السلام عليكم ورحمه الله وبركاته ..

يديكو العافيه يا حلوين منورين المنطقة كلها ..

طبعاَ بما انو الواحد قاعد وزهقان وقرفان ومش عارف شو يعمل , فقلت بدل ما انا قاعد هيك زي العواطلية خليني اشتغل ف اشي , فقلت خلينا نعمل شرح خلي الشباب تتعلم كيف تعمل موقع , وحاولت من الشرح هادا بقدر الإمكان اني اصور الصورة العامة بطريقة مختصرة ومفصلة بنفس الوقت انك توخد فكرة عامة عن المواقع وكيف تعمل موقعـك , بكل سهولة وبدون غلبة وطولة بال ..

ف البداية بلزمك تلات برامج ..
وإلي هـيا ..

1) Adobe Photoshop , آي اصدار منـه بمشي الحال .. وهـاي اخر نسخه من موضع اخونا حوسو الدقن ..
2) Microsoft Expression Web , البرنامج الأكتر من رهيب الي نزلتو شركة ميكروسوفت لتصميم المواقع , والتحكم ف الصفحات واضافة عليها الأكواد ورفعها ع النت .. والبرنامج هادا بديل عن برنامج FrontPage .. وللأسف النسخه جديدة اصدار سنة 2007 نزلت مع نسخه الأوفس لسنة 2007 ,ولسا ما الها تعـريب ..
3) WS_FTP Pro , برنامج لرفع الملفات ع النت بطريقة سهلة وسريعه ..

وهـي الروابط الخاصة بالبرامج ..

1) Adobe Photoshop CS3
2) Microsoft Expression Web 2007 .. السيريال: [FONT='Arial','sans-serif']DDWJC-VFGHJ-7GFK6-9QK3D-PFTHW[/font]
SW_FTP 9 (3 , بتفوت ع الصفحة وبعدين بتحط ايميلك وبتختار المنطقة الي انت فيها وبتنزلو ..

وهلقيت خلينا نشوف الشرح بالصور وتابع معاه التعليق تحت الصور علشان الصور مش كبيرة لدرجة اني احط كل شي فيها ..
خلينا نبدا في برنامج ال Adobe Photosop ..
عشان تعمل موقعك , ف البداية لازم او مش لازم يعني تستخدم البرنامج هااد , بس البرنامج هاد من افضل البرنامج زي ما انتو عارفين للأمور هاد وبتقدر عن طريق هالبرنامج انك تعمل موقعـك الشخصي والبسيط يعني ع قد شلتك وصحابك ..



هلقيت الصورة الي فوق هاد زي ما انتو شايفين مش كتير يعني تصميم حلو , بس اشي ع الماشي يأدي الغرض علشان الشرح يعني شغل 5 دقايق .. المهم انت بتعمل التصميم الي بدك ايه ويكون مناسب الك ..




بعد ما تخلص من التصميم بتيجي ع الاداه هاد ف الأدوات علشان تقطع الصور , وما يكونو صورة وحدة وتكون تقيلة وتقدر تتحكم ف الصور ..



وزي ما انتو شايفين قطعت الصورة وهيك صارت جاهزة ..
التقطيع اشي سهل مش مستاهل شرح او اشي , بعد ما تكبس ع الادات بتيجي ع التصميم وبتعمل مربعات صغيرة وكبير او بالحجم الي بدك اياه ..
وفي شغلات لازم تعمل ع قدها مربعات ..
يعني زي كلمة Home أو About me أو Links .. او ازا بدك تعمل رابط لأي صورة معينة لازم تحددة وتعمل الها مربع لحالها , لقدام راح تعرف لأيش ..



وبعد ما تخلص , بتروح علي File زي ما انت شايف .. وبتروح ع Save for Web & .. علشان تحفظ التصميم كأنو صفحة نت ...



بعد هيك راح يجيب لك هاد المربع لكبير زي ما انتو شايفين ههههه , بتقدر تشوف المربعات لو بدك تغير فيها اشي او تشيك عليهم .. وف النهاية بتضغط ع Save علشان تحفظ الأشي ..




بعدين بتروح تشوف المكان الي بدك تحفظ فيه الإشي , ولاحظ اسم الملف index ..




بعدين بتروح ع الملف مطرح ما حفظت الاشي .. بتلاقيه مرمي ملفيت واحد عبارة عن صفحة نت , والتاني الي بكون فيه الصور مقطعه وجاهزة ..



ولو فتحنا الصفحة زي ما انتو شايفين بتلاقوها جاهزة بس بدها رفع ع النت , ولازمها شوية تعديل ع عن طريق برنامج تاني .. هلقيت احنا خلصنا من الفوتوشوب ..


هلقيت نروح ع برنامج Microsoft Expression Web .. علشان نعدل ع الصفحة ..




زي ما انتو شايفين صورة البرنامج متل ما انتو شايفين ...



طبعن بتروح تفتح الملف تبعك زي ما انت شايف من ملف , فتـح , وبتحدد مكان الملف الي هوا index بجيبلك اياه بالنص زي بالصورة الأولي ..



بعد ما يفتح البرنامج بتضط بالزر اليمين بالماوس , بجيب لك القائمة هاد , بتختار منها اخر خيار الي هوا خصائص الصفحة , وبعد هيك بجيب لك قوائم خلينا نشوف شو بنقدر نعمل منها ..



هي القائمة ..
1) هدا عنوان الصفحة بتقدر تحطو زي مابدك طبعن ..
2) وصف للصفحة ..
3) كلمات ادل ع الموقع تبعـك ..
4) تحديد الصفحة, تكون من لشمال لليمين ولا بالعكس ..
5) لو بدك تحط اغنيه ف الموقع ف الصفحة الرئيسية من هدا الخيار بتقدر تحطها ..



Backgeound Picture حط عليها صح , في حال انك بدك تحط خلفية للصفحة ..
والألوان هاد ..
1) Background , هاد لون الخلفية.
2) Text , لون النص .
3) Hyper Link , هادا لون الارتباط التشعبي , يعني كلمة او جملة بنغط عليها وبتنقل الزائر لصفحة تانية ..
والباقين تابعين لل hyperlink .. يعني الرابط الي تم زيارتو , الرابط الي ما حدا ضغط عليه والرابط الفعال ..الخ
العب فيهم لو بدك , بس خليهم زي ما هما افضل ..




هلقيت كلمة Home عبارة عن صورة , طبعن عملناها ف الفوتشوب , وعملناها صورة لحالها ومربع ع قدها , علشان نيجي هان ونعمل الها رابط تشعبي ..
زي ماانتو شايفين كليك يمين بالماوس , وبتختار ارتباط تشعبي اخر اشي زي ماهوا مبين بالصورة .. وبدنا نعمل الها ارتباط تشعبي علشان لما حدا يضغط عليها بنقلو ع صفحة Home..
وكزالك الحال مع الباقين ..




بعد ما تضغط ع كلمة ارتباط تشعبي زي ما هوا مبين بالصورة الي قبل هاد..
ف هاد الصورة بنحط عنوان الرابط ف المكان المخصص الو والإشي واضح ض3




وهاد زي الي قبلها بس طبعن انتبه للرابط الي حاطينو ف المربع مش زي الي فوق, لأنو طبعن هاد لصفحة تانية ..



هلقيت بنقدر نقول خلصنا وتعال نعمل حفظ ..


هلقيت بدنا ننتقل ع البرنامج الإخير الي هوا WS_FTP , الي برفع الملفات ع النت .. علشان نرفع الملفات ع النت ..



البرنامج اول مايفتح راح يطلب منك تعمل next وكلام من هاد .. اعمل Cancel ..
وبتلاقي ف البرنامج زي الصورة الي فوق هـاد ..
1) اسم الموقع بتحطه وحط قبله ftp.. زي م اهوا مبين عندكم ..
2) اليوزر تبع ال FTP ..
3) الباسورد ..
4) اكبس ع قو , علشان يشبك ع الموقع , او اديلو واحد انتر ..





هلقيت بتروح تعمل مجلد اسمو Images .. وبتفوت عليه وبتحدد كل الصور وبتحطها جوا الملف هادا .. زي ما انت شايف ..
وتحت مبين عندك , مبين الك الوقت وسرعة التحميل , وقديش ضايلك وقت ..



وهلقيت بننقل الملف الأخير الي هوا index وطريقة نقله سهلة ومبينة ..
وملاحظة الملف هادا ما بتنقل عند الصور بتحطه برا جنب المجلد تبع الصور مش داخلة ض3 ..

وبعد هيك بتروح ع موقعـك بتلاقيه جاهـز ..

يعني فوت ع الموقع هادا ..

http://gazasoft.net/

راح تشوف كيف الوضع صار ض3

وملاحظة الموقع مش للدعاية

هادا موقع شخصي بشتغل فيه وبدرب عليه وجرب فيه شغلات
يعني ميروحش فكركو لبعيـد

وف النهاية انا حبيت اوصل فكرة لأي واحد ما عندو فكرة عن الأمور هاد ..
وان شاء الله اتكون وصلت الفكرة, والي ما بعرف شي عن هالأمور هاد يصير بعرف وعنده خلفية ..
وطبعن هادا مش بالإشي لكبير يعني , بس اشي منو كبداية ..
وان شاء الله لو ربنا وفقنا ومن كتر منا ببعبش , ان شاء الله راح اجيب الكو شغلات تانية ونخليكو تستفيدو ..

واي خدمة بخصوص هـيك امور او اي استفسار انا جـاهـز ..

يسلمو يا فاشل ع الشرح الحلو والي أكتر من رائع ...
يعطيك العافية ... ويسعدني اكون أول من رد عليك ..
حبيبي يا حج

المشاركة الأصلية كتبت بواسطة مستند نص يسلمو يا فاشل ع الشرح الحلو والي أكتر من رائع ... يعطيك العافية ... ويسعدني اكون أول من رد عليك .. حبيبي يا حج

المشاركة الأصلية كتبت بواسطة ^سينجي^ كلامك كلو مش داخل جيبتي بنص شيكل مش مشكور

حريقه يا مان
يسلمو اديك يا عسل

والله شرح وافي
يعطيك ربي العافيه

شانك يو

------------==>>
Abro