|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
04-01-2006, 01:41 PM
|
||||
|
||||
اديش بتحبوني ؟؟؟؟؟؟؟؟؟؟
كان يا ما كان في قديم الزمان . ملك غزاوي عنده ثلاث بنات حب في يوم من الايام انه يختبر حبهم اله . جاب الكبيرة ( وجه البكسة ) . وقالها: يابا يا حبيبتي قديش بتحبي ابوك الملك . البنت من غير تفكير : بحبك قد ما السمك بحب البحر . الملك فكر وقال في باله : ايهو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجة . وقام اعطاها قصر كبير ومجوهرات . جاب البنت التانية ( واسطة العقد ) وسألها نفس السؤال . فقالتله: بحبك قد ما الطير بحب السما . انبسط الزلمة وكيف . واعطاها قصر جنب اختها ومجوهرات وميمعة . بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة بتحب الشطة . الزلمة زعل وعصب وقام لفحها كف خلا ايديها ورجيلها اربعة . ومسكها من شعرها وزتها برة القصر . وما رضي يسمعمنها ولا نص كلمة .  البنت دارت بالحواري وعلى ارصفة الطرقات وتسمع كلمة من هاد وكلمتين من هداك لغاية ما ربنا حن عليها واجاها مزارع مسكين على باب الله حبها وحبته وراحوا سكنوا بالكوخ تبعه اللي بنص الغابة . طبعا اول اشي تزوجوا  بلاش مخكم يروح لبعيد عارفكم انا . ودارت الايام ومرت الايام ما بين بعاد وخصام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة دور على المرافقين . ولا هم هون . طب الحرس . فص ملح وداب . وين الشباب؟؟؟؟؟؟؟؟ لا حياة لمن تنادي . ضل الملك يمشي ويمشي .لغاية ما لقي هالكوخ لصغير . قال يلا بفوت برتاح وباكلي لقمة . دق على الباب فتحلو صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة مرته مش خافي عليها الصوت . قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة . بدت تشتغل بالجاجات وخطر على بالها فكرة نادت جوزها وقالتله خود شوية الدقة هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة كتير . ما بلع اول لقمة ولا صار بده يستفرغ . وصاح بالزلمة : ولكشو هاد دقة من غير شطة ؟؟؟ كيف بتاكلوها هاي ؟؟؟؟؟؟؟؟؟؟؟ وفجأة اتذكر بنته الصغيرة وصار يعيط زي الهبايل . قاله الزلمة : ول شو مالك يا زلمة انت العاقل . كل هاد مشان شوية دقة هسة الجاج بخلص . قلعطتني . شو هالعالم هاي . راح الملك حكى للزلمة القصة . وهو خلص من هون نطت البنت  وقالت : بخ .كيفك بابا .؟ عرفت اديش بحبك يا اهبل . ؟؟؟؟  ؟؟؟وهيك عرف الملك قديش بتحبه بنته . وجابتله دقة بشطة . طبعا ما اكل منها لا لقمة لانه نزل الجاج جرد واعطاها قصرين ومجوهرات و سوبر ماركت و كروز دخان (عاد هي بتأرجل  وشغل جوزها ضريب مواس عنده وتوته توته خلصت الحتوتة  حلوة ولا فتفوتة ****************منقوووووووووووووووووول****************
_______________________________
 مـن المؤلـم.. أن تكتب لمن لا يقرأ لك وان تنتـظـر من لا يأتي إليـك و ان تحـب مـن لا يــشعــر بـك وان تـحتـاج مـن لا يحـتـاج إلـيـك 
|
|
#2
04-01-2006, 02:03 PM
|
||||
|
||||
هههههههههه دقة بالشطة اي هي التانية الله يصلحها تحكي اشي عليه العين لمين طالعة كحتوتة (اكيد مش لابوها ) بس دقة  يلا الحمد لله انتهت القصة على خير يسلموووووو
_______________________________
|
|
#3
04-01-2006, 02:09 PM
|
||||
|
||||
|
تسلم دياتك عسوله ........
_______________________________
___________________________    تسلملي هالدياااااات الحلوة  جنااااااااان
|
|
#4
04-01-2006, 02:27 PM
|
||||
|
||||
|
هههههههههههههه  بجد قصة حلوة كتير يا عسولة  من وين جايباها هذه هي نفس قصة الملك لير تبعت شكسبير بس للأمانة هذه أحلى بكتير هع هع هع تحياتي إلك عسولة _ _ _ _ _
_______________________________
 ادي اللي كانــــوا
|
|
#5
04-01-2006, 03:34 PM
|
||||
|
||||
|
شكرا كتييييييييييييييييييييييييير على مروركم و انتو احلى و كلكم زوء
_______________________________
مـن المؤلـم.. أن تكتب لمن لا يقرأ لك وان تنتـظـر من لا يأتي إليـك و ان تحـب مـن لا يــشعــر بـك وان تـحتـاج مـن لا يحـتـاج إلـيـك
|
|
#6
07-01-2006, 03:59 PM
|
||||
|
||||
|
مشكورة يا عسولة بس الموضوع مكرر انا لازم احذفه بس علشان خاطر عنيكي بديش احذفه خليه انتي علينا بموضوع حلو ياللا مشكورة يا حجة
_______________________________
 ^ ^ ^ ^ ^ 
|
|
#7
07-01-2006, 04:44 PM
|
|||
|
|||
|
حلوة كتير شكرا
_______________________________
نهــــج من ام الى طفــــل الله يرحمك يا ماما الرد حيكون عنيف والله لا يبارك للي كان السبب   لكن كل شي بوقتو حلو
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| والله بحبكم بتحبوني | وحداتيه في عيون عسليه | إتفضل يخو | 9 | 03-01-2010 06:41 PM |
| انت ايش ؟؟؟؟ قلي اييش ؟؟؟؟ لابناء فتح بس | عابر المحيطات حافـي | آخر شريط ومطرب نزلوا | 29 | 07-11-2007 10:03 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
