|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
التسجيل مفتوح اليوم للزوار .. ويا ويله يا ظلام ليله العضو اللي بسجل بعضويتين
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
16-05-2008, 06:31 PM
|
||||
|
||||
][~.. سـانـدي في المطبـخ ..~][
 السلام عليكم .. كيف حالكم  واللي بدو يضحك يطلع برة   اليوم إجا ع بالي أخش المطبخ أهبب شوية زي ما الكل بيهبب  وأورجيكم صنعة إديا وحياة عنيا  لأنه الكهربا كانت قاطعة ومفش نت يعني من الآخر  المهم بعتت أخويا ع السوق واشترالي الآتي : 1- نص كيلو صدور ججـاج (شنيتسل يعني) بـ 13 شيكل   3- فيجيتار وبما إنه احنا محاصرين  مفش من النوع المبكت فـ اشترالي نفـل بـ 3 شيكل   3- 4 بيضات بتنين شيكل  والصراحة احنا تلاجتنا خربانة بسبب قطع الكهربا اللي ورا بعضو عشان هيك فش عنا بيض  3- مكعبين مرقة ماجي بنص شيكل  هلأ هادول بس الغراض اللي اشترالي اياهم من السوق للشنيتسل غير هيك البصل من عنا .. هو احنا كل يوم بدنا نشتري بصل هادول تلت بصلات مفرومين فرم زغير كتير   وقرنين فلفل دبلانين شوية عشان فش تلاجة ..   وأكمن درس تــومة مدقوقين عاد أنا كيف ماما - الله يشفيها - علمتني أقشر التومة .. بحطها في زبدية وبدقها شوية مش كتير وبعدين بقشرها بتكون سهلة التقشير وبعدين بغسلها   وبـس هلأ الطريقة .. إحم إحم بتجيبوا تـُلتية أو زبدية أو سلطانية .. اللي هو يعني وبتحطوا فيها الآتي :مكعبين ماجي + الفلفل الأخضر المفروم زغير (نسيت اصوره وهو مفروم  ) + رشة حب هان مطحون + التـومة + رشة فلفل أسمر + رشة سماق مطحون (كبيرة شوية عشان انا بحوبو  ) وبعدين بتحطوا معلقة كبيرة بصل مفروم وبتتركوا الباقي  إزا الفيجيتار مبهر تحطوش ملح وإزا مش مبهر بتحطوا شوية زغيرة كتير  وبعدين بتدقوا الأشياء هاى كلها بالمدقة زي هيك   وبضلوا إدقوا لغاية ما تصير زي هيك   وبعدين بتجيبوا اللحمة وبتدعكوها منيح خالص مالص بالتتبيلة هاى  وبتحطوا فوقها باقي البصل اللي ما دقيناه وبتخلطوا الإشي كله ببعضو زي هيك   بعدين بتغطوه وبتتركوه عشان يتشرب البهارات وبتسمعوا خطبة الجمعة من جامع القزمري  واللي اليوم كانت مختصرة كتير زي ما حكى الشيخ عشان الكهربا كانت قاطعة في شارعنا كالعادة كل جمعة من 9 صباحاً للساعة 3:30 بعد الظهر وعشان مفيش سولار للمولد تبع الجامع يكفي خطبة طويلة   هيك خلصنا من تتبيلة اللحمة ولغاية ما تصير جاهزة للقلي - بدها حوالي ساعة أو تلت ترباع الساعة - بنعمل السلطة  السلطة اللي عملتها أنا عبارة عن بندورة وخيار وبصل وبقدونس وفلفل رومي (نسيت أصوره)  وهيك بعد ما فرمت الأشياء كلهااا  وبما إنه إحنا تلاتة بس اللي بدنا نتغدى أنا وأخويا وأختي فحطيت السلطة في تلت صحون  بعد هيك قليت بطاطا جبت اكمن حبة وغسلتهم وقشرتهم 8 حبات زغار شوية عشان أخويا بحب البطاطا  وفرمتهم هيك  طلعوا مش كتير يعني زي ما توقعت  بعد ما خلصت من تقشير البطاطا عملت أكلة عالسريع لماما عالغاز بردو وأخدت شوية وقت وبعدين جبت المقلاية وحطيت فيها زيت صويا وبديت بالبطاطا حطيتها كلهاا  وهيك لما احمرت  وهيك لما طلعتها من المقلاية  بعدين رحت جبت اللحماااا  منظرها بيتاكل أكل لحالو من غير قلي  المهم جبت كمان الفيجيتار وحطيته بصحن مفرود عشان سهولة الاستخدام  والبيض كسرت 3 بيضات بس من الأربعة في صحن عميق شوية وخفقتهم كتير منيح  وبدا الشغل  بس طبعاً بدي أحكيلكم ملاحظة إنه البوتوجاز بعيد عن الشباك يعني الصور رح تكون معتمة شوية وكمان الكهربا قاطعة  صورتلكم أول قطعة حطيتها بالبيض وبعدين بالفيجيتار  وهيك وهو في الزيت  وهيك بعد ما خلصت قلي كل الكمية   طبعاً حطيت الإشي كله بصحن واحد مع البطاطا مش مستاهلة أضل أجلي يعني كلنا تلاتة اللي بدنا ناكل هلأ في شغلة أنا بحب أعملها وهى أهم عندي من كل الشغل هادا وهى إني بخلي قطعة لحمة بالآخر وبقطعها زغير زغير وبجيب كل التوابل اللي ضلت بالطنجرة اللي نقعت فيها اللحمة وبحط عليها باقي الفيجتار وشوية بيض لو ضل يعني .. بيطلع المنظر هيك  