بتنجان وإيتش ض3

الدحنونة · #1 02-03-2008, 01:56 PM

بسم الله

منورين منورين.. وأنا كمان منورة

زمان عن الأكلات المخبصة

إيش أخباركم وشو عاملين؟

نخش في المفيد

هداك اليوم إجا ع بالي أجرب طريقة هيك طريقة عجبة شفتها للباذنجان

وبرضه أعمل أكلة أرمنية.. نوع من المقبلات.. اسمها إيتش Each
علمتني ياها صاحبتي

نبلش طريقة الباذنجان المحشي..

المكونات

حبتين بتنجان كبار..
بصلة..
لحمة مفرومة.. كيلو..
حبتين فليفلة حمرا وخضرا مفرومين..
3 حبات بندورة مفرومين..
وشطة

هلأ بنقلب البصل شوي مع زيت..
وبنحط اللحم مع ملح وفلفل وبهارات..

بنقطع البتنجان بالطريقة الغريبة هادي

وما بنقطعها للآخر.. بنخليها من تحت ماسكة..
بنضيف البندورة عاللحمة.. والشطة

وبنضيف الفليفلة..

وبنبلش نحشي البتنجان زي هيك

بيصير عنا هيك شكله..

أنا وأنا أعمله مستغربة رح يزبط ولا لأ

حطيت الحبة الأولى بطنجرة عالنار مع شوية مية وملح..

وغطيتها
وقلت أتسلى على الحبة التانية

هي مشرفة الإشي أحسن مني؟

ومع الاستهبال والتفكير..
طلع معي.. الشكل التالي

قنفذ

هلأ بس نخلص البتنجانتين نص سلقة
بنحطهم سوا بصينية وبنحطهم بالفرن..
مع ميتهم يلي كانت بالطنجرة

هلأ طريقة إيتش

مقبلات زاكية كتير وسهلة

المكونات:

كوبين برغل
كوب ماء ساخن.. نسيت أصور مية

كوب صلصة بندورة..
(يعني يا مطحون أو معلقتين كبار مع كوب.. أنا عملت التانية)
بصلة مفرومة
زبت ذرة
ربع كوب عصير ليمون
4 حبات بندورة مفرومة
بصل أخضر، نعنع، بقدونس

هلأ أول شي عملته

جليت الطنجرة يلي عملت فيها اللحمة

وكل شي بجليه أول بأول..
قلت بلاش أعوّم المجلى زي مشرفة الإشي

المهم.. بنحمي زيت الذرة وبنحط البصل حتى يذبل..

بنحط البرغل وبنحرك

بنحط الصلصة والليمون والمية وملح..

وبنضل نحرك

لحتى يصير المزيج متجانس.. بنطلعه وبنخليه لحتى يبرد..

بعد ما يبرد.. بنحط معه باقي المكونات بعد ما فرمناها..

البندورة والبقدونس والبصل الأخضر والنعنع..
وإذا بدكم قرن فلفل غزاوي أو قرنين

مع شوية زيت زيتون..

وبنطلع البتنجان..

وصحتين..

بتشهي الأكلة ع فكرة

وهاد الصحن لمشرفة الإشي عشان استغبناها كتير اليوم..

بتمنى تكون عجبتكم..

منورين..

جربوها واحكولي..

**السندريلا** · #2 02-03-2008, 02:14 PM

مزكااااااااااااه زي كأني دوقته
بـدي بـددددي بـدددددددي
أنا قلت مش رح يزبط وعدها الصور بتبينه وهو خربان
اول ما شفت البتنجان هيك عملت
وبعدين هيك
وبعدين هيك
بس وهو مستوي عملت هيك

بس على فكرة المقبلات شكلها أزكى من الطبق الرئيسي
قصدي الـ إيتش الـ إيتش << يرحمكم الله
يسلمووو إديكي حنونتي حوبك انا << رشوة
يلا ضيفيه عالقائمة عشان لما أشوفك
تعمليلي اياااه
بس تقلقيش لما آجي عليكي انتي بتطبخي وانا بأجلي

نيـــــــــالــــــــه

على فكرة الغيبة حرام

زنـــقـــر · #3 02-03-2008, 02:22 PM

اكلة مرتبه وبتفتح النفس

يعطيكي العافية

بدي صحن

أخر ونجكة · #4 02-03-2008, 02:36 PM

السللام عليكم ورحمة الله وبركاته،،،
يعطيكي الف عافية نونتي بجد بتشهي بنعرفها هاي الاكلة كتير زاكية بس مش هيك بنحشيها بصل وبندورة بس بس برد و طيبة يسلمو دياتك تقديم رائع ... من ايدين اروع
يعطيكي الف عافية وزيدينا انتي عارفة الوضع هلق بستلزم الاشي ههههههه
مع تحياتي
عاشقة الدموع

**الملاك الوحيد** · #5 02-03-2008, 03:53 PM

::

,,

يمممممممممي جوعتيني دحنونتي حرام عليكي
بتشهي ماشاء الله عليكي انا تبخة الباتنجان شفتها
مرة على التلفزيون الشيف اسامة بطبخها ..
بس تبعتك اسهل وشكلها بيشهي اكتر

يعطيكي العافية ياقمر ونورتي

دمتي بكل ود

تحيتي

,,
::

malak · #6 02-03-2008, 08:57 PM

والله اكلة كتير نايس وشغل مرتب
يسلمو ايديكي دحنونتي

**مستر قلقيشن** · #7 02-03-2008, 09:16 PM

دبه
مش انتي يا دحنونة البتنجانة الدبه

بس والله شكلها حلو زاكية

عاشـــ فلسطين ـــقة · #8 03-03-2008, 12:50 PM

دحنوووونه
يم يم يم .. كتيــر بتشهي ..
بجد خليتيني أبلع رييئي ..
منظر البتنجاانه يااااي كتيــر لزيزة ..
ما دخلني بدي بدي

لما شفت هادي الصورة فكرتها فتــوش ..

بــس بج ــد شكلها كتيير لزيزة ..

يعطيكي العافيـه ح ــبيبتي ..

قمرهم كلهمjust · #9 03-03-2008, 09:08 PM

يسلموو دحنونة ع الاكلة لمرتبة هاي

ويسلموو دياتك

اجمل الذكريات · #10 03-03-2008, 09:17 PM

فعلا الا كله بتشهي وشكلها كتييير طييبه
يسلموووووو هالادين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)