•*• الثلــــوج تغطي رام اللــــه .. صـــــور بكاميرتي !! •*•

مرحبا مرحبا ..

اهلين اهلين ..

هههههههههه .. داخل عليكو حامي ..

على هوى البرد ..

المهم يا حلويـــــــــن .. هادا انا صورت اكم من صورة .. للتلج اللي غطى تقريبا كل مناطق رام الله .. وكل شبر فيها ..


فحابب تشوفوهم وتقولولي رايكم ..

في رام الله .. وفي تصويري .. وفي التلج ..


.. نبدأ الموضــــــــــــــــــــوع ..
____________________________________________________________



الصورة هادي كبستها وانا في السيــــــارة .. كيف اجت بالحلاوة هادي .. لا انا عارف ولا حد عارف .. هههههههههه

____________________




الصورة التانية هادي .. كبستها وانا بالسيارة كمان .. بس كانت واقفة السيارة طبعا عشان هيك اجت كويسة .. المهم زي ما انتو شايفين .. الجرافات والعدة والشباب بشتغلوا وبيحاولوا يأمنوا عيشة أفضل للبني آدمين .. .. وبيزبطوا بالشوارع وبيقيموا بالتلج عشان السيارات تعرف تمشي ..

____________________




هادي كمان برضو خلعتها واحنا ماشيين بالسيــــــــــارة .. حتى لما صورتها .. خفت ابو الشباب يديرلي ضهرو يجبدلي شخرة غزاوية .. ههههههههههه .. بس تزكرت اني برام الله ..

____________________




زي ما انتو شايفين .. هداك مبنى الاتصالات الفلسطينية .. الصورة هادي صورتها وانا بالسيارة كمان .. اجت مايلة شوي .. بس حلوة ..

____________________




هادي كمان صورتها والسيارة ماشية .. طبعا بعد هادا الشارع .. بتيجي منطقة اسمها المصيون .. زي الرمال في غزة .. كلها فلل ومنطقة آخر روقان ..

____________________




نزلت عند صاحبي اشوف ايش نظامه في هاليوم .. واسحبه معنا في السيارة ونروح نلفلف .. فكبست هادي الصورة في مدخل بيتهم ..

____________________




هادي الصورة قبال بيت صاحبي .. اللي كنت بدي اخدو معي في السيارة .. ولكو صاحبي .. ايش نسيتووه ؟ هههههه

____________________




طلع بالسيارة .. واقترح علينا نروح عالبلد نشوف كيف الوضع هناك .. لقدام شوي من الصورة .. بيجي دوار الساعة .. ولجوا اكتر بيجي شارع ركب ( شارع الحبــّــيبة .. )

طبعا انا 24 ساعة مداوم في هالشارع .. هههههههههههه

____________________




نزلنا من السيارة نكبس اكم من صورة ونميل على السوبر ماركيت ونتبضع شوي ..
فشفت الشجرة هادي من برا وعجبني التلج اللي عليها .. فقررت اتشعلق من السور وادخل جوا البيت .. واكبس هالصورة واجي شارد ..
وتمت العملية بنجاح .. من غير اي عملية اعتقال ..

____________________




رجعنا على البلد (دوار المنارة ) لفلفنا شوي .. وكنا بدنا نشتري خبز من المخبز .. للأسف كل المخابز كانت مسكرة .. وكلو كان لابد تحت الحرام ..

____________________




كملنا طشتنا وضلينا نلفلف بهالشوارع ونشوف الناس وهم بلعبوا بالتلج .. ونلعب معهم شوي ..

لفتت انتباهي هادي السيارة .. واللي حالها زي حال نص سيارات رام الله ههههههه .. نزلت كبستها صورة وقررت اضلني في المنطقة شوي واصور اكبر عدد ممكن من الصور ..

____________________




بعد هيك رحنا على منطقة اسمها عين مصباح كنا معزومين هناك عالغدا .. قريبة من المقاطعة .. من هديك المنطقة بتبين جبال رام الله تقريباً .. وهناك صورت هادي الصورة ..

____________________




خلصنا الغدا وشربنا العصير واكلنا الحلويات وكل الامور عال العال .. قررنا نلفلف شوي بعدين نروح .. واحنا بنلفلف .. شفت مجموعة صبيان وبنات لابسين لبس العيد .. هههههه .. قصدي لبس التلج .. وقررو يبدو رحلة سفاري مرتبة في المنطقة

سبتهم يدخلوا لجوا شوي .. ورحت خالعهم صورة من الباكجراوند ..

____________________




هادي صورة احد الشوارع واحنا بنلفلف ..

____________________




اقترحت على صاحبي ننزل على محل اواعي .. عشان نشتري لفحات وشوية مستلزمات تدفئة ههههههههه .. بعد ما خلصنا .. صورت الصورة هادي في الشارع اللي في المحل .. لقدام شوي من الشارع .. كان فيه سيارات مغرزة .. ومش عارفة تمشي من التلج ..

____________________




خلصنا من محل الاواعي وطلعنا .. واحنا ماشيين بالسيارة لفتني هادا المنظر الرهيب .. بصراحة ما قدرتش غير اني اصورو من جوا السيارة .. ضربنا بريـــــــك .. وسبنا 100 سيارة ورانا تزمر وتغوش .. وكبست الصورة هادي عالسريع وانا قاعد .. (( بالسيارة ))

هههههههههههههههه

____________________




واحنا ماشيين بأمان الله .. شفت شب قاعد بتفنن في SnowMan .. وبشتغل فيه بدقة .. قررت انزل من السيارة واتعرف عليه .. واصور الابداع اللي عمله .. وزي ما انتو شايفين .. حاجة حلوة عامل ..

____________________




هادي الصورة برضو صورتها وانا بلفلف .. وزي ما انتو شايفين .. كلو مستنفر عالسطح .. وبيتفرج وبتصور ..

____________________




صورة ثلوج بتغطي الشوارع وابواب المحلات .. والعالم مش عارفة تتحرك .. بس والله حلو ..

____________________




قررت انو بكفي لفلفة .. وروحت صاحبي ع بيته .. وكلو تمام ..

وقريب من البيت شفنا الفيلا هاي وهي مغطية بالتلج .. فقررت اكبسها صورة ..

____________________




مجرد ما وصلنا البيت .. بدا التلج ينزل واكتر من اول .. وهاي صورة للتلج وهو بينزل .. صورتها من غرفتي ..

وخلصت رحلتنا الحلوة اللي تقريبا كانت نص يوم .. واللي انبسطت فيها عنجد ..

____________________________________________________________


وهيك بكون أنا خلصت موضوعي .. اللي تعبت فيه عنجد ..

وبتمنى أشوف ردود حلوة منكم ..

________________________________________

ملاحظة / كل الصور هي من تصويري ..

وجميع الحقوق محفوظة لـ

عاشق بلده
مقعد الغزازوة
NTSU-Style
________________________________________

وتحياتي الكبيرة الكبيرة .. الكم ..

صدق الشاعر حين قال .. يحوووووووو


-------------------------------------------------------------------------

>> إستخدم خدمة البحث المجانية قبل ما تنزل أي موضوع، بلاش يطلع مكرر، وتحرج حالك <<

ييييي ما احلا صور التلج

يالله شو نفسي اشوف التلج

عنجد نيالك


الصور كتير حلوين

بدي

بدي منو هاد الاشي الابيض

تيب يا بخيل كرم علينا بكرة تلج زغيرة


بس لا تسدق حالك انا عندي تلج كمان هيو هيو ..






ثنكيو يا عاشق ولله حللللوة الصور


فنان


عقبال ما تفتح استديو






تحياتي

مكنتش متخيلة رام الله حلوة هيك ,,

أول وآخر صورة أحلى شي ..

يعطيك العافية بأي كاميرا هادي الصور ..

يا ويلي عليا


هي اخرتك يا عم عاشق


اتصور ثلج


يعني انت بتقول شارع الحبيبة انا قلت كله موزز هلقيت


مفش غير الثلج وخيالك

هههههههههه



صور حلوه عن جد


يسلمو ايديك يا عشوق


يعطيك الصحة يا معلم

الممثلة : كلما كانت ملابسها ( قصيرة ) !! ... كلما كانت أدوارها في أي فيلم ( طويلة ) !!!

ياعيني ياعيني .. والله صور رهييييييبة بجد قمة في الروعة

معلم يا باشااا

يسلموو إديك بجننووو

المشاركة الأصلية كتبت بواسطة حسون عليا الطلاق انك فنان يا معلم وبتاخد 100% .. وأحلى مسمار شو مسمار .. أحلى زميل لأحلى موضوع ومش بس هيك .. كمان راح أرسله لكل أعضاء المقعد .. ويعطيك ألف عافية على الصور .. وبقولك في الآخر .. يحححححوووووووووووووووووو

تسلم يا مختار الله يخليك يا رب ..
وشكرا عالزميل ..
احلى مختار في الشرق الاوسط غصبا عن السمك واللي قطع السلك ..
نورت ..

المشاركة الأصلية كتبت بواسطة أردنية بس الأصل فلسطيني ييييي ما احلا صور التلج يالله شو نفسي اشوف التلج عنجد نيالك الصور كتير حلوين

اه والله نيالي ..
ان شاء الله بتيجي هون وبنلعبك بالتلج ..
منورة يا اردنية ..

المشاركة الأصلية كتبت بواسطة مزاج دوت مي بدي بدي منو هاد الاشي الابيض تيب يا بخيل كرم علينا بكرة تلج زغيرة بس لا تسدق حالك انا عندي تلج كمان هيو هيو .. ثنكيو يا عاشق ولله حللللوة الصور فنان عقبال ما تفتح استديو تحياتي

ههههههههههههه
احلى مزاج دوت تلج في المنطقة ..
تسلمي على ردك .. بس التلج اللي عندي غير ..
ونورتي والله ..

المشاركة الأصلية كتبت بواسطة صايع بس ولد ناس وااو واااو واااو ايش هالصور الروعة هادي عليا الطلاق كإنك مصورهم في أوروبا والله بلادنا حلوة يا جماعة .. وأحلى بلاد كل ما تصور صور فرجينا يا كبير

اه ههههه .. هي فعلاً مبينة زي أوروبا ..
ولا يهمك .. ان شاء الله اي اشي مميز بصورو بحطو بالمقعد ..
نورت يا سيوعة ..

المشاركة الأصلية كتبت بواسطة أمووونة مكنتش متخيلة رام الله حلوة هيك ,, أول وآخر صورة أحلى شي .. يعطيك العافية بأي كاميرا هادي الصور ..

أهلاً يا أمونة ..
كل بلادنا حلوة مش رام الله وبس ..
وهادي تصوير كاميرا جوالي .. N73, 3.2 MP
نورتي ..

المشاركة الأصلية كتبت بواسطة abuwade3 يا ويلي عليا هي اخرتك يا عم عاشق اتصور ثلج يعني انت بتقول شارع الحبيبة انا قلت كله موزز هلقيت مفش غير الثلج وخيالك هههههههههه صور حلوه عن جد يسلمو ايديك يا عشوق يعطيك الصحة يا معلم

ههههههههههه
هلا يبو وديع ..
نورتلي موضوعي .. وتسلم على ردك ..

المشاركة الأصلية كتبت بواسطة ابو وديع ااااااااااااااااااااااااااااااااااااااخ شو تمنيت يكون الاشي في غزة والله اشي رهيب بجد.. يعطيك الف عافيا اخي عاشق وكل التحيا الك ولكل المرابطين في الضفة .. تحياتي الك وحبيبي يا حااااااااااااااج...

أحلى أبو وديع نمبر توو على الخط ..

غزة احلى واحلى كمان اكيد ..

بس بينقصها هداوة البال .. ربنا يفرجها ع اهلها ان شاء الله ..

مشكور ابو وديع على مرورك ..

المشاركة الأصلية كتبت بواسطة نونة الشعنونة ياعيني ياعيني .. والله صوورهييييييبة بجد قمة في الروعة معلم يا باشااا يسلموو إديك بجننووو

أهلاً أهلاً ..

هلا نونة ..

تسلمي يا حجة .. كلو من زوئك ..

نورتيلي موضوعي ..