح الموضوع لاني كنت ناوية انزله ^^
|
|
#6
14-10-2007, 01:57 PM
|
||||
|
||||
وعليكوم السلام
مكـ طـر بـرمـك  أول إشي وانت بألف خير يارب وينعاد عليك بالصحة والعافية لمن شفت موضوعك صرت أحك زي أبو غالب لأنه كتير صرنا نحكي إنه العيد ممل وكتير بنقول العيد زمان كان أحلى وكل إشي زمان كان أحلى وأنا بحبش هيك  إيش يعني نروح نطخ حالنا عشان العيد مش حلو ولا نسافر في آلة الزمن لـ100 سنة لورا ؟؟<< هاى لورا يعني للوراء مش لورا تبعت فلورا أنا صوتت للضاض اللي بيتسعدن جكارة في اللي بيقولوا العيد ممل هو طبعن العيد معروف إنه أحلى كتير واحنا زغار لأنه اصلاً بنكونش فاهمين ايش يعني وضع سياسي واقتصادي وشسمو لا بنعرف شو يعني فتح ولا شو يعني حماس وليش فش مصاري وليش الناس مش مبسوطة احنا بس بدنا نروح عالسوق ونشتري أواعي العيد  ويوم العيد الصبح بنصحى وبنشخص وبدنا العيدية عشان نروح عالعيد  هادا واحنا زغار وكل ما بنكير بنفهم انه العيد مش بس مراجيح وعيدية وشوكلاتة وكعك وطول نهارنا برة البيت  وكل ما ييجي علينا حدا كأنه عمره ما شافنا ايش هالحلاوة وايش هالاواعي الحلوين وهاتك يا شسمو .. وبعدين بنتعيد ويدوب نروّح المغرب مهلوكين من التعب وبنسحبها نومة طويلة لغاية اليوم اللي بعدو وهكزا دواليب بس واحنا كبار .. كل اشي بتغير بتصير اهتماماتنا نفسها غير من الآخر أنا .. بحب التحضيرات للإشي دايماً لأنها معظم المرات بتكون أحلى من وقوع الحدث نفسه يعني أنا بحب التجهيزات تبعت العيد تنضيف البيت والأواعي الجداد وتحضير كل اشي لاستقبال الضيوف لأنه هادا هو العيد وبعد ما يخلص أول يوم في العيد بيصير كل إشي عادي بس أحلى إشي بيكون انه أنا في إجازة من شغلي بصحى وقت ما بدي وبنام وقت ما بدي وزي ما حكى متمرد أحلى إشي اني بشوف أحبابي كلهم في يوم واحد وشو بدي أحسن من هيك عموماً كل واحد بينظر للعيد بنظرته الخاصة وانا بشوفه حلو مكفي انه للصائم فرحتان والعيد وحدة منها  بس على فكرة يعني موضـوعك إلـه رونق غير شكل .. منـور يا خنفوش تحياتي
|
|
#7
14-10-2007, 02:03 PM
|
||||
|
||||
|
صلي على النبي يا كبير موضوعك على الجرح يا كبير بس العيد يا كبير لازم نفرح فية لانه اسمه عيد بس شو نعمل نفسيتنا تعبانة يمكن وضعنا اثر فينا بس غلط ومليون غلط لازم نفرح وانعيش نطلع وانعيش العيد نعطف على الطفل نتزكر بس الافراح بالعيد بالاخر بشكرك يا خنفشاري على هالموضوع القلق 
_______________________________
.... بعرفش اوقع 
|
|
#8
14-10-2007, 02:50 PM
|
||||
|
||||
|
شكرا عالموضوع,,,,,,,المظبط
انت عارف....العيد عيد بيتغيرش بس الناس وحال الناس هو اللي تغير الناس تعبت وقرفت و..... عشان هيك لا صار رمضان رمضان... ولا حتي العيد عيد,,,, مره تانيه......شكرا يخال
_______________________________
. . 
|
|
#9
14-10-2007, 03:23 PM
|
||||
|
||||
|
سلامو عليكو والله يا خالي أنا عامل بقولة انو العيد لصحـابو أنا من ناحيتي ماليش دخل  هزا أولا أما سانيا أنا بنبسط في العيد بس عشانو اجازة مش أكتر و هو ممل زي اي يوم من أيام غزة ..!  سالسا لو عرفت انو الدوام بكرة في الجامعة الزفتية بالله ما بتتنكد..؟! لا و غير هيك الواحد الي زي حالاتي بدي أروح و متوقع اخد كويز يعني الله ما قالها هاي بكفي هيك بلاش زيادة نكد مولاحزة أخيرة : يا رماد القمر لسة جو رمضان موجود و السرقة حرام 
_______________________________
. . .. . . ..  .
التعديل الأخير تم بواسطة : hamhody بتاريخ 14-10-2007 الساعة 03:27 PM.
|
|
#10
14-10-2007, 03:36 PM
|
||||
|
||||
|
شايف من حلاوة العيد هيني قاعد على النت وشو بدك أحلى من هيك والمشكلة إنو لأنو عشنو مشنو كأنو شسمو أنا مشقادر أقدر أستيطع أستوعب أفهم شو إلي بيحبب لصغار الأطافيل بهالعيد  ربما لأنو تفكيرهم مادي أو ربما لأنهم أغبيا  ولمذا لسنا نحن بالأغبياء لأنننا لا نفهم روعة العيد أول ربما تفكيرنا إحنا المادي لأنو مفلسين هذهي الأسئلة وغيرها را إناقشها في برنامج السنفشير المشالكس >>>>>  <<<<<شوفوا هالغبي حكينا نشوف مش نقرأ هوة برنامج ولا موضوع بجريدة صحيح غبي
_______________________________
  
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| صوت صفارة الانذار | نونو1977 | بسطة الجوال | 2 | 10-12-2009 04:56 PM |
| سعودي يقتحم سفارة بلادة بدبي لطلب الزواج من حليمة بولند | رضاكــ ياربــ.. | نشرة الأخبار | 20 | 23-02-2009 10:00 AM |
| فتح سفارة فى دبى واليمن | hally | حبيبي يا حااااااج | 5 | 28-08-2006 04:50 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