وبحط زيت جديد في المقلاة بعد ما أجليها وبرجعها عالغاز وبحط الخليط هداك كلو  وهيك لما يستوي .. هو اصلا ما بياخد وقت كبير عالنار  وبحطه بصحن لحالوو و عادة أنا بحط عليه كاتشب بس مفش كتشب بسبب الحصار الله ياخد اليهود   وبعدين صلينا الجمعة وإجا أخويا من الجامع وحطينا السفرة على طول  وبعدين شربنا سفن أب  وبعدين الاتنين هادولاك يا حرام راحوا يتمددوا بانتظار الكهربا  أما أنا رحت حطيت أكمن حبة أسكادنيا وخوخة وحدة في صحن ورحت أتفقد الغسيل تبع امبارح لقيته محمص تحميص في الشمس وقطفتلكم وردة من شجرة عنا اسمها (ساقيسلي) أكيد اهل غزة بعرفوها منيح وصورت الإشي على المنشر هيك وهيو تحتو البشكير الزهري والملقط طالع مشخص في الصورة هههههه  بعدين ختمت حفلة التصوير بصورة للصحن محطوط فوق نبات اسمه ( بعطران) إله زهر لونه بنفتحي هادا أنا اللي زرعتو لأني بموت على ريحتو  وبالآخر أخدت الوردة وحطيتها في كوباية قهوة وحطيتها عندي عالمكتب بانتظار تيجي الكهربا وأحكيلكم حدوتي اليوم .. فشو رأيكم حلوة ولا ملتوتة  بتمنى ما أكون طولت عليكم .. تحيتي للكل 
_______________________________
. . . . .  . . إبداع العـثـل مـحـمـد .. الله يسلم هالإدين يا رب . . . .      التعديل الأخير تم بواسطة : الملاك الوحيد بتاريخ 16-05-2008 الساعة 10:36 PM. 
|
|
#2
16-05-2008, 06:38 PM
|
||||
|
||||
ياعيني يا عيني عليكي .. والله إنك شطورة هيك حجات لزيزة وبتشهي وإنو هيك .. يعطيكي العافية ياعسولة وصحتين وعافية على ألبكم
_______________________________
 الدلـــــــــــ نونة الشعنونة ـــــــــــع أنا نونة الشعنونة .. حلوة ومش مجنونة ..وشباب المنطئة بتلمو .. لوقفة في البلكونة أنا حلوة .. أنا حلوة .. أنا حلوة  ... ثانك يوو أحلى soose عالتوقيع الروعة  توقيعي أحلى توقيع بكل المقعد
|
|
#5
16-05-2008, 06:45 PM
|
||||
|
||||
 بيعزفو النشيد الوطني شو بدي اعلق تعلق بجد والله اشي كتير بيشهي والله صحتين وهنا والله يعطيكي الف عافية على مجهودك مع انو كلمات كتير ما فهمتها زي هداك نوع التوابل واسم الفواكه بس الصور روعة ومعبرة وبتفتح النفسوينو حقي
_______________________________
************************************* الهي بقدرتك تب علي وبحلمك علي اعف عني ظلل على ذنوبي بغمام رحمتك يا مجيب المضطر يا كاشف الضر يا عظيم البر يا عليما بما في السر يا جميل الستر استجب دعائي ولا تخيب فيك رجائي يا الله 
|
|
#6
16-05-2008, 06:47 PM
|
|||
|
|||
|
والله ريتو الف صحة وهنا .. ما شاء الله عليكي طباخة ماهرة .. ويعطيكي الف افية يارب .. يوم حلو .. اكيد .. بالنسبة للاسكادنيا والاشي حلو برضو .. والوردة احلى واحلى ... جد يا نيالك على راحت البال .. منــورة
|
|
#7
16-05-2008, 06:50 PM
|
||||
|
||||
|
يعطيكي العافية ساندي .. وصحتين وعافية .. تحيااااتي 
_______________________________
 توقيع قديم من زمان .. بس حلو .. الله ينولك يلي ببالك يا سها  اقتباس:
ما إنسلخت يا فايع
|
|
#8
16-05-2008, 07:03 PM
|
||||
|
||||
|
من الآخر يا ساندي... احنا معزومين ولا لا؟؟؟؟ انا برأيي تعزمي كل بنات المقعد والشباب لا حبيبتي ساندي يعطيكي العافية .. بس لازم تعزمينا ملناش دعوة
_______________________________
 يسلمووو كتير اخي غير البشر عالهدية الروعة
|
|
#9
16-05-2008, 07:03 PM
|
||||
|
||||
|
أنا شفت العنوان من هون ومقدرتش أمسك حالي من الضحك بعدين شفت تاني سطر فاستحيت ع دمي شوي بعدين شفت الأشياءات فإنه انبسطت كمان بعدين شفت الورد فيعني إيش يا بتّ يا ساندي؟ من ورانا؟ نياله يختي نياله <<< دوري منورة الساحة والمطبخ وغزة والمسنجر  وكتري منه هاد المطبخ بيفيدك بالمستقبل سلام 
_______________________________
الآن.. في.. خرابيش   الله > أنا > الآخر  اللي بدري بدري.. واللي ما بدري بيقول كتكوت ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه..
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
|
العرض العادي
