انتي الشمس ْ

نور العمرْ

و انتي زغاريد الفجر ْ

و انتي كمان هبة نسيم ْ

كله عٍطِرْ

بتتزكري ؟

لما التقينا في احتفال يوم الأرضْ

كنا غْرُبْ في بلادْ غريبةْ

بس الوطن كان جوا عنيكي

من يومها

صارت عنيكي لي وطنْ

بتتزكري ؟

ساعة ما نادوني أحكي شعِرْ

كان الشعرْ كله إلكْ

ولما خلصت القصيدة

و الناس ضلُّوا يصقفوا

بس انتي ما وقفت ايديكي

ليش؟

كان كل الكلام إلكْ

ومن يومها و احنا سوا

و من يومها وانتي الوطن

الرفيق حسن... ابدعت عزيزي...انا مش من كتاب العامية...عشان هيك بستمتع جدا لمن الاقي حد بيكتب فيها...وبيتقنها...وبيقدمها بشكل حلو زي ما انت ابدع...
يسلمو كتير...وتقبل مني اعجابي...
وتحياتي...ودي...وكل احترامي...
والكل رفيق....

_______________________________

ربط رائع أخي حسن... مناسبة وطنية وتحويلها لغزل بمحبوتك...وبعدها بتكون حبيبتك هي الوطن والوطن هو حبيبتك...

كلام حلو وخفيف ونابع من القلب...ربي يعطيك العافيه....ضلك زيدنا بجديدك...وبالقصائد العاميه اللي زي هيك...

_______________________________

فكأنني وحـدي هنـــا..

الأمير الأحمر

أشكرك على حضورك الرائع دائما ،

في الحقيقة أنا شاعر فصحى و كاتب قصة قصيرة و أكتب العامية أحيانا ، و عندما جئت الى هنا فضلت الكتابة فقط بالعامية لأنني في مقعد الغزازوة و كل ما أهاجم قرن فلفل شرس أجدني " أهستر" بالعامية أكثر.. هنا جمهورية الحكي المرتب و رفاق الكلمة الطيبة

شكرا رفيق

بقايا وجد

شكرا لكل هذا العطر و دفء الحروف

تحيتي